بشو تنصحون؟

[تحفه]

^الشعار على التي شيرت .. له معنى؟

[شوق القلوب]

مـــاشـــاء الله .. حلوين اغراضج يا الياه..

[تحفه]

انا بعد امووت في snoopy .. تقريبا كل بجايمي فيه سوبي

[شمعة أمل]

i have no idea =s

[شوق القلوب]

لو انا شايفه الشعار بروحه... احس بيطري ع بالي رمز يهودي / اسرائيلي .!!!

[تحفه]

^ بسم الله لول .. حرام عليج بتروعينها ..

لا بس سالت لان ماما ما تخليني اشتري الاشيا الي عليها شعارات إلا اذا نعرفها لول ..

بس حلو التيشيرت .. عملي

[شمعة أمل]

لول لااااااااا
اذا بيكون شعار ف بيكون شي يخص الإيدز .. لانه حمله ضد الايدز

[الـيـاه]

سلاام
يبتلكم صور لـ شوبينج اليوم

هذا القميص من karen millen شي في بالم سترب والستي
كنا داشين ندور هالجاكيت http://www.karenmillen.com/2006/home/home.htm
بس ماشي ! فـ خذت هذا .. وايد حلو فاللبس ومرتتتتتب .. سعره : 495



دشيت H&M في امرتس مول ومن جفت شي اسمه سنوبي شليته خذت بجاما + دلاغ + فايل من المكتبه



يبت شيلتي اليديده !! على 280



هذا بس جي .. هاي نك + جاكيت قطعته شاموا واايد دافي .. الجاكيت 199 والـ هاي نك 99



اكسسريز



شو يايني على البني انا بس والله كله بالصدفه .. هالـ توب من مانجو بـ 290 ( ها من ورا )



وسلاام يا عسل

.
.
.

[تحفه]

^لبس الهنا الياه

[شوق القلوب]

عاد بجامتج هذي يا الياه.. من اول ما افتحوا H & M .. و انا احووص عليها.. بس ما خذتها ..

و امس كنت لابسه بجامه سنوووبــي.. بعد من H&M .. بس مب نفس اللي عندج..

[الـيـاه]

شوق القلوب :
عيونج الحلوه تسلمين

بوظبي
تسلمييلي الغاليــه .. هههه هيه حتى انا وايد احبه ..

[المزوحي]

اشتريت هالجينز من محل Levis مول الامارات وسعره في التنزيلات 215 درهم

[عهد الوداع]

والله الشوبينج مالكم وايد حلو ...

انا اشتريت هاي الشنطه بــ 150 درهم


وهاي الساعه على 350 من مركز مدينه زايد في بوظبي




وها الجوتي من شومارت سعره 100 درهم بس انا خذيته بالتنزيلات بـــــــ30

[عهد الوداع]

نسيت هاذيل

وهالشنط من مركز المنال ,,خذيت الوحده على 50 درهم



وهالنعال من شومارت حق المشي



وخذيت هالقميص من سبلاش بس ما ذكر على جم ...

[الـيـاه]

باااك

( سوري هالمره التصوير بالموبايل مب متفيجه لول )
اليوم خذت هذيلا

شنطة LV بـ 2800 + نعال عملي بـ 1600 بس هايلا مب اليوم
لكن اليوم أول مره أشل الشنطه , والنعال حاجتنه
( طقمت ويا صدييقتي شمعة أمل فالشنطه , بس هي غير شوي هي البني ويا البيج بس نفس الحجم )

.
.
.