سوالفنا...و...طلباتكم

[الـيـاه]

دمعة شوق : لا تلبسين شي فيه وايد اشيا ( فمهتو لول XP ) اقصد لبسي شي إيليجنت ..
سيري جوفي بانتيرا والا روبيرتو كفالي ..

[تحفه]

تدرين ليش لازم تلبسين كلاسك ومش على الموضه؟
علشان بعد عشرين ستين سنه يوم ترجعين اتطالعين صورج ما تقولين ( وين كنت ابا ) لول

دايما خلي استايلج بعيد عن الموضه في المناسبات الرسميه ^,^

[تحفه]

السلام عليكم..

حد يعرف صالون حلو في بوظبي..

يعني سوالف قص و صبغ..

..

ما احيدج من بوظبي

شي صالون فنان في دبي جان تبين حق القص اسمه مريا دولنغ .. هذه سايتهم http://www.mariadowling.com/ - ترومون اتطالعون اللوكيشن منه و اسعارهم والي يسوونه

قبل كنت اسوي في صالون شنغرلا او هدى و جانيت بس من اكتشفت هالصالون ودرتهم ولزقت فيه


احين هل بوظبي اييوون هني يسوون هالسوالف وانتي اتسيرين هناك

[الـيـاه]

شوق القلوب : ليش تسيرين بوظبي تسوين .. أنا آخر مره قاصه شعري في باتشي آند لوتشي
واااايد حلووو يقصووون

( وألا أنتي اصلن من بوظبي ؟ )

[شوق القلوب]

هلا عزيــــــــــزااااتـــي...

والله .. جي حبيت التغيير.. قلنا انجرب صوالين العاصمه

بس من شفت رد تحفتي الحلوه.. قلت ماشي غير انجرب هالصالون اليديد..

..

و عن صالون باتشي اند لوتشي ..

منو اللي سوتلج ..؟؟

جربته مره بس بصراحه .. كل ما ادخل صالون اسوي فيه شعري.. كلهم يبهتووون.. اووونه منو هاللي ما اتعرف قاصتلج شعرج عاد انا هذاك اليوم خليتها تاخذ راحتها... و قصرته واااااااااااااايد.. بس كان

الصبغه كانت زينه.. و الحين حابه اجدد.. فقلت اسألكم..

[شوق القلوب]

اتعرفون محلات حلوه في بوظبي..؟؟

يعني حق كل شي..

ممم... خياييط.. ولا محلات عبي.. اومحلات جلابيات..او اي شي مب موجود في دبي..

[تحفه]

^اقولج تمي في دبي احسن


انا الي اموت في بوظبي كلسوالفي هني

[تحفه]

هي صح بالنسبه للصالون .. احجزي من وقت لأنه الحجوزات عندهم فل .. عادي تعطيج موعد بعد شهر لول

[الـيـاه]

شوق القلوب : صراحـه ماعرف شو اسمها بسألج بنت عموه إذا تحيد اسمها لان هي اللي موصتني عليها .. ويقولون مدام جمانة اللي في عمرو تقص حلوو ( لكن مادري مالي خص لول ) ..

وعن محلات بوظبي
لو أعرف بقولج .. بس دبي أحسن من بوظبي مليون مره شو ياج فكرتي تتشرين من بوظبي D=

[قرموشة]

جماااااااااااااااااننننه حق الشعر ومادووونا حق الميكياااج في عمروووو

[تحفه]

من سنتين يمكن كنت وايد اسمع عن جمانه ..

ومدونا خوري معروف شغلها جميل ..

[شوق القلوب]

مادونا خوري تشتغل في عمرو..؟؟؟؟

[تحفه]

لا لا .. مادونا خوري مب في عمرو

مادونا تكون مرات افصالون في بنايه امجابله الستي سنتر


خلوني اتاكد عن مادونا اكثر

[الـيـاه]

^

لا صح

مدونا خوري في صالون my style حذال الستي في السيد اللي مجابل معرض السيارات - صوب وليد عطا الله -
اظن اسم المركز اللي فيه ( مركز دبي للتسوق ) < اظننن جي اسمه .. المهم هناك

هي تعاملها اوكي وكل شي

بس اوووول شي سيرو جوفو ميكبها اذا بتسوون عندها !! وألا أحسن شي تسوون بروفا لانه مره طلع ع وحده
جفتها ( مول مب حلو ) احس ع حسب الشخص مادري ليش .. لان بشكل عام مدونا خوري ميكبها حلوووو

[تحفه]

^اوه زين عيل ما عطيتكم معلومه غلط .. منزمان ماسرنالها .. كل اعراسنا في بوظبي XD