أوراق ٌ من خــــريف ٍ بـــــريء

[الجنيه]

كم هي جميله تلك الذكريات وكم هو جميل ان نسترجعها وقت نشاء ,,

الله يذكرك بالخير يا بوزايد ( اخوي فديته كنت السبب في كسر ريوله والسبه لوزه تحديته اييبها لي وعشان يثبت شجاعته وبسالته فقير تكسرت ريوله وتجبست شهرين )


سفير ,,, استمعت جدا وغمضني العصفور *_*
انت سويت مثل ولد عمي ذبح الصوص وتم يصيح عليه ومن يومها ما ياكل دياي *_*

[شمه]

رسمت بسمه و ازلت (تكشيره) معقوده بين الحاجبين..

استمتعنــا بالقراءة..

[خنفروش]

هيه وايد بريء هالخريف ........ استغفر الله ... شو قال لك اخوك : تستاهل خخخخخخخخخخ

[مايهزك ريح]

ما تستاهل يا سفيروووو..يحليلك ..غمضتني ..

ذكرتني باختي العودة كانت تشتري الآيسكريم ويا البسكويت وتبيع علينا .. انا واخويه .. اسميها كانت تستفيد من ورانا

[طير الحب]

سفير...طلعت من الي يروعون الحمام حرام...وين شاعريتك...ههههههه...ليش يبت طاري اللوز..اسميني الصيف الي طاف اذا زرت اي حد عندهم لوز ما استحي...خاطري في لوزتنا الي ببيتنا الجديم تولهت على تسلق أغضانها....وين شطانه زمان

[قصايد غلا]

رائـــعـــه أوراق خريفك البريء

أبدعت في فضفضتك ، وأعجبني جدا أسلوبك الذي أبعد عني المــلل===> وجااااان أبتسم إبتسامة عريـــضـــه من عقب الاكتئاب

شكـــرا سفرفر ...

[نجم سهيل]

حمدالله عالسلامه اخوي سفير الخيال و ما أتشوف لوز قصدي ما أتشوف شر, صراحه ذكرتيني أختي الدلوعه بموقف سويته لكتكوت الديايه
كان عندنا كتكوت و قلت لأخوي الصغير لازم أنعلمه عالطيران فقال لي كيف؟ فخبرته أني بعقه لك من فوق البيت و أنت أمسكه {طبعا قدر المستطاع } و رد فره لي لفوق البيت و تمينا على ها الحال لين ما سقط العصفور عدة مرات عالأرض و مات... فخفت انا و أخوي من ظرب الوالده فحطينا الكتكوت صوب العنز و قلنا للوالده أحنا شفنا التيس لما "دعم الكتكوت" فعصبت الوالده و خبرت الوالد يذبح التيس و الله أحيدها يابت عصا و ضربتها بظهره.

و كان وقت الظهر فقلنا أنغسله و حفرنا له حفره قريب باب البيت "عالشارع" بعدها صلينا عليه صلاة الجنازه أربع ركعات جهريه و ركعنا و سجدنا و الناس أيقولو شو ها الخبايل؟ بعدها دفناه و سوينا له علامه.

و لكن بعد أسبوع أخبرنا المدرس أن الكائنات الميته "البلانكتونات" تتحول لبترول فرجعت من المدرسه و أقول لأخوي بنستوي أغنياء عندنا بترول .... فحفرنا له و كان شكله ما أيسر فظلينا أنزاوع و تركناه مكانه.

و بالنسبه للوز ما كانت عندنا لوزه فكنا أنطب بيت الناس وكنت أنا أراقب عاده و كان واحد من ربعنا راكب فوق لوزة الناس فطلع رب الأسره و قال: ياللي ما تستحون أتطبون بيت الناس.... قولو لي ممكن أنقطع لوز و بخليكم أتقطعو..... و كان أربيعنا فوق اللوزه فقال لرب الأسره: أنزين ممكن أنقطع لوز؟؟
فقال رب الأسره: لعنة الله عليكم طابين بيتنا و راكبين لوزتنا و أتقولو ممكن أنقطع لوز.... لا بارك الله فيك أنزل.... طبعا أحنا شردنا و خلينا أربيعنا فوق اللوزه

طبعا هنالك المزيد من مغامرات بوشهاب بتكون في واحة القصص والحكايات بعنوان اشراقة الجمعه

[حلم الطفوله]

أخي الكريم نجم سهيل ؟ مجرم كتاكيت ...شكلكم تخيلتوه كرة طاوله ! واونكم كفرتو عن ذنبكم بصلاة الجنازه ! لا حول ولا قوة إلا بالله

هاه بشر ....طلع البترول وإلا بعده :) ...

امتعتنا أخي الكريم باوراق خريفك ... وأسعدتنا بتفاعلك الطيب بواحات بن دبي

[دمعة شوق]

يـاحـافـظ عليـك ياخويه
ثره حـد خبـله غيرنا

أيـام قـبل على طـاري الحمام والعصـافيـر ؛ أحيـد مره كان عندنا عصفور وكااااااان وصصصصصخ
وصخ تراب وحالته يرثـى لـهـا ؛ فـ أقترحت اقتراح على شلة المقصه هيهيهي
انيه انا اشله واسبحـه

عـاده الله لا يرويك كيف حالـه الـريش راح والماي يقـوطر من ريشه الفنان ههههه
والله وعقب نص سـاعـه مات االمسكـيـن ؛ وسرت والله ودفـنـته ولااا بعد صلينا عليه

استغفر الله وكنا كل يوم نجيك عليه رد للحياة ولا عـده

؛؛
سوووالف ايـام قـبل ؛ أحلى ايام والله
وياحلات ايامك ضحكت من خاطـريـه
؛؛
سمحليـه هذربت وايـد
بس استانسـت
:)

[سفير الخيال]

الدلوووعه و بسمة الرووح والجنية وشمه


حضـــوركم شــرفني جـــدا ومشاركاتكم أسعدتنـــــي جــــدا


شكرا لكم