سوالفنا...و...طلباتكم

[مــهــابه]

^
حلـو انج تـغـيرين . .

[ايه احبك]

هيه بس انا الي خايفنه منه هي عواقب التصبيغ

[مــهــابه]

^
حسـب نوعيه الشـعر ، اختيه تـصبغ صبـغه ورا صبـغه
شـعرها كـان وااايد حلــو ، الحين احسه اخترب ، صـار وايد جـاااف


عسب جيه انا ما افكر ، خلينا ع الأسود وايد احسن :)

[ايه احبك]

ترى هني الموضوع حسب الصبغه وطريقتها
وخاصه اللون الي في خاطري في امكانيه انه يسبب لي مشاكل يعني بيكون صبغة اسبوع واكيد بيخلوني اغيره فبتالي بتعتفس دنياي

[الشيـــن]

الله يسلمكم اللي صـار إلهـا ان الصبغه حرقت فـروة راسهـا .. يعني شعرها من الجذور اخترب !

تعرفون والله يبين انه الشعر محروق .. جي جنه سلك ظعيف ينكسر ..!
وشي ف الفـروه مكان صغير جنه قرعه !
وعقب فتره عالجتـه وجـي والحين احسن شوي ..

صح مب شرط كل حد يستويله جي لكن ماتظمنون بعد ..!

كنت ناويه أصبغ شعـري ويوم شفتهـااا قلت توووبه ..
انا صابغتنه قبل ،مره خصل عنابيه و مره هالخصل الملونه قوم 4 مادري 5 ألواان وكان حلـو ..
بس الحين قلت مابـااه الحلـو جان جي بيستوي بي ، لون شعري حلـو خلاااص ههه

[ايه احبك]

تبت او حرمت مابي لووك يديد ولا هم يحزنون ... قصتج اتخوف يالشين

[تحفه]

منو احسن حد يصبغ الشعر عندنا في الامارات؟
يعني ينصبغ الشعر ويتم الشعر ناعم ومب مخترب !

[عهد الوداع]

الشين صج خوفتيني ,,,

لا للصبغه ههههه


تحفه والله ما عرف ,,, حنيه احسن لج بيتم ناعم وحلو ...

[تحفه]

سمعت الحنه اتنشف الشعر

>,>

[ايه احبك]

هيه انشف بس زيتيه بعد ما تحنينه

[دمعة شوق]

تحـفـه
مـاشـي منه أنـا من يوميـه احنـي شعـريـه
والحمدالله ماينشـفـه ولا شـي بالعـكـس
يسـتـوي ناعم وريحته حلـوه


بس خلطتـيه للحنـاء خاصة

يعني تحطيـن الحنـاء وتخليـن شـاهـي احمر يثور فوق النار شويه هب وايد
وتحطينه في الحنا بدل الماي وتحطين قوطي روب وبيضه و كركم اذا فيج قشره
واذا تبين ريحت شعـرج أوكيك طحـنـي مسمار وحطيه وبـس
؛
وبـس سويه فليـل وتحـنـي وخليه في شعـرج تقريبا ً ثلاث أو أربع ساعـات
والروب والبيض في وقتـه يعني يوم تبين تتحنين حطيه هب قبل
؛

[دمعة شوق]

جربن طريقيته وماينشفه :)
واذا تبـين مايتم شعرج ناشف عقب ماتغسلين شعـرج يبـي شويـه من
زيت فاتيكـا في ايـدج ومسحيه على شعـرج
مابيـزيـت ولا بيبين انج داهنه شعرج وماله ريحـه :)
ويتم شعـرج اوكيك

[ايه احبك]

حبيت الخلطة تحفووه نجربها في بيتكم XD

[تحفه]

الشين يحليلها اختج .. قوليلها تستخدم
Fekkai anti breakage treatment mask < يقوي الشعر و يمد الفيتامينات للاطراف ومايخلي الشعر يتقصف
+ KERASTASE CONCENTRE VITA-CIMENT< يكون مثل كندشنر للشعر ويعطي لمعه ويخليه ناعم

وقبل كل استشوار خليها تحط سيرم عشان يحمي شعرها ! اتفلسف وايد انا روحي ما اسوي ههههههههه

واذا بتدهنه خل تدهنه بالCastor oil لاني بصراحه اشوفه افيد من الزيت زيتون وهالسوالف واحسن شي فيه انه مافيه ريحه ( بس مره وحده في حياتي سويته ) بس والله

ودايما خليها تسوي مساج حق فروة شعرها .. انا دايما اخلي البشكاره تسويلي ونا اطالع تلفزيون بعد ما ارجع من الجامعه او بعد ما ارجع من برع اشغلها خخخخخخخخخخخ ( هالشي ما انساه )


وفي برودكت من ماركه بس مش موجوده هني .. تزيد كثافة الشعر اسمها MiN New York

[تحفه]

تحـفـه

يعني تحطيـن الحنـاء وتخليـن شـاهـي احمر يثور فوق النار شويه هب وايد

كيف اخليه يثور؟