سوالفنا...و...طلباتكم

[مايهزك ريح]

المزوحي .. انا استخدم جل منظف لويهي .. اسمه Hyfac لونه ازرق والكتبه بالأصفر ..
ما يجفف الويه وينفع حق اللي بشرتهم مركبه .. مادري اذا اتنه مثلي ولا لأ..


وجان احصل صورته ..

[تحفه]

همممم ..

كنت أتابع من أول صفحه للـ يووم بس ولا مره فكرت اشارك ماعرف ليش

بس تحمسووون الواحد الصراحه ههه

.
.

المهم ,, انا ما آااكل فواكه مووليـّه
الا ناااااااااااااااااااادرا .. وبمعنى كلمة نااادرا ..
ولا حتى خضروات .. لا فـ السلطه ولا فـ الأكل العادي
يعني مثلا اذا العيش او الاكل فيه خضره *طماط لتس ..الخ* ما آكله الا عقب ماطلع هالسوالف
مااعرف ليش ..!
حتى اكلي بشكل عام مش صحي وايد ..
و ع قولتهم as a result اظافـري وايد تعبانه )= و ويهي مرات احسبه جي نفس
ماتقولون تقريبـا ذبلان ومصفر..

*اظافري*
تطول بس تتكسر بسرعه .. والحين مخلتنها شبه قصيره ماطولها بسبة هالشي
وبعد احسهـاا جي مادري كيف أباها شوي تلمع يعني فاهمين قصدي صح ؟
.
.
*ويهي*
جـي أحسبه نفس تقريبـا الذبلان *مش ذبلان بس جي ماعرف كيف اوصفه*
أو مصفـر مع ان اللي حواليني يقولولي عادي ويهج مابلاه شي
بس it doesn't satisfy me! ..
يعني اباه ينـور اكثر ويـورّد وابى بشرتي *تخبـّل*

.
.

بـ شو تنصحوني ؟
مابى وايد اشيـاءاات تخليني استوي confused
أبـى شي أو شيئين ع الاقل ..

وبس

OMG انزين جي مب زين .. ما بتوصلين 40 الا وفيج هشاشة عظام و ماترومين تركبين الدري و بتدورون مكان تسوون فيه لفت في بيتكم وبتقولين مابي اكسر وبيخترب الديكور و


على الاقل على الاقل شربي فرش ملك


سوي مثلي .. احط حليب بدال ريمبو يوم اشرب جاي حليب + اشرب فرش ملك مع ماي ورد + كلي كورنفلكس وي فرش ملك


خذي فيتامينات حبوب من الصيدليه

[الشيـــن]

اليـااااه .. جان *شكرننننن* umwaaa7zZ

و لازم تستخدمين مقوي حق أظافرج عسب قلتي أنها تتكسر بسرعه

ها أسويه .. وبجرب البـااجي ^^

أول شي لاااااااازم تاكلين خضروات وفواكه .. عسب جي أنتي تحسين أن بشرتج باهته أو تتعب
والسبب أنج ما تزودينها بفيتامينات .. الفواكه وايــــــــــــــــــــــ ـددددد مفيده للبشره والجسم ..

مادري ما اشتهيهـااا ، يبالي ظرررب

نفس اكسفولييايتينج كريم بار .. وألا مقشر اكسفولييايتينج ( cream wash ) بس مب بشكل يومي .. مال - بوبي براون - أوكي

الاكسفولييايتينج استخدمه ومجربه كم من برااند ..
بس بجرب باجي الاشيا الي طريتيهـاا .. لاني من النوع الي مايظمن اي شي جدامه
أخااف استخدم اي شي وبعدين احصل نتيجه عكسيه لول ^^
So بجرب الي طريتيــه

( أهمممممممممم شي فالحياااااه المسترايزر ) وفي أنواع من المسترايزر تغني حتى عن الـ سن بلوك
+ لا تودرين شي اسمه سكراب وسويه مره كل أسبوع ( وتأكدي من لسكراب اللي تستخدمينه إذا يناسب بشرتج ) + فيشل
ولا تنسين التونيك حزة الميك أب

انزين هممم اي مسترايزر تنصحيني به ؟
واي سكـراب الاحسن من بين الي جربتيه ؟
مثل ماقلتلج ماحب اجرب اي شي بالتخمين لول

//

استويت بنيه قمت اجابل عمري لول



وشكر*ننن* مره ثانيه
XOXO

[الشيـــن]

انزين جي مب زين .. ما بتوصلين 40 الا وفيج هشاشة عظام و ماترومين تركبين الدري و بتدورون مكان تسوون فيه لفت في بيتكم وبتقولين مابي اكسر وبيخترب الديكور و

والله اعرف ها كله بس بعــد ...

على الاقل على الاقل شربي فرش ملك

سوي مثلي .. احط حليب بدال ريمبو يوم اشرب جاي حليب + اشرب فرش ملك مع ماي ورد + كلي كورنفلكس وي فرش ملك


خذي فيتامينات حبوب من الجمعيه

الفيتامينات وايد مانصحوني آاااخذهاا ..
والفرش ملك ماحبه ، اذا بشرب حليب أشرب هالـ عادي الريمبو ..

مالت علي

[تحفه]

اول كلي اشيا بديله *تقريبا*

شربي كوكتيل وي حليب ( مال الامرتس مول لذيذ ) نسيت اسم المحل < ونتي سايره السنما ما بتحسين بالحليب لانج بتكونين مندمجه + كلي الخبز الي فيه حليب ( امرج للـ الله ) بعد شو بتسوين ع السعرات الحراريه XP XP

[الشيـــن]

تحفه .. لول آكل بس ماعرف اذا شي هالسوالف
فـ أكلي ولا .. خلاص بجيك لول ..

طانكس ^^

[الـيـاه]

الشـين ..

لازززززززم تاكلين فواكه وخضروات وتشربين اشيا فيها فيتامينات وألا بتعيزين بسرعه وشرات ما قالتلج تحفه
مب زين بتستوي عظامج *هشه* >.<

لاااااااا مب تستخدمين شي عسب حد ثاني مدحه وهو اصلن ما بيناسب بشرتج ..
إذا منه فايدة حق هاك الشخص يمكن نتيجته تطلع العكس عليج !

سيري روحج طالعي ..

جوفي إذا بشرتج جافه استخدمي مال كلينك - dray skin Moisturizer - اشوفه احسن واحد حق البشره الجافه .. وإذا دهنية أحيد Garnier المسترايزر مالهم أوكي بس نست شو اسمه ..
شي جي بعدين كنترول مسترايزر .. وإذا بشرتج مختلطه استخدمي مسترايز سسيلي

وعن الـ سكراب
مجربه وااااااايد لول .. وشي أنواع - مال الأيد غير عن الويه غير عن الريل
فـ اشوف أحسن سكراب مال Loreal وألا the body shop ( ع فكره ذا بودي شوب أشياءهم مال الباث وهالسوالف جميييله XD ) المهم وعقب لسكراب بـ نص ساعه أغسل ويهي بماي ورد

وماي الورد مب بس حق لسكراب
دوم أغسلي ويهج بماي ورد وخاصة عقب ماتنظفين ويهج الفليل وألا بعد الميك اب

ونسيت اقولج عن كلينر وايد حلو بيخلي بشرتج جي فيها حياه ولون .. اللي هو ( بيور جنتل ملك كلينز ) من اف سان لوران


.
.
.

[الـيـاه]

تحفه
خاطري اجرب الحليب ويا الماي ورد اللي تسوونه ؟ حلو ؟

[مايهزك ريح]

تحفه
خاطري اجرب الحليب ويا الماي ورد اللي تسوونه ؟ حلو ؟

انا اشتريه جاهز من المحطة .. لون القوطي وردي .. واسمه باندونج .. انتاج ماليزي مادري سنغافوري موب متأكد .. والطعم وااااااااااو ..
مادري اذا تحفه مجربتنه اتقولنا .. اذا الطعم نفسه ولا .. لأ ..

يكون جي لونه ..

[الـيـاه]

^

يمييييييييييييي طالعو اللووووووووووووون :: خليته في خااااااااطرييييييي

بس اصلن كيف يستوي وردي ؟

[مايهزك ريح]

يخلطون اشوية من شراب الورد اللي لونه احمر ( ربع الكوب تقريبا ) .. والباقي كله حليب ..

مثل ما تسوون الفيمتو .. يكون اشويه والباقي ماي .. سويه بنفس الطريقه ..
وقولي لي شو طلع وياج ..

[المزوحي]

مايهزك ريح من وين هالمنظف ؟؟ من مكان معين ؟؟؟

وبخصوص الشراب ... خاطري اجربه لكن يوم قلتوا شراب الورد اترددت ..

[مايهزك ريح]

المزوحي ..تلقاه في الصيدليه .

[الـيـاه]

مايهزك ريح

هيه اوكي - اتحسبت أصبااغ - XD .. يبااالي اجربه ..

[المزوحي]

خلاص باخذه اليوم بإذن الله