السلام عليكم ورحمة الله وبركاته
عيدكــم مبـارك
وعساكم من العايديــن
Brownie Caramel Cheesecake
المقادير
1 كرتون brownie mix يعني براوني جاهز والأفضل تشترون كرتون مال betty crocker
3 بيضات
1 معلقة ماي بارد
1 كيس كبير (ولا 2 صغار) كراميل .. (الوزن 14 ounce)
1 قوطي رينبو
2 باكييت جبن (فيلادلفيا)
1\2 كوب سكر أبيض
1 ملعقة فانيلا
1 سائل الشوكولا .. ( جوكلت فدج)
الطريقة
خلطو الbrownie mix وبيضة وحده والماي في مـله .. يوم تخلصون .. هاتو spring pan *مال كيك* وحطو عليه شوية زبده .. من بعده حطو الخلطه فيه..
وجي بيكون شكله
حطوه في الفرن .. تحت درجة حرارة 175 .. لمدة 25 دقيقه
جي يطلع شكله يوم يخلص
فتحو الكرملزززز
حطو الكرملزز ويا الرينمبوو على نار هاديه لين مايذووب
أخر شي جي يطلع شكله
حفظو 1\3 كوب من الخلطه .. وحطو الباقي فوق البراوني
في مله عووووده .. خلطو الجبن ويا السكر والفانيلا + بيضتين .. لين مال ينعم ..
حطوه فوق الكرامل .. عقب حطوه في الفرن لمدة 40 دقيقه
بتحصلوون صعووبه تخصلون جدركم .. لانه الكرمل يلصق من الخاااطر .. وخصوصا يوم يبرد .. وبتحصلون نفس المشكله ويا الكرامل الزايد الى بتحتاجونه بعدين ..
ف.. ك نصيحه .. حطو ماي في الجدر .. وحطو الكوب في الماي .. في هالوقت .. الكرامل داخل الكووب بيثووب .. والكرامل داخل الجدر بيذوب = بيكون عندكم كوب + جدر الى نظااف
جي بتكون شكل الكيكه يوم تخلص .. انصحكم تحطون ألمنيووم تحت الكيكه .. بتعرفون ليش بعدين
حطو الكرامل والجوكلت بالطريقه الى تبونهااا
وخلاص
وتصبحون على خير
شمعة أمل
رد مع اقتباس
ماكرو على ~ ا ل غ ل ا ~
مواقع النشر (المفضلة)