سوالفنا...و...طلباتكم

[طير الحب]

شمعه ذكرتيني بنفسي ذوقي صعب بمعنى اني ما اقتنع الا بشيء في بالي واحب يكون شيء من تصميمي او اذا جاهز احب اركب ما اشتري بدلة جاهزة يعني شيء خاص فيني ...بس احلى شيء يحبه ريلي سريعه في الشوبينج اعرف شو ابا يوم اسير المول تصدقين اني اسرع منه في اختيار ملابسي وهو يوم نشتري لبس للسفر وايد يحتار قلت له طلعت اخبل عني في الملابس ..

انا بس يقولج من فترة حبيت شغله وهو اكسسوار اكثر من انه حزام ما اعرف كيف اشرح التنورة بي هي بيج مات وخليت الخياط يخيط الاطراف بالذهبي يعني وايد ناعمة فحبيت يون الاكسسوار عباره عن سلسلة رفيعه وناعمه..

شمعه انا ما احب التقليد الاعمى للغرب...ولي عودة عبود يبا ينام

[الـيـاه]

سلاام

وايد حلوه فكرة الموضوع , مشكوره ..
بدال ما كل واحد يحط موضوع يسألعن شي معين في سطرين
يقدر يستفسر هني !! بحيث أن يكون الموضوع شامل لكل شي يخص الموضه وجي ..


هممم
كيف ستايلي أنا ؟

جوفي أنا مول ما ألتزم بالموضه
أقصد اوكي بلبس شي ع الموضه بشرط أنه يناسبني لكن مب أن هاللبس ع الموضه لكن مب حلو عليه

واصلن أحلى شي أن الواحد ينفرد بستايل خاص فيه
وأنا وايد أحب الأشياء الـ Funkyah
أي شي غريب أحبه .. و بنوتي على ستايل .. وأحب أركب أشيا على اللبس بطريقه حلوه ..

وسبحان الله الحين اللي يعرفوني قامو يعرفون ( كيف الياه ) يعني إذا جافو شي في محل ستايلي أنا
سيده يقولون ايييه هاذا وايد الياااااه لووول

.
.
.

[شمعة أمل]

طير
انا سريعه في الشوبينغ بعد أكرهه الشوبينغ الماصخ الى يوم ياخذون سنه ويدشون مليون محل ومايطلعون الا بكيسه وحده
انقهر
عشان جي ماحب اتشرا ويا خواتي .. لازم بروحييي .. احب الشوبينغ بس مب الماصخ الى ياخذ مليون سنه لين ماخلص


انا عندي نفس حركه اسويها خخخخخخخ
ادش المحل وأوقف في نصه
بعدين اخذ لفه بعيوني واجوف شو عندهم .. وبعدني واقفه في مكاني
اذا شي في داخلي يقولي *هيه في شي لج هني* اتم واتحرك واجوف شو عندهم
اذا شي في داخلي يقولي لا مافي شي أطلع من المحل
وكل الى يشتغلون في المحل جي يجوفوني >>> O_o

[تحفه]

هلا انا وايد احب هالمواضيع . .

شوفي .. انا عندي اربع لوكّات

1- الجامعه يوم ما اتفيج صدق اكون مب متفيجه.. البس اي شي وعباه واطلع
2- الجامعه يوم اتفيج .. صدق اتفيج يكون كل شي على ذوقي وطبعا ما اكون over!!

--

الطلعه 1 : يوم اطلع طلعات سريعه ( يعني من دون تخطيط مسبق ) البس كاجول على سبورتي
الطلعه 2 : يوم اطلع طلعات وكون مزهبه عمري .. اكون صدق صدق كاشخه بحدود الذوق طبعا

--

أكره سوالف كشخه البنات اونه يوم بيلبسون من ماركه ..بيكون من فوقهم لين تحتهم بس هالماركه
أكره سوالف الـ Bling Bling وااااااااااايد .. يا ربي صرت اعتبر البنت الي تبلبق بنت ماعندها ذوق و cheap wayed cheap
اذا بحط ميك اب .. احطه خفيييييفف .. وحتا ربعي يقولون لي يعني انتي حاطه شي اصلا مافي شي ينبان
معني من هاذاكي الصوب حاطه كل شي .. حمدلله ميك ابي بروفشنال مب نفس الميك اب العربي
انا من النوع الي يخلط في لبسه بين الماركات وبين العادي ( ما عدا قوم مانغو وزارا و برومود = ما افكر ادخلهم ولا اشتري منهم ( its like you buy from them somethin w e6qmon wya kell elbnat ) Opsss.. la esm7olle i hate this
عبّيي وشيلي معظمها ساده .. احس الساده ارقى و عملي اكثر
حمدلله يوم البس شي .. يستوي موضه
العام سويت عباه ذهبيه عليها خطوط ع الجوانب والحين تقريبا كل مسوي هالعباه
وهالسنه سويت عباه فيها تطريز مغربي وكلحد قام يسوي تطريز مغربي
وقبله سويت عباه ساده صوب اليد شويه واسع ( خمس ونص انجات ) وصارت احينه موضه
وهي صح .. صرت اكرررررره اكرررررررره العبي الضيجه .. كل عبيي واسعه احسها القنت اكثر و صدق عباه .. مب ما ادري شوه !
امممممم . .شو بعد؟ .. هي صح ما أحب الشعر المصبوغ .. احب الالوان الطبيعيه وايد ..
ولأني اكره المجوهرات والاكسسوارات .. وايد اهتم في سوعي ( وايد احب السوووووووع )
شنط إيدي ثلاث إستايلات
1- حق الظهر جيه

2- وعلى هالدزاين إذا ظاهره المسى ( حق عشى / سنما ..


3- وأعتمدها كبيره اذا كنت طالعه من الصبح ( اصلا معظم الاحيان كبيره لأنه تشل كل اغراضي )
من هالاشكال او


الإسباي اليديده

والنعول .. نادرا ما البس كعب .. ثلاثترباع نعولي و جواتيه فلاتس وبسسس