سوالفنا...و...طلباتكم

[تحفه]

غريبه انه سلمهم فساتين اي شي .. لانه هو مايحب يسوي شي مايشوفه مناسب و حلو =/
بس ماستبعد انه قام يعنقش لانه كل المصممين يوم يشتهرون يقومون يفصلون اي شي مثل زهير وهاييلا

وشي وايد غريب انه ياخذ شهور لين مايخلص فساتينهم لان فستان وحده من بنات خالي ركب عليه ذهب ويابو التطريز من الهند حق يوم الحنه وماخذ لها شهر ونص !!

و احيد مره انه غير التوب مالفستان اختي قبل سنتين بس لانها طلعت وايد skinny

هو وايد حريص يوم يتعامل وي ماما لانه يعرف انها ماتقتنع باي شي

وصدقج after all الناس اذواق XP

بس من اكسبيرينسي اشوفه وايد اوكي

نصيحه: دايما كونون كلاسك وحاولو انكم في المناسبات الرسميه تكونون كلاسك علشان مايضحكون عليكم بعد اميه سنه في المتحف لول

*شوفو عيل جورج حبيقه او JCK (Micheal) بس مادري اذا الميزانيه بتكون عائق

ياني رقاد

*nighty night 9abayaaa

[تحفه]

12 الف حق عرووووووووووووووس!!

اخر عروس يوم عرست من خمس شهور فستانها كان بس اباميه وثلاثين الف

الحين فساتين الاوادم العاديه صارت في الثلاثينات

من فتره كانو يقولون الرياييل ان بعد عشر سنين 30 الف مابتكفي الانسان انه يعيش في دبي ومابتاكله غير ملح وخبز!

عسب جي قامو يفتحون الفرص للمواطنين وكلحد يسمع شكاويهم وشو ناقصنهم

لان دبي بعد ثلاثين سنه بتكون صدق شي ثااااااااااااااني ومحد يتوقعه

[قصايد غلا]

نصيـــــــــــــحــة : إلاّ JCK

بنت خالوه امفصّل لها من فتره بــ 10 آلاف او بــ12 "ما أتذكر بالضبط"

وخذتني وياها لأنها هي بسرعه تنغر بالكريستالات والألوان فــ ينقص عليها ===> أنا موووول ما يعيبني أي شي

أحب الشي يكون عليّه حلو ويناسبني و أهم شي أكون مقتنعه فيه حتى لو الناس ما عيبهم أهم شي راحتي


المهم

في العرس كــــــــــــل حــــــــــد عايبنه فستانها وأونهم متخبلين عليه
لكن أنـــا لاعت جبدي منه وحسيت بـ شغله كـــجــــــرة "يمكن لأني أحب الشي يكون ناااااعم وراقي وفخم في نفس الوقت ، ما أحب الفستان يكون ممزور كريستالات وبشكل مب متقن"

مسوي لها ورود روز بالــقطعه نفسها "ماعرف شو يسمون لكنه امنتف القطعه مثل الريش" ومازرنهن كريستالات
والتوب كله كريستالات كبار وصغار ===> يعني لو شافت عمرها عقب 5 سنوات بتقول شو هالذوووووووق العنقااااااااش الداثر "صدق إنّي مال أول"



دلوعة دبي : سوّي مثلي
دوري لج حد شغله فنان لكن أهم شي انج انتي بروحج تختارين اللون والقطع والإكسسوارات

والأهم إنه عندج حد يطبّق فكرتـــج مثل ما هي "ما يعنقش ويخرب كل شي"

أنا ما كنت بفصّل شي لعرس بنت خالي وكنت خلاص بسير بعباتي لأنه الدانتيل والاكسسوارات اللي فيها من برّع يعني محد بيكون لابس شراتها

المهم

قبل العرس بــأسبوع تذكّرت إن عندي قطعة روبيرتو كافالي "حرير" بنفسجيه " لون قرطاسة الكادبوري"
جان أقول بفصّلها

سرت خذت برش من الوشيعه بــ 500 وشي

وعقب دورت لي موديل تنورة ، وقلت بحط تحت قطعتي دانتيل ذهبي "بحيث يظهر الدانتيل من تحت القطعه " وخذت الدانتيل الوار بــ1000 من العيسائي وخذت شيفون للتوب من عنده

وفي العرس كــــــــــــل حــــــــد قال لي فستانج وشكلج شي ما كنّا نتوقعه

حتى العروس قالت لي : صدق surprise !!!

[المزوحي]

لو سمحتوا .. وين بحصل فساتين أطفال للعيد ... شي بسيط

الاعمار 4 - 6 - 8 -10-12

[تحفه]

ماشاء الله قصايد غلا انتي نفس اختي فيكم شده اادورون وتتنقون وتركبون

انا ام الهيازه بس عندي سلّم تستلم وماحب احوط من مكان لين ثاني XP

--------

على فكره شوفو فساتين قوجي الي في امرتس مول .. منزل فساتين حلوه 3>

كنت باخذلي فستان بس للاسف اكبر سايز عندهم 4 امريكي XP ....

[تحفه]

المزوحي كلولولولوووش .. متا استويت بابا؟ XD

[تحفه]

المزوحي ودي افيدك بس ماعرف شي بثياب اليهالXD يمكن ايه احبك عندها خبره اكثر ؟

[المزوحي]

تحفه ... حق يهال العايلة ...

[تحفه]

لا مستحيل اصدق .. اعترف انك معرس من 12 سنه .. مابخبر حد بس بيني وبينك XD

[المزوحي]

صدقيني لا ... بس عن يتحول الموضوع شات تحفه ...

يالله عاد يوم بتساعدونا تذلونا :)

[تحفه]

j/k

سوري مزوحي

[خطايــا]

بسأل اختيه وبرد عليك =)

[المزوحي]

تحفه .. لا .. عادي .. بس إن شفتي شي غاوي على طريجج للشوبينج خبريني

خطايا بنتظر الرد

[بنت الدلع]

" فستانها كان بس اباميه وثلاثين الف "

الصراحه هذا يسموونه تبذير
تفر هالمبلغ على ليله وحده
too much الصراحه
صح عروس ولازم تلبس شي بيرفكت
بس في نظري اذا زاد فستان لعروس عن الـ 30 الف ، الصراحه مايستاهل
الا هيه قطعة قماش وعليها كريستلز

اذا الواحد مايفكر بالحين خله يفكر بباجر
الله بيحاسبنا عالاسرااف والاشيا المبالغ فيها !

[تحفه]

مب تبذير اذا الواحد مقتدر ويقدر يسوي ويشتري
ليش تحسون انه تبذير؟
عيل تخيلي الواحد يقدر يشتري سياره بثلاثين الف ويقدر يشتري ابستين تسعين مليون الف درهم ..
ونقدر يلبس عباه بخمسين درهم ويقدر يلبس ابنص مليون

المشكله مب بالكم.. المشكله انه مرات الي يتشرطون مايراعون او ياخذون على حساب سعادتهم بعد العرس

الانسان كم بيعيش عشان يخلي شي في خاطره .. واذا عنده ومسوي واجباته اتجاه ربه مايعتبر مبذر