سوالفنا...و...طلباتكم

[قصايد غلا]

هل كيــــــف يا ام عبادي بتخوزينه هالزيت عقب ؟

زيت الذرة ثجيــــل ، بشرينا يا ام عبادي شو حصل ؟!

[تحفه]

^ هههههههه .. ديري بالج عاد عن يلبق شعرج .. مافينااا ..

[تحفه]

على فكره .. طير الحب يقولون شامبو هملايا مش زين !!

[تحفه]

سوالف الشعر أبدا ما بتخلص .. شو رايكم نتكلم الحينه عن الويه ؟

بسئلكم أسئله علشان نفيد ونستفيد من بعض .. والي يحب يزيد من عنده أسئله يتفضل

شو أول شي تحطونه على ويوهكم؟

أهم شي في الميك أب ما تستغنون عنه؟

أي sunblock تستخدمون؟

بشو تشلون ميك أب-كم؟

بشو تغسلون ويهكم ؟

شو تسوون علشان تنظفون ويوهكم ( من ماسكات - جلسات ) ؟ وبس .. هالاسئله الي عندي

[المزوحي]

انتظري لين مايردون على الاسئلة لوووووووول

يعني مايستوي نشارك ... شو هااااااا

أنا بعد شعري قام يطيح وبديت اصلع

ويييييييييييه ...

هممم ... كل مره استخدم شامبو .. يمكن من جيه ..

وترى بقولكم إنه الحين استخدم شامبو نيفيا ... وأحس إنه فروة الراس عندي دهنية بس

أنا من محبين الويندو شوبينج ... يعيبني أشوف كل يديد .. من السيارات والساعات والعطور

لكن مادري شو ياني الفترة الاخيرة اعتزلت الفن ( لووووووول ) حسدوني ياناااااس !

حتى لو مابشتري ..

هيه صح أمس كنت أدور على كوت طويل ... حصلت عدة أشياء وأسعارهن على 600-900

[الشحية]

موضوع وااااايد حلووو ..
وإلي رجعــــــــــة بكتب لكم رد طويــــــــــــــل ..
بس شيء جذبــــني .. >> شامبو الخيول ..!!!!!
شمعة أمـــــــل :
عااااادي ما يضر .. لأانه صح هو للشعر ..
لكن مخصص للحيـــــــــوان " الخيل " ..
اللي أقصده ما بيصير شيء لو إستخدمنـــــــــاه .. =)
أخاف أجرب عقب مااااا اعرف شو يصير :S

بالنسبــــــة لي أهتـــــــم بـ سوالف الشعر أكثر من أي شيء .. ( ميك آب و إلا لبس وإلا ... )
لأن جمال البنت يكمــن في شعرهـــــــا .. لول

[طير الحب]

بوظبي...قصايد...والله عادي مثل اي زيت غسلته...وبعدين نشفت شعري وحطيت سيروم ولا صار شيء جربوه.

بوظبي...احس جي...شريته لعبود واحس ينشف شعره يوم اغسله بالماي...شكلي برد على بيبي جونسون..


أقول شمعه بكم تشترين شامبو الخيول هذا وشو مكوناته


بوظبي..أنا الكريم المرطب الي استخدمه لويهي olay بخلاصة التوت البري هذا للصبح وبالليل نفس الماركة كريم الليل المغذي

السن بلوك ما اعرف اسمه بس الدكتورة واصفتنه...عبود استخدم له ماركة ROC

اغسل ويهي بماي حاليا ما اقنعني اي غسول ويه فما ادري شو تنصحينا به...

ماسكات عندج هميلايا قناع مقشر باللوز والخيار..وعندي طين البحر الميت..وطبعا بين فترة وفترة روب...وعسل لمدة نص ساعه هذا من زمان ما سويته...

[شمعة أمل]

شامبو خيوول مايخرب الشعر يا ناس .. حتى ساعات بتجوفون ورا بخط صغير مكتوب for human use عقب يعطون طرق كيف تستخدمونه

وانا مب بس جي بديت أستخدمه .. للعلم يعني

يوم من الأيام دققت في شعر ربيعتي ولاحظت انه شعرها ماشاءالله بسرعه يطول وغليظ .. لكن يوم أسألها اذا ادهن شعرها ولا تسوي شي فيه تقول لا .. بس يوم أسألها شو الشامبوو ماتطيييع تعتررررف مادري ليش .. قلت يمكن تخش فواكهه في شعرها *ربيعة امي جييي تسوي نفس عصير فواكهه وهذا الشامبو مالها*

ف استخدمت شطارتي

طرشت اختي الصغيره عند اختها الصغيره وقلتلها تجووف اختها اي شامبو تستخدم .. جان تخبر اختي انهم كلهم يستخدمون شامبو خيول


وجي الســـالفه


صدقوني يوم تستخدمون شامبو خيوول ... شعركم بيتعدل .. بس انا البروسس بطيئ عندي .. لانه شعري دهني .. ف استخدم شامبو سبيشل حقه .. ف مره استخدم هذا ومره هذاا يعني بالدوور ..


وعن الأسعار ماعرف .. انه انا مب من النوعيه الى اشتري شامبو واحد ويوم يخلص اسير اشتري غيره .. اشتري وايد في مره .. نفس الصابونات .. حاليا عندي 7 صابونات مختلفه
اشتريت هالشامبوو في الصيفففف ومادري بكم ماتذكر بصراحه . قريب بيخلص .. تريوو اسبوعيين علي ولا شهر وبشتري شامبووات يداد p=

[شمعة أمل]

شو أول شي تحطونه على ويوهكم؟
حاليا أستخدم شي طبي من كم شهر الحين .. بس بوقف عقب شهرين .. يعني الأيام العاديه .. استخدم مال شيسيدوو الثلاث اشيا .. الى بالازرق الفاتح *يعنيييي تنظيف بعدين مويسترااايزر .. واذا الصيف سنبلووك*

أهم شي في الميك أب ما تستغنون عنه؟
جحال 3>


أي sunblock تستخدمون؟
مال لانكووم .. على ماظن ال 30% يعني مب وايد قوي..


بشو تشلون ميك أب-كم؟
ميك أب رييمووفر بعد بشو نشل الميك أب p=
استخدم مال ديرمالوجيكا ولا ماك*ماك للعيون*

بشو تغسلون ويهكم ؟
ماي =s

شو تسوون علشان تنظفون ويوهكم ( من ماسكات - جلسات ) ؟
الى كتبته فووق مال شيسيدوو .. ومرات يوم اكون في المود استخدم هالفوووم مال ذا بودي شووب .. ومرات استخدم شي مال نيووترييجيينااا
مره في الإسبوع استخدم ماسك مال decleor< شي جييي المهم لونه اصفر
واذا ماعندي وقت اشتري هالماسك احد ماسك مال اي كلام سواء مال كلين & كلير ولا ذا بودي شوب .. بس وقفت احط مال ذا بودي شوب لانه يحرقنيييييي

جلسات؟ كيف يعني؟ تقصديين فييشلز؟
اسويي فيشل مره كل شهرين تقريبا =)

[طير الحب]

شمعوه...يعني بحدود كم مب توهقيني بـ700

[حلم الطفوله]

سؤال مهم جدا بالنسبه لي ... شو أحسن صالون لفيشل الويه ! أحس بشرتي صدق تحتاج هالفتره اهتمام

[شمعة أمل]

لالالالالا مب 700
اظني اشتريته ب 200 مادري 300 ماتذكر والله



حلم
تبين صالووون ولا سباا؟؟

[تحفه]

سؤال مهم جدا بالنسبه لي ... شو أحسن صالون لفيشل الويه ! أحس بشرتي صدق تحتاج هالفتره اهتمام

أنصحج إتسوين عند دكاتره .. مب صوالين تجميل

[حلم الطفوله]

شمعه ...شو الأحسن ؟

بوظبي...خبريني عن هالدكاتره ولج كل الشكر

[تحفه]

يمدحون هالدكتوره في حمر عين .. أعتقد اسمها سعاد لطفي