سوالفنا...و...طلباتكم

[تحفه]

هيه وايد لذيذ

نخلط الفرش ملك مع ثلج مكسر " مكسر وايد " ونحطه في الثلاجه ساعه الا ربع و نشربه

صح نقول عن الثلج الي مكسر وايد .. تثلج مفروم؟


يالسه ارمس وحده عنه .. وابي اصوفلها اياه

[تحفه]

+ كل ما انش من رقادي احط على ويهي وعلى عيوني قطع ماي ورد مثلجه ( بتحسون صدق انكم مسوين رفرششششش ) سبحان الله

[الشيـــن]

اشكركممم واااااايد فور carinG (=

[بنت الدلع]

نحن نسوي هالعصير في البيت
وااااايد يمممي طعمه
وتحسون انه فررررررش
انصحكم تجربونه

واكيد الي مسواي في البيت احلى عن الي يبيعونه برع

[المزوحي]

مايهزك ريح

سرت صيدلية في زعبيل مالقيت عندهم ... واعرف صيدلية ابن سينا في جميرا واظن شي صوب الستي

بشوف وايد صيدليات شي مافي اشكال ... بس ماوحالي امر صيدلية غيرها ..

[المزوحي]

كنت بنشدكم عن حبوب " كالسيوم " موجودة في الصيدليات ..

أحس إنه جسمي محتاج للكالسيوم .. لأنه ماشاء الله عليّه .. ما أحس إني اتغذيت عدل من صغري ..

شفت دواء الوالد الله يطول بعمره Caltrate 600

كنت بستخدم الحبوب، خلاف قلت لا .. بسير استشير الصيدلاني وبشوف غيرهن ..

ياني شور أسير العيادة واستفسر ... شو رايكم انتوا ؟؟ تنصحوني بالحبوب

[مايهزك ريح]

المزوحي .. خل عنك الدلع .. بلا حبوب كالسيوم بلا بطيخ ..
عود عمرك تشرب كوب حليب كل صبح .. عندك حليب كليم اللي هو قليل الدسم .. وفيه دبل كالسيوم .. بتلقاه في الجمعيه لون القوطي ازرق فاتح ..
انا لازم اشرب كوب حليب الصبح قبل لا اطلع من البيت ..
ادق سلف الموتر .. وارد اشرب كوب الحليب .. وعقب اسير للموتر ألقاه جد حر ....
يلا طبق من باجر .. وقولي شو اخبارك

[الـيـاه]

تحفه
هيه صح مال الكيوكمبر

المزوحي
ماحب آكل حبوب مادري ليش ؟ أحس مب زين >.<
تبا فيتامينات كل أشيا فيها فيتامينات تفيد جسمك بشكل أصح ( بس جد أخاف من الحبوب ) !

باجر يوم بتشوب بتلوع جبدك من الحبوب لول ( مب جني أتفاول عليك )

[تحفه]

^هي بس ريحة ( بعض الحبوب ) بايخه بس مايحتاي تخافون اذا انتو واثقين انها اوكيه

قبل لا تاخذون حبوب .. اتصلو في دكاترتكم قولولهم عن الحبوب والي فيها وهم بيقولون لكم اذا اوكيه ولا لا

[المزوحي]

مايهزك ريح خذت المنظف





بس بخصوص الحبوب .. لانه صدق تعبان مب قضية حليب وغيره ....

هاا شو قلت لأني بسير العيادة باجر عسب انشد الدكتور وأشوف شو بيوصف لي

الياه ليش يعني ابعد عن الفيتامينات، حتى لو بشكل مؤقت ؟؟

تحفه .... هي بعض الحبوب جيه ...

[مايهزك ريح]

جربه وقولي .. فادك ولا لأ..

انزييييييييييييين ..
اذا انته اتحس انك تحتاج كالسيوم ..خذ فيتامينات .. فيه شي اسمه A to Zinc multi Vitamin ..
تاخذ منه حبه وحده في اليوم .. لازم ايكون عقب الأكل .. يا على وجبة الريوق او الغدا ..
ما يسوي مشاكل .. وايد زين انا حاليا استخدمه ..
ثانيا حبوب الكالسيوم ما ينصحون ابها إلا بعد سن الثلاثين .. أما الفيتامينات بعد سن الـ25 ..

وهذي صورته ..

[شوق القلوب]

السلام عليكم..

حد يعرف صالون حلو في بوظبي..

يعني سوالف قص و صبغ..

..

[تحفه]

السلام عليكم..

حد يعرف صالون حلو في بوظبي..

يعني سوالف قص و صبغ..

..

ما احيدج من بوظبي

شي صالون فنان في دبي جان تبين حق القص اسمه مريا دولنغ .. هذه سايتهم http://www.mariadowling.com/ - ترومون اتطالعون اللوكيشن منه و اسعارهم والي يسوونه

قبل كنت اسوي في صالون شنغرلا او هدى و جانيت بس من اكتشفت هالصالون ودرتهم ولزقت فيه


احين هل بوظبي اييوون هني يسوون هالسوالف وانتي اتسيرين هناك

[المزوحي]

مايهزك ريح ... انا كنت استخدم مجموعة فيتامين B

اما اللي تطريه اعرفه لكن ما تشد استخدمته ..

ههههههههه بسير اشتري الحبوب وبحط لك الصورة

[مايهزك ريح]

شو اخبار المنظف .. يربته ولا بعدك ..
انا احيانا اغسل ويهي .. مرتين في اليوم ابهذا المنظف .. والزين انه ما يجفف الويه