بشو تنصحون؟

[الـيـاه]

بوظبي
ههههه أنا مأجزه من شهرين فديتج ( كنت موقفه ) بس الأحد الياي دوامي 28-1

[تحفه]

الناس بتاجز وانتي بتداومين .. يله بالتوفيج ..


هيه صح فجر الخير ههه XP

[مايهزك ريح]

بنات مشكورين على الرد في موضوع بنات مساعده .. ما لحقت ارد عليكم لأنه الله يهديها طير الحب غلقته ..
بس البنت عمرها 12 سنه .. وديتها كبلنغ ما عيبها .. تبا شي غير ..شو مادري

ميلانو مافيه شي ..وجيكت كيتي بعد ما حصلت .. والمجرودي بعد مول ما عنده شنط .. ودبنهامز عندهم مال يهالوه .. اتجسحت البارحه وياها وانا ادور .. وما حصلت شي ..
فاللي يحصل شنط الماسنجر .. وشكلهم كيوت يقولي وين اقدر ألقاهن .. والسموحة منكم ..

[المزوحي]

بوظبي انا في إجازة ... خذت الأثنين لين الخميس .. وبداوم بالأحد ( إن شاء الله )

أونه بستانس بطلع الصبح .. بس شوووووو زحمة .. الساعه 9 زحمة .. الساعه عشر نفس الشي

كانه سايرين الدوام الصبح ... ووااايد زحمة ... الحين رديت البيت .. قلت أدخل الواحات أحسن

ماشي زحمة ...

مايهزك ريح ... الشي اللي نباه مانحصله واللي مانباه يكون موجود ... وشنط كبلنج ... سادة

بس كوالتي .. يعني هي ماتبغي هالسوالف !!

رد كمل اليوم إن شاء الله تحصل ...

[مايهزك ريح]

شكلي جي ...
المشكلة انها كانت مسافره ويايه في العيد اللي طاف .. ويلست تشتري ثياب ونست تاخذلها شنطة ..
مع انه هناك وايد شي شنط .. والحين متندمة ..
وهم من بدت الإجازه طايحين عندنا في البيت .... وانا اكشتهم كل يوم .. يحليلهم .. من بدت الإجازه .. كل يوم حد متوفي .. وسايرين عزا ..
غامضيني ..

[المزوحي]

الله يرحم جميع الموتى يااارب وإن شاء الله في ميزان حسناتك وعلى فكرة بيتعلقون بك أكثر ..

[مايهزك ريح]

البقاء والدوام لله .. الله يرحمهم جميعا ..
بس كاسرين خاطري الصغارية ..تعقدوا من هالإجازة .. اربعة توفوا ورى بعض .. ما يواحيلنا ..
يوقف عزا الثاني عقبه بيوم او يومين ..
يقولون الحزن يتابع ..

عن يتعلقون بي .. ابوهم وده يكفخني .. لأنهم وايد يحبوني .. ودايما يقولون حق ابوهم انهم يبون يسافرون ويايه لأنه السفر ويايه غير .. اسميه يغار ..

[شمعة أمل]

جرب..
ديزل
كييييلاه
يونايتد كولورز اوف بنيتن
جوسي كوتور < اذا ناوي تخسـر اكثر عن ألف .. احس بيعيبها شنط هالمكان ..

[مايهزك ريح]

جوسي كوتور حلو .. بس الكوليكشن اللي هنيه كشره ..
هناك كنا ناخذ من هالماركة في نيمان ماركس .. كانت عندهم وايد اشياء حلوة .. هنيه ما شي !

دخلنا يونايتد كولورز اوف بنيتون البارحة ومالقينا شي ..بشوف البقية ..

زين باقي اسبوع على المدارس .. بيواحي لي ادور لها ..

[شمعة أمل]

مرات ينزلون شنط حلوه هني
من يومين اختي اشترت شنطه حلوه من عندهم ..
مرات يعتمد على الكولكشـن .. لانه الكلكشن الطاف كان بايخ =s بس هالمره نت باد
جرب يمكن تحصل

[شمعة أمل]

صح صح
ألدو يمكن عندهم شنط..
ومحل sague في بن بطوطه يبيع شنط

[مايهزك ريح]

ميرسي شمعة أمل .. بسير ادور ..

بن بطوطة مشيته كله وياها .. ودخلنا كل المحلات اللي اعرفهن واللي ما اعرفهن .. وما حصلنا شي !
والبارحة كنا في مول الإمارات .. دخلت نص المحلات .. بعد ما شي .. بكمل الباقي يمكن اليوم ولا باجر ..
كل بسبة المهرجان .. خلق الله مب مخلين شي ..

والسموحة تعبتكم .. بس الله يخليكم اذا حصلتوا شي حلو قولولي..

[المزوحي]

إذا حد خطف بالصدفة وشاااف اللي تبااه بيخبرك إن شاء الله ... عسب يسهلون عليك

[مايهزك ريح]

مشكور المزوحي ..

[تحفه]

دور في s*uce ( في ذا فلج ) مرات ينزلون شنط مدرسه ولا احلى ( بس غلّي شويه )

+

المحل الي امجابل ديزل على الصور اليسار هو اصلا بوتيك وشنطهم هاند ميد بس وايد حلوات .. واسعارهم وسط