سوالفنا...و...طلباتكم

[شوق القلوب]

اوه.. في سبينيس..!

..

الله يخليج.. جان على خلطات النت مووول ما اتخلص.. عادي مره اتحصلينهم كاتبين حطي كل اللي في المطبخ على شعرج و على جسمج ..

[شمعة أمل]

نسيت..
شي اكتشفته من سنه تقريبا

لو انتي من النوعيه الى دوم شعرها مربوط \ ملفووف ... وقفيييي
فتحي شعرج وخلييه يشم هوااا .. بتحصلين انه شعرج شكله احلى


وبعد


قد ماتقدرين .. عقي الشيله ويلسي برع في الشمس .. يعني يلسي برع بدون شيله .. لانه الشمس فييه سوالف وايد زينه للشعر & الظهر.. ف لاتلبسين لا عباه ولا شيله يوم تسيرين تتمشيين في الحوي او حتى البر لانه محد هناك

ف قد ماتقدرين لو انتي برع البيت يعني في الحوي ولا بر ولا حديقه ولا مكان مافي رياييل .. عقي الشيله وفتحي شعرج وخلييه يشم هووااا ..


سووو هالشي لشهرييين .. وجوفووو الفرق .. وبتقوولوون .. صدقهااا شمعوووه

[شمعة أمل]

اوه.. في سبينيس..!

..

الله يخليج.. جان على خلطات النت مووول ما اتخلص.. عادي مره اتحصلينهم كاتبين حطي كل اللي في المطبخ على شعرج و على جسمج ..

وحده مواطنه عطتنيي الخلطه
مب مال اي كلام يبته من سايت

[الدلووووعة]

شمعة امل انا اربيعتيه كنا مخططين نسويها خلاص
بس انا اخر شي غيرت راي قلت لا شو احط بصل على شعري وين يبون ماسويتها ^_^

[شمعة أمل]

لول xD

[قصايد غلا]

مـــرحــبــا صبايا الواحات :)

مشكوووورة يا أم عبادي على هالموضوع الحلو

أنا استايلي على حسب مزاجي

أحب الأشيا الخفيفه وما أحب الدفاشه في اللبس
تعيبني المخاوير الخفيفه والمغربيات الناعمات
و وايد ارتاح للعبي الساده ، لكن العبي اللي فيهن شغل أحبهن للمناسبات
والشنط أحبهن يكونن مب كباااااار وايد
"عزكم الله" يعيبوني النعله والجواتي المسطّحات وما البس الكعب إلا حق المناسبات
و وااااااااااااااايــــــــ د أحب اشتري الجينزات والبلوزات العمليات لأنه هاييلا اكثر شي استهلكهم بشكل دايم

لكن انا في الشوبينغ محد يتلعوز ويايه غير اميه فديتها ، وااااااااايــــــد بطيئه وما يعيبني اي شي بسرعه
وأحب أميه تشاركني رايها في اللبس ، يوم ما اقتنع بشي هي تقنعني


أنا ما أحط ميك أب يوم أظهر بس أحب أشتري الروجات اللي يكونن على لون شفايفي وما أستخدم القلوس إلا يوم أكون ملانه في البيت أيلس العب به ، والفاونديشن اذا بستخدمه أستخدمه يا في العيد ولا إذا عندنا عرس "يعني بشكل نااااادر"
والجحال بعد مب دوم استخدمه ، واستخدم المرطب بين فتره وفتره
أحب ويهي يكون طبيعي




وعلى طاري الشــعـــر
أنا شعري طويــل وحلو لكنه مب غليظ وايد وخف لأني أهملته


أنا من فتره كنت أستخدم زيت اييبونه في صالون ليندا خليفة وقام شعري يطول وتظهر لي خصل يديده لكن للأسف ماقاموا ايّيبونه

بوظبي ===> ماشا الله عليج تعيبيني في هالسوالف

بوظبي : هالزيت من أي ناحيه زين ؟ اممممممممم يعني يغلّظ الشعر ؟

وحمام الزيت شو الأحسن يكون في كل أسبوع مرة ولا مثل ما تقول بوظبي ؟

[طير الحب]

بوظبي,,,خذت فيتامينات فترة...وبشتري الزيت انا وايد أحب هالماركة حتى شامبو عبادي ولوشناته هالشهر قلت بجرب هالماركة احب كريم الريل بالكركم


شمعه امل انت عجيبه....شامبو خيول مرة وحده...انا عن شعري دومي مدلعتنه يوم اسير بيت اهلي ويوم نظهر البر والبحر بعد...شام هوا من الخاطر هههههه

[الـيـاه]

طير الحب

ماعرف كيف اشرح كلمة Funky بالعربي .. بس الأشياء جي ال غريبه + ستايل + بنوتيه ..

وبخصوص الميك اب
جحال + جلوس + بلاشر .. والفاونديشن مب دوم ..

عن الشعر
تعرفين .. أنا وايد أبعد نفسي عن الأكلات اللي تضر الشعر نفس الـ جولكت + الأشياء الحاره والبهارت + أي شي حار ينشرب .. الكوفي وهالسوالف
أي شي ساخن وايد يأذي الشعر ..

+ أستخدم زيت الذرة بدل الدهن وهالخرابيط , وهو أحسن حتى من زيت الزيتون اللي كل حد يمدحه..

والشامبو اللي استخدمه Botanical Shampoo 6.7
من ماركـة sisley



ومن نفس هالماركة شي فيتامين استخدمه هو يعالج فروة الراس وبعد يمنع الشعر من أنه يطيح وبعد إذا كان متقصف واسمه botanical extract for hair and scalp dropper
واااااايد زيد !
وها بتلاقينه في هارفي نكلز امرتس مول

وبعد استخدم
Humectant Hair Gloss شرات البوليش , يعني جي يعطي شعرج لمعان مال ClayPac ..



.
.
.

[الشوق]

الدلوووعه
زيت الخروع ... والثوم اوكيه حق الشعر الخفيف .. تراه يغلظ اب شكل كبير ...
.
.
لي عوده ع الموضوع الرائع
تسلمون ..

[شمعة أمل]

"أستخدم زيت الذرة بدل الدهن وهالخرابيط , وهو أحسن حتى من زيت الزيتون اللي كل حد يمدحه.."

دكتوري قال نفس الشييي
استخدمي زيت الذره *حق الأكل مب الشعر للعلم يعني p=*بس بعد زيت الزيتون واايد زين =)

[طير الحب]

قصايد عيل عليج بكلام الياه وشمعه امل والشوق تراها طرق مجربة....

شو تقصدون بزيت الذرة ...نفسه الي نطبخ فيه ولا في نوع مخصوص للشعر

[قصايد غلا]

إن شا الله طيــر بجرّب ، بس نبا نعرف وين نقدر نحصّل زيت الذرة ؟

على فكرة : مب أي فيتامين نقدر ناخذه بدون شور الدكتور لأنه على حسب الجسم
يعني فيه ناس تمتّنهم بعض الفيتامينات فــ الأحسن إنه تستشيرون دكتور :) ...

[شمعة أمل]

زيت الذره للطبخ .. يعني لأكلكم .. مب للشعر =)
في السوبرماركت

[طير الحب]

شمعوه....حطيت زيت الذرة بشعري وانا اطبخ...بجربه ما عندي 1 2

[تحفه]

^ هههههههه .. ديري بالج عاد عن يلبق شعرج .. مافينااا ..