خراريف

[سبيجة]

السلام عليكم

يالله ما نصدق نسمع هالكلمه ... إلا ركض


عندي أخبار وسلامات من أعضاء جدام ...بس أكيد أكثركم يتذكرهم ..


سلام كبير ..وفيه شوق أكبر ... من أخويه أحلى حلو .. مع اعتذار لعدم تواصله مع الواحات .. اتمنى له كل التوفيق في حياته العلميه والعمليه ...


سلام من اخت الكل ... صاحبة القلب الكبير ..والسوالف اللي مستحيل تمل منها ... (خصوصاً إنها شراتي من محبين الكلام الكثير والتحرطيم في الردود).. بنت العاصمه بوظبي ..


امنياتي لها بحياة مليئة بالفرح والسعادة ... بدخولها القفص الذهبي .. الغاليه جداً أسرار قلب .. ... وعقبال كل بنات الواحات .. بس بدور .. الكبير قبل


شو رايكم نتبادل الخراريف .. عن اعضائنا الجدام ... بحيث كل ما كان عندك/ج وقت ... نمر على أسماء الأعضاء ...نسأل عنهم .. ونشوف شو اخبارهم ..اكيد بتكون هالرساله اللي ما بتاخذ من وقتنا أكثر من دقيقتين ... لها أثر كبير في نفس العضو/ه ...وفيه تشجيع للرجوع للواحات ...


شو رايكم بالفكره ..


السموحه

[خنفروش]

و عليكم السلام سبوج كيف الحال والاحوال وشو الاخبار

الله يسلمج ويسلمهم ويهنيج ويهنيهم ويحفظج ويحفظهم ... إلخ


اسرار دِل الواحات .. اشتقنا لج وااااااااااايد و ننتظر عودتج .. و نتمنى لج حياة سعيدة يملؤها الأمل و التفاهم (( و اتعيشوا في تبات و نبات و اتخلفوا صبيان وبنات ))


بنت العاصمه .. والله لج وحشه .. بدعي عليها قولوا آمين .. يارب ترجع للواحات ابسرعه .. عشان انسوي لها اكبر حفله شهدها تاريخ الواحات المعاصر


أحلى حلو .. الله ايسر لك امورك .. وينولك مرادك .. ويفتح لك دروب الخير

[جيز كيك سنيكرز]

وعليكم السلام والرحمه...

سبيجة بنت امبيريج ........كل ما اشوف اسمج استوي جيه يالله ماننحرم من تواجدج .... والله يسلمج ويسلمهم من كل شر ...سلمي عليهم سلامن واااااااااااااااااايد وقوليلهم ملزوم عليكم اذا حدرتو النت تخطفون على الواحه ....

بنت العاصمه بوظبي...اسرار القلب...احلى حلو ... الزعول ...تقوى الهجر...صدى الونه ..القطوه..الياهل ...
والله كانت ايام ... ليتها ترجع

لبن مثلج ...نشوفها فتره وتختفي ...

السموحه...

[سبيجة]

اخويه .... خنفروش ...


الله يسمع منك إن شاء الله .. وكثر من هالدعاوي ..


ولا تنسى كل ما تلقى وقت.. عليك بالرسايل الخاصه


شاكره لك مرورك ..



اختي الغاليه ... نسيتك

يا ويلي على هالرمسه اللي تشرح الفاد... تسلمين عزيزتي ..

الأسماء اللي ذكرتيها بالذات ... وايد مفتقدينهم ... اتمنى لو يخطفون ويشوفون اساميهم .. وإنه تواجدهم يخلق فرق كبير في الواحات ...


شاكره مروروج ..

السموحه

[خيال الحب]

هي والله..


قبل فتره يت على بالي اختنا بنت العاصمه..

اتذكر مواضيعها واهداءاتها الحلوه

ان شاء الله ترجع لناا

ويرجع لنا كل غايب^__^

[طير الحب]

وعليكم السلام والرحمه...

اشحالج سبوج....والله انا أبا اطمن على عضوتنا الصافية موبايلها مغلق من شهرين طرشت لأسرار قلب مسج انشدها ما ردت يحليلها مشغوله...ربي يوفقها ويسعدها


عقبالك يا سبوج نفرح فيج أنتي وكل الطيبات

[تحفه]

أنا وااااااااااااااااااااااااااااايد أحب بنت العاصمه بوووووووووووظبيييييييييي .. وصليلها سلامي : وقبلاتي .. إحم إحم

[أمطار]

الله يحفظهم وين ما يكونون ..
اي وحده تعرف الصافية أو تكلمها بليييييييييييييز سلموووا عليها واااااااااااااااااااااااااايد ..
وقولولها دمعة العين دوم تسأل عنج !

سبجبج .. سلمي على بنت العاصمة بوظبي .. سلام خااص :)
والله يوفجهن جميع . . .!


بغيت اخبركم ان شواطي الحب (أم سعود) بخير فديتها ووو تسلم عليكم ..

[المنصوري]

[مزن هتان]

أخونا القلب الطفولي
افتقدنا تواجده

كلماته في الشعر
لمساته في التصوير
نشعر بفقدانه بكل ركن من الواحه

الله يحفظه وين ما كان

[أنشودة المطر]

عليكم السلام

سبيجة بنت امبيريج

أنا الصراحة وايد أعضاء في بالي أبا أسأل عنهم

أبو زغلول

الفيلسوف

المرهف

وحيد في باريس

أوراق الورد

الأديبة الصغيرة

فقير و متين و أسود

صلوح يشرب شاي

توت عنخ امون "ان شا الله ما يكون الاسم غلط"

سعيد و حصة

وينهم؟! بيردون ولا لا؟

[مروة]

السلام عليكم
شخبارج انشا الله تمام
انا توني البارحة سجلت وانشا الله نكون ربع في بن دبي

[فنجان قهوة]

الراحه فكره حلوه
بس انا ما اعرف الاعضاء و حليلي
بعدني يديده على اني اعرف يعني يدوب اعرف كمن عضو بس بالاسم

[المزوحي]

مشكورة

وصح اللي ذكرتوهم وينهم .. وافتقدنا بنت العاصمة بوظبي

وانا أسأل عن حكومي ... كان عضو ممتاز في واحة السيارات ...

وهالأيام مانشوف اخونا الحساس ..

وفتاة من الشرق ... وديج الفريج .. وغيرهم

[طير الحب]

شكرا سبوج من خلال هالموضوع اتصلت فيني الصافيه بعد ما وصلت لها اخت عزيزة اني أسأل عنها