سوالفنا...و...طلباتكم

[قصايد غلا]

أنا ماداني الصبغات ، لأنها تخرّب الشعـــر ===> تلوع جبدي يوم أشوف الشعر اللي مأثره عليه الصبغه ...

[بنت الدلع]

مرحبا ملايين ^_^

شحااالكم ؟؟

انا ويني عن هالموضوع الغاوي
مشكووره طير عالموضوع النايس

الياه
candle امل .. ^_*
بوظبي

ماقصرتو ,, و ثانكس عالوصفات الحلوه ^^

===

انزين ترمسون عن الصبغات ..

انا مووووول ما احب اصبغ شعري
لانه يخرب الشعر ويوم يخوز يكون شكل الشعر وااايد كريه
ماجربت اصبغ ولا افكر اني اصبغ
احب لون الشعر الطبيعي ... (( يوم كنت صغيره خواتي كانن يلعبن بشعري ويصبغنّه بس انا ما احيد ))

وعن الشامبو
من اسبوعين غيرت الشامبو وقمت استخدم vo5 مع البلسم
احسه حلو ,, يرطب الشعر ويعالجه

[تحفه]

البنت قالت لكم شو تصبغ شعرها.. يعني عطوها لون كـ إقتراح !! ما سئلتكم اصبغ شعري ولا لأ؟علشان تقولون لها ما اتدانون الصبغ!! لوووووول


على فكره اليوم مادري شو فيني. . احب اقفط و اسوي سوالف لول

[بنت الدلع]

>_<


انا رمست عن رايي في الصبغ .. (( مب جواب ))


ورداَََََ على السؤال ...
احس اللون البني بيطلع حلو ,, احلى عن الاشقر
بس طبعا على حسب لون بشرتج وشو الي يناسب

[تحفه]

^ صح .. انا يعيبني العسلي وايد

[شوق القلوب]

هلا بالحلويــــــــــــــــن

والله حتى انا ما احبه وايد... يت فتره كنت العب فيه و اصبغه..ممم يمكن ايام الثانويه و بداية الجامعه.. و ادري انه يخرب الشعر.. بس صدق محتاجه اغير ..

كل المرات اللي صبغته ما طلعت عن درجات الاحمر الغامج.. بس لانه شعري اسود ماكان يعطي هذيج الحماره.. يعني جنه امحناي..

..

و الحين ما اعرف شو الدارج اكثر.. وشو الحلو.. من جي سألت..

حالياً اتوقع اني مستحيل اجرب صوب الشقاره و هالالوان.. يعني بيكون بني بس ان شاء الله ما اتندم عليه..

[تحفه]

[عهد الوداع]

عيبني اول واحد ...

[شمعة أمل]

انا متوهقه .. من الخاطر..

عبالي مابعيّد في دبي .. طلعت غلطانه

والمشكله

مافصلت ولا عباه

وكل عبييّه الحلوه .. الناس شايفينهم

الثياب .. مب مشكله .. بشتري اي شي

بس العباه؟

منو بيفصللي عباه حلوه وبيخلصه قبل العيد؟؟

[الجنيه]

شموعه ,,, عباه وتفصيل والحين ؟؟؟؟؟؟ مستحيييييييييييييييل

شو رايج هالعيد اتفصلين عباه ساده وتكشخين بالشيل ؟؟؟؟ اعتقد هذا هو الحل والوحيد ....

[شمعة أمل]

انا جي فكـــرت
لكن
منو بيفصل عباه ساده في عشر أيام؟؟ .. أحس مابيسونها لانه العيد.. >_<

[الجنيه]

لا فديتج بيسوون لج امس انا مفصله في بن سوقات الاختيار الاول ,, بس اذا استعيلتي ع عمرج يعني باجر العصر انتي عندهم

[تحفه]

ما أجمله

[عهد الوداع]

لا عادي يفصلون عبايه ساده ...

[شوق القلوب]

الياااه

هذا من وين تاخذينه ..؟؟



وبس يعطي لمعه للشعر.. ؟