بشو تنصحون؟

[الـيـاه]

باااك

( سوري هالمره التصوير بالموبايل مب متفيجه لول )
اليوم خذت هذيلا

شنطة LV بـ 2800 + نعال عملي بـ 1600 بس هايلا مب اليوم
لكن اليوم أول مره أشل الشنطه , والنعال حاجتنه
( طقمت ويا صدييقتي شمعة أمل فالشنطه , بس هي غير شوي هي البني ويا البيج بس نفس الحجم )

.
.
.

[ذنـيـنـي]

الياه تخبلتي !!!

شو 1600 ادفعها على ربله و فيها حبلين
قالتلي نعال عملي قالت لوول

صدق انه الطليان قاصين على قوم بو عرّاب

لول

والله اني من اشوف مواضيعكم احمد ربي ملييون مره

[ذنـيـنـي]

قصدي اني احمد ربي مليون مره على انه انخلقنا رياييل
الله فاكنا من هالمخاسير كلها

[الـيـاه]

ذنيني
ههههه اصلن انتو نعولكم اغلى من نعول الحريم .. اقل نعال لكم 600 + البزم + كاباتكم
زين يوم خذت ها
شمعة أمل كانت بتخليني اخذ نعال الساحرات مال cucci بـ 3000 اظني بس ماسمعتها لوول

[شوق القلوب]

ذنيني..

تعال خبرني.. كندورتكم الصوف الوحده ع كــــــــــــم ؟؟؟

ما توصل 2000 ؟؟

[الـيـاه]

اوه صح حتى شالات الرياييل توصل الـ 10000 وفوووق

[المزوحي]

ذنيني

قبل يوم نشوف الشاب يلبس كندورة .. والصبح غترة ...

الحين من الخبااااال

يلبسوون ماركات وأكثر عن البنات بعد + 3 موبايلات + عطورات + بوك ماركة + نعال كذلك

من غوتشي ولوي فيتون .. وغيره واااااااااااايد .. يعني مانقدر نحط عليهم بس لوووووووول

[ذنـيـنـي]

الياه

خخخخخخخ

صح انه نعلتنا مب رخيصة, لكن على الاقل نطلع جيمة النعال و نكرفه كرااااف
عندي نعال انطونيو لعنت خير اسلاف ابو ام ٍ يابت الي سواه

لو شافوه مال شركة انطونيو جان قدموه للجنه العالمية للنعلة و بيعتمدونه كـ اكثر نعال عملي في العالم خخخخخ

دخلتبه البحر و البر و مشيتبه بين اليبال و في الوديان و في السناتر و في ميالس الشيوخ و في بيت يدي و في السفر و و و و الخ

هيه صح و عندي نعال BOSS بعد جاحتنه جحات في الكلية ماخذنه بـ 600 درهم لكني مطلع جيمته من الصيف الين الحين


ثانيا البزم ما نلبسها دوم,, انا عن نفسي ما عندي غير طقم واحد دنهل و شارنهم على 550 درهم على ما اذكر و استخدمهم من سنتين و الين الحين الموديل ما جدم و ينعرض في محلاتهم

و عن الكابات,, شي ناس صدق اغبياء و يشترون كاباتهم من وافي و من ما ادري وين
انا عن نفسي اشتري كاباتي من النت على طول و تطلع علي باقل من نص السعر يعني الكاب الواحد في حدود 120 درهم, اخر مره اشترينا 24 كاب و شحنهم كلفنا بالضبط 85 درهم




شوق القلوب

انتي يبالج

الحين نحن كناديرنا الصوف على 2000 !!!
كنادير الصوف الي عندي تطلع بـ 500-600 بالكثير,

و الحلو في كنادير الصوف انها ما تجدم ولا تخترب
يعني الواحد ممكن يفصل كمن كندوره و يستخدمهن سنه ورا سنه بدون اي مشكله, خاصة اذا ما ألف و أخترع في الموديل لأنه كنادير الصوف اصلا استخدامها محدود,, مب اكثر من 5-6 مرات في السنة

Yahoo !
من وين انتي طلعتي,, على 10 الاف اونه
اصلا منو يلبس هالشالات غير الشيوخ و الـ multi-millionairs مب مسوايه حقنا نحن

بصراحه انا عندي كمن شال "ترمه" في السوق سعرهن بين 4000 درهم و 6000 درهم
بس نحن انيبها من الهند على طول (بمصادرنا الخاصه) بـ 1000 درهم للشال الواحد

و نفس الكلام الي ينطبق على كنادير الصوف ينطبق على الشال
الواحد ممكن يستخدمه سنييييييييييين و بيعيش وياه, خاصة اذا كان من نوعيه ممتازة
نحن من يوم استوينا و شالاتنا مثل ما هي,, ما تغيرت


المزوحي

الشباب الي جي يسوون مب وايدين
يمكن اكثر اهتمامهم يكون في البوك و عادة سعره ما يزيد عن 900 درهم للماركات المحترمه مثل LV و جوتشي و بيربري و يمكن بعضهم ياخذون اقلام ماركات

لكن النعلة !!
ناااااااااااااااااااااااادر اني اشوف ريال لابس نعال LV ولا جوتشي خخخخخ >> احس انها نعلة G**'s
اغلب الشباب ياخذون نعلة سطاحيه من ميلانو ولا ألدو حق الطلعات العاديه و الكراف

و فارس او انطونيو او النورس للستخدام الرسمي

[عهد الوداع]

لووووووووول انا حدي النعال 350 بس

[المزوحي]

ذنيني .. انا شفت قطعة صوف الوار بــ 500 درهم

ويمكن شي أغلى بعد .. لو انته بتفصل من 4 -6 وار على حسب طبعا

ومع الخياطة .. خلنا نقول لو 4 وارات .. الوار 500 بتطلع 2000

حولنا الموضوع رمسه .. عند يطردونا .. لوووووووووول

والنعلة مثل ديور ولوي فيتون للشباب .. أنا اشوف فئة كبيرة يشترووون .. وجان إيببون من بانكوك

دوبليكت .. مايندرى .. واللي يلبس من عند روديو درايف اسعارهم مرتفعه كذلك ...

ويفصلون عند خياط غااالي .. يعني الكندورة ماتكون 110 لاااااااا يفصلون 270 وأكثر



بس ذنيني تعااااااااال وين بنلقى مثلك خخخخخخخخخخ كارف نعال بوووس

خلنا نشوووفه نعالك وصوره لنا عقب الكراف .. وعلى فكرة في نعول تكون أريح عقب الاستخدام !

وإلا شو رايك ..

[الدلووووعة]

ذيني يعني انتو في اشياء تكون قيمتها غاليه
ونحن نشتري اشياء قيمتها غاليه

لاكن انتو ماتشوفون اللي انتو تشترونه بس تشوفون اللي البنات يشترونه

( يعني اخوانيه هم مايشوفون النعال كم يشترونه ويوم نحن نشتري نعال مايعيبهم ويتمصخرون انه مايسوى ترا هاي نعول البنات ^_^)

وعن البزم يمكن انت عندك طقم واحد بس اغلبيه الشباب ينوعون فالبزم
يعني انتو تشترون بزم واقلام ماركة نحن بدال هيل ننشتري اكسسرز يعني نفس الشي ^_^

وبعدين نحن بنات وانتو شباب
لازم البنات يشترون اكثر عن الشباب تراها ميزة عند البنات ^_^

[الـيـاه]

ذنيني والله بـ 10000 .. حتى ابويه اللي مخبرني ..
الشال الواحد يوصل بـ 8 تالاف 7 تالاف جي .. وشي شالات على 15000 و 20 ألف يطرشونها حق قابوس من كشمير

[ذنـيـنـي]

برد عليكم واحد واحد بس اصبروا خلوني اكفخ ياهو على راسها

أدري انه شي شالات على 10 الاف و اكثر,,
لكنها مب للأستخدامنا نحن

بروحج قلتي,و يطرشونها حق ((((( قابوس )))))
هاك سلطان عمان,,,

مب انا,, الا ناسر بن مهمد النا ئيمي

[الـيـاه]

لا مب كلها .. بس هااييلا اللي فوق الـ 15 الف يطرشونها بس يوم كان يرمسني
كان يرمس عن اللي يايبنهن من كشمير

لاني استغربت يوم قالي سعر شاله عقب قالي شي اغلى عنه بواااااااااااايد

هههه شو تكفخني
انا روحي شايفتنهن

هيه اللي ايبونهم من الهند هايلا رخاص من قوم اجمل وغيره .. لكن لو تشوف اللي يتصنعن في كشمير نفسها ينعرف الفرق مبينهن والكواليتي

[تحفه]

عيل الولد يوم بيي يبي يعرس .. يبيله زهاب ثاني .. غير عن البنت