السماح بتزويد السيارات

[كـلـكـلـووش]

الســلام عــليــكم



السماح لـهم في حالة عـدم ارتكابــهم لـ أي مخــالفه مروريه او قيــادتهم بسرعه قــانونيــه

ســلام
كـلـكـلـووش

[تنينه]

السلام عليكم ,,

أمـس أخـوي يخبرنـي عن الخبر وسـمعت ان فزاع هـو اللي أمـر فيه ^^"..

يلااا بـشرى لكل محبين وعشاق ومدمنيين التزويد لول ,,


يسلموو

[قصايد غلا]

هذا القرار العـــدل "دامهم ماشين وحالهم حال نفسهم محد له حق عليهم ، لكن لو غلطوا خل يأدبونهم"

بس للأسف هذا في دبـــي لكن في الشارجه مادري متى بيخلّون الناس في حالهم
يقهرون ، حليله اخويــه ما قام يظهّر الجياتي والنيسان بسبّتهم كل يوم و زاخينه



شكـــرا كـلـكـلـووش ...

[الاسطوري]

وعليكم السلام ..

من زمان سمعت انهم بيسمحون بالتزويد يوم بيفتحون حلبه في دبي على اساس انه مسموح
تسرع وتلعب فب الحلبه بس ممنوع تسوي اي شي في الشارع ،،
وسمعت بالخبر هذا قبل كم يوم
وأظن بس بيكون في حدود دبي وفي الإمارات الثانية الامور مثل ماهي يعني كل واحد
يوقف موتره على الحدود ويكمل بالمواصلات
او حد يوصله


سمعتوا عن الليسن بإنهم خلوا العمر من 17 سنه وأظن على بداية السنه اليديده بيتطبق القرار
في دبي بس بعد مب متأكد لأنهم لازم ينسقون ويه شركات التأمين
ولا مابتصلح للي أعمارهم أقل
من 18


الاســـطـــوري
أخوكم

[راعي الزعـامه]

عن الليسن بو 17 سنه سمعت انها السالفه غلط
وعن التزويد مافي فايده الا لو عندك موترين واحد حق دبي بس والثاني يوم اتروح الشارجه والا اي امارة ثانية
يعني مثلا واحد مركب هدرز والا توربو وفلتر ،، كم بيكلفه التركيب و الشل كل مايبا يطلع من دبي !!

[مايهزك ريح]

امسات واحد حاط على موتري اعلان مال كورسا بيرفورمنس .. وكاتب انه بيبيع عليه الكت كامل ب 2500 وجيمته 3200 ومستعمل شهرين .. شكلي بركبه خخخخخخخخخخ

http://www.corsaperf.com/gto_2005-6.htm


مشكووووووور على الموضوع كلكلووش

[الدلووووعة]

ههههههههههههههههههههههههه هه


اخوانيه منقهرين من هاي السالفة

انه ليش فبوظبي هب مصرح

لاكن والله شكلهم هب مهتمين محطين سولف التزويد

انا امس سئلت اخويه قلتله انزين يوم بتسير تفحص السياره شو بتسوي

جان يقول عادي بشله وبعد ماخلص الفح برده

والله انه متفيج الصراحة


تسلم عالتصريح

[عايش وهم]

السلام عليكم ..

طيب هذا خبر حلو .. بس السؤال الجوهري يقول ..:

في الفحص بيمشون التزويد ولا لاء ؟

[الـيـاه]

ترى ناقصين
عاد شوفو عدد الاموات فالسنه بسبب الحوادث .. عوذ بالله .. منو قال الشباب بيتقيدون بهالشي

[ذنـيـنـي]

والله الخبر مفرح و يدل على وجود عقليات متفتحه في بلادنا
اصلا هالشي المفروض انهم من زمان يسمحون فيه

و هذا الشي موجود في كل دول العالم الكبرى
كل واحد حر بسيارته,, أهم شي هو انه ما يسبب فوضى و يسوي اشياء خطيره في سيارته و هو في الشارع.
نحن مشكلتنا انه أغلب الي قابضين الادارات عندنا من الشواب و تفكيرهم لا يزال على ايام السبعينات
و الحمدلله انه القيادات الشابه بدت تغير في القوانين ( الغير مناسبة ) لهذا الزمن

[المزوحي]

هم صح سمحوا

لكن عقب فترة بيقولون خلاص ممنوع ( ... )

وفي ناس بتشل شغلات التزويد وفي حد مابشيله على أساس مكلفنه

ويوم مابيشله أكيد الشرطو توقفه على المخالفة

يعني فكروا .. عسب يربحوون ...

[الـيـاه]

ذنيني
صح ان هالشي حريه ..
بس يوم اني افقد شخص من عايلتي والسبه سوالف طيش وخبال
هالساعه بيقدرون وبيعرفون ان هالشي غلط

لو الشباب عنا هني يحترمون القانون بنقول هالشي حلو وتسليه لهم في الاماكن المخصصه لهالشي
بس شبابنا عندهم قلة احترام للقانون
وخاصة في سوالف السيايير ..

[خيال الحب]

قرار حلوو.. عقبال ما يتطبق على باقي الامارات ^___^

[ذنـيـنـي]

لو تطبق اماراتيه ضد التهور صدقيني ما بتقل الحوادث بشكل كبير
حملة دبي تطبق في دبي بس,,,
عيمان >> سمعناهم يرمسون لكن ما شفنا تطبيق جاد مثل ما مستوي في دبي

وين باقي الامارات عن الحملة

الشارجة
بوظبي
ام القيوين
راس الخيمة

و مثل ما هو واضح في القانون,,
دام انه الشخص يمشي في حاله و مب مسوي مشاكل,, محد له خص فيه

يعني مثلا,, نحن عندنا نيسان و عليه هدرز
و مووووووووول ما نداعس فيه في الشارع
مركبينه عسب مشي السيارة يكون احسن في البر,,

ليش نتوقف في الشارع و يسوون لنا مشاكل بسبب الشباب الي يتسابقون في الشارع
نحن مالنا ذنب في الي يصير من مشاكل,,

الي يتسابقون و يتهورون هم الي المفروض يتعاقبون
بغض النظر عن السيارة و نوعها, سواء كانت مزوده او غير مزوده

[ذنـيـنـي]

هيه صح,, ليش بس اصحاب النياسين و الجياتي هم الي يتوقفون,,

لأنه سياراتهم رخيصه و مش فخمة !!!

البورش كايين ( جمبالا ) صوته اعلى من اي نيسان في الشارع
ليش اصحاب النياسين يتوقفون بتهمة الازعاج
و صاحب الكايين يحشر الدنيا و يوعي الناس من رقادهم و محد يقوله سيارتك مزعجه !!

اللمبرغيني صوتها عالي جدا و مزعج جدا و وايد قوية,, ليش ما يوقفونه و يقولون له ترا سيارتك سريعه و قوية و انته خطر على المجتمع

و نفس الكلام ينطبق على الفيراري و البورش و الرنج سوبر جارج و و و و


قرار ايقاف السيارات المعدله مش منطقي ابدا
المنطق و الفكر السليم في ايقاف المتهورين,, مش السيارات