سوالفنا...و...طلباتكم

[شمعة أمل]

حطو عسل على ويهكم لمدة 15 دقيقه ^_^..

[شوق القلوب]

العسل اظني يكون على حسب البشره..

انا تقريباً مختلطه.. فما ادري يفيدني ولالا..؟

[شوق القلوب]

صح.. شمعه امل..

شامبو الخيول اللي تستخدمينه هو نفسه اللي حطته حركات ؟

[الـيـاه]

يالله فكرو بـ توبيك يديد وسالفه يديده ^_^

[طير الحب]

طيب بما انه العيد على الأبواب ان شاء الله...شو جهزتوا...انا عن نفسي يوم كنت مسافره البحرين ركبت لي بدلة بنطلون وهاي نك وجاكيت شوي طويل أفكر أعيد به ومفصله بدلتين بس محتاجين اكسسوراات واحتمال ما يكون عندي وقت للشوبينج قبل العيد فيمكن ما البسهم...وما فصلت عباة ما عيبني شيء في السوق ابدا...وما احب ان اشتري بسرعه قبل العيد ولا احب الزحمة فيدوب باجي اخذ ice caps وجواتي لعبادي...هيه صح عندي كم بدلة يديدة بس يعني ما ينفعون لصباح العيد حابه البنطلون أكثر وتغير...

[قصايد غلا]

العــســل يقولون يشد البشره وأميه تحطّه بس الدكتور قال لها : إن العسل في البدايه يشد وخلاف يرهـل البشره ===> زاغت أميه وما قامت تستخدمه

عاد مادري برمسته صدق ولا جذب


امممممممممم العيـــد العيد العيد ، قهر ما خلّصت أغراض العيد
كنت ناويه أخلص عشان أفتك وما اتم أحوط وأتلعوز في المولات شرا العيد اللي طاف

أنا لــ هالعيد عندي يمكن 5 تنانيــر و للأسف بنطلون واحد
و4 او 5 بديات تقريبا و بوت واحد و عزكم الله نعال واحد و فصلت عبي
هيه بعد سويتر وشال عندي ===> عشان ما أيمد في العيــد
ومخاويري زاهبات من فتره ، و عندي ساعتين

يعني أبــا لي بعد نعله "وانتوا بكرامه" ، وشنط و بديات وبناطلين
واكسسوارات ....... ومادري شو بعــد ...

[تحفه]

ما سويت ولا شي حق العيد .. بس عندي وايد اشيا يديده مفروره في الكبت و مش لابستنها ولا مره

[عهد الوداع]

انا بعد عندي وايد اشياء مالبستها ,,,

بوظبي بخصوص موضوعج اهني نحط الصور ...

[طير الحب]

اصلا ما فيه ريحه..وانا استخدم صانسيك غسلته بهالشامبو وكله تمام بلاكم...أنا معرسه وجازفت وجربت...وأنتوا خايفين...هههههههههههههه

[طير الحب]

بس المشكله الجواتي اثنين منهم راحوا في الحادث وما حبيت شيء...بشوف ألدو شرت من شهر ما حبيت شيء


كان عند نعال اسود ناعم مثل مال جنيفر انستون بس راح في الحادث ههههههه تخيلوا مخليه سيارتنا كبت جواتي لي ولعبود وابوه عشان نحب انطقه عاللبس ف كل نزله لازم يكون معاي كم جوتي

[عهد الوداع]

ابغي قصه حلوه حق شعري بشو تنصحوني ...

[شمعة أمل]

ماشتريت شي للعيد .. ومابشتري شي ^_^



شوق القلوب
هو واحد منهم بتحصلينه في سبينس
وعن العسل
الا من فتره مجربتنه لاني قريت عنه في كتاب .. انه يستخدم ك مويستراايزر,,

[وحي القلم]

ما خذتلي غير بدله وحده .. من أنوتا

منزلين أشيا حلوه هالمره

..

[وحي القلم]

امممممم.. عندنا عرس عقب مده و مب عارفه عند منوه أحط المكياج

شو رايكم.. وين أسير ..؟

إذا تعرفون مواطنات ايمكيجن =)

[طير الحب]

عن نفسي تعودت على مكياج صالون مرام...أحسن حلو...ويعيبني دوم