تخصص المحاماة .. !!

[الملهم]

السلام عليكم ورحمة الله وبركاته

اشحالكم حبايبي اعضاء واحاتي ؟؟ ..

بغيت اعرف كيف ادرس محاماة ؟؟
يعني اي حد يعرف اي كلية او جامعه يدرسون تخصص المحاماة ؟؟
غير جامعة الشارقة .. واذا حد يعرف عن جامعه الامارات يقولي كيف دراسة المحاماة هناك ؟؟

لاني صدق احس اني ضيعت سنة على الفاضي ..
ابا احدد مصيري من الحين .. ^__^

ولكم كل الشكر ..

[راعي الزعـامه]

بالتوفيق لك اخوي الملهم

معني احس ان الهندسه تناسبك اكثر من المحاماه
بس لو تاخذ السالفه شويه بجد ،، وانت ماضيعت سنه ولاشي

شد حيلك و كل شي تمام ان شاء الله

[ذنـيـنـي]

اعتقد قصدك تخصص الشريعة و القانون
لأنه ما في تخصص اسمه محاماة

عندك جامعة الشارجة و جامعة عيمان و جامعة الامارات

و كلية شرطة دبي كذلك اتدرس قانون,
اعتقد انك تقدر تدرس فيها بدون ما تكون تابع للشرطة, بس حاول تتأكد



و في النهاية انصحك تكمل في مجال الهندسة,, اهم شي تشد حيلك و ان شاء الله امورك بتتيسر
و ثانيا تخصص الهندسه وايد مطلوب حرام تطلع منه

[الملهم]

انزين وين ادش .. اي تخصص في الهندسة ؟؟
ما احب الالكترونيات .. ما احب الميكانيات ..
السفل امممم .. بعد يباله فيزيا .. ما احب الفيزيا .. اخاف ادش واتخصص واتخرج واخر شيء اندم على السنوات اللي درستها ..

مااااااااااااا ادري شو اسوي ؟؟؟؟؟!

[مــهــابه]

عـليكـ بالأسـتخــاره أخـويه المـلهم

هـيه نـعم في جـامعـة الإماراتـ كليـة الشـريـعه والقـانون وبالأحـرى القـانون تـقدر تـدرس فيـها
السـاعات المعـتمده 132 سـاعه
يـعني تـقدر تـخلص بـ4سـنوات لـو شديـت حيلكـ ، وهـو تخـصص حـلو
ولكـن يقـولـون يحـتاج لـحفظ ومطـالـعه

يـعني لـو مثل ماتـقول ماتحب الفيزيـا وهالسـوالف هالتخصص يـوفر لك هالشي
وبـعديـن تـضمن لكـ الوظيـفه

ولـوفكـرت مثـلاً بـعد الـتـخرج تـقـدم فـ المعـهد القضـائي فـ شـهادة جامعـة الإماراتـ في المقـدمه وتـليها شـهادة جـامعه الشـارجـه

فـالأخيـر أرد وأقـول لكـ الاستخـاره

[المقاتل]

.. معلومه ..

القانون منفصل عن الشريعه في جامعة الشارجه

:: المقاتل :: وربي يوفقك يالملهم ::

[الدلووووعة]

انا اللي اعرف في جامعة الامارات فيها تخصص شريعة وقانون في جامعة الامارات
ومن ضمنه المحااماه

بس دام انك فالبزنسس وانت ولد علمي
يعني عادي عندك البرزنس واوكيه بتمشي فيه

[الملهم]

الدلوووعة ..

انا في الهندسة مش البزنس .. ^__^

مثل ما قلتوا لازم اصلي صلاة الاستخارة اولا واخرا ..
بس حد يعرف جامعه خاصة للقانون ؟؟ ..

[الدلووووعة]

هيه المهم هندسة ولا بزنس
وهيه صح صل صات استخاره
وبعدين سو اللي تباه

[مزن هتان]

ولد الكاف

تخصصك حلو و مطلوب ليش
تبي تظهر، دامك درست
سنه والحين خلصنا
المنتصف
اذا ظهرت الحين كذا راح تكون
صدق ضيعت على نفسك
انا كنت اتمنى ادرس هندسة
الكترونيه بس مادري
ليش حطيت تقنية
معلومات

بالأخير القرار راجع لك

[خيال الروح]

صح انه الهنـدسه مطـلوب هالايـام
بس أهم شي انـك تدرس الشي الى تـحب
وما يهم اذا ضيعت سنه ..
المهم أنـك تدرس شي انت تبـاه ..



:

[الملهم]

في ناس خوفوني .. يعني قالوا انهم درسوا 4 سنوات وتخرجوا .. واخر شيء لقوا ان ها التخصص غير مناسب لهم بالمره .. حتى في ناس من اهلي بعد نفس الشيء ..

المهم .. انزين في حد يعرف جامعه خاصة تدرس فيها القانون ؟؟
انا سمعت من المس ان في جامعه في الشارجة غير جامعه الشارقة يدرسوا فيها القانون ..
ابا معلومات زيادة عن الموضوع ؟؟ ..

ولكم كل الشكر على النصايح الثمية .. صدق انتوا اخواني ^__^