عمتنا الكبيره
شرحج جميل جداً
واسلوبج نفس اسلوبي إلي اتعلمته بس ما عرضت اي لوحه
لأنه كل إلي تملي من اعمالي الزيتيه لوحه وحده في البيت بس
وشرحج عجبني لو انه مختصرلكن أنا اعرف انج ما بتقصرين علينا ابداً
عمتنا في المرات القادمه ابغي منج شي ما عليج أمر إذا قدرتي
إن شالله إذا رسمتي لو أي لوحه وراضيه انج تعرضين طبقاتها بيكون شي طيب
إذا قدرتي عشان نستفيد منج إن شالله
وإلي قلتيه في أخر ردج يسوى ذهب
أنه دايماً لا تحكمون على اللوحة من بدايتها
لأن الزيت عباره عن طبقات يمكن الواحد يطول
فيها شهر أو أكثر إذا بغى عشان يبرز لوحته بطريقه أجمل
وأكثر حقيقه وواقعيه بعد.
عمتنا اشكرج جداً وابغيج اتكونين متواجده في الموضوع دايماً عشان
نبحث أكثر في امور فن الرسم
وعمتنا أسئلتي التاليه اتقول :-
هل ترسمين بالألوان المائيه ؟ وما درجة اتقانج لها ؟
وهل إنتي من محبين هاي الألوان ؟
والسؤال إلي يتعلق بالألوان الزيتيه .... شو هي الفرش المهمه إلي تستخدمينها ؟
وهل إنتي إلي اتأسسين اللوحه ؟
صبري ما خلصت أسئلتي
اكبر فرشاه عندج شو حجمها؟
هل لفرشاة المروحه ( fan brush ) دور في رسماتج ؟
انا ادري أنه لكل فنان ادوات خاصه فيه يمزج فيها الألوان في لوحته فهل لج أدواتج الخاصه ؟
وشو هي الأدوات إن وجدت ؟
عمتنا شو رايج فيني وانا اقطعج بالأسئله عاده انتي إيلسي اكتبي انا بتريا ردج بالتفصيل
وإذا في أشياء ما حبيتي انج اتبوحين عنها فلج الحق طبعاً استاذتنا
المهم نحن في انتظار ردج واتمنى من الجميع المشاركه والتفاعل
شكر خاص لفنانتنا المتميزه
رد مع اقتباس
مواقع النشر (المفضلة)