سوالفنا...و...طلباتكم

[المزوحي]

زين شو عني انا شو استخدم

[الـيـاه]

هلا المزوحي
ليش شو مشكلتك ؟

[المزوحي]

مرحبا

تدرين أحس إنه منطقة الأنف عندي وحولينها اتدهن أكثر عن باجي الويه ويوم استخدم صابون

يجف ويهي بشكل كبير واستخدمت غسول جونسون وجربت كذلك غسول ثاني مايحضرني اسمه

الحين ... وتشد جربت سكراب ... لكن مؤخلاا ما استخدم شي ... شو رايج ؟

[الـيـاه]

إذا يستوي جفاف لـ ويهك استخدم كريم مرطب مال قوم ROC رقم 2 وألا 3
وليش يستويلك جفاف ! أغلب الأسباب آتي من الصابون اللي تستخدمه لانه مرات يكون وايد قوي أو الغسول ..

فـ استغنى عن هالشي كم يوم وحس بالفرق
واستخدم بداله hydra + effetreservoir و توينتي فور آور مسترايزيشن من ماركة ROC ( والله أحس هالماركه عندهم وايد أشيا حلوه وتفيد البشره ) وها تستخدمه مره أو مرتين فاليوم بس ..

الـ سكراب لازم تسويه كل اسبوع مره تقريبا ً .. لأنـه لازم تشل هاليلد الميت وتجدد بشرتك

[المزوحي]

الياه وين بحصل روك في الصيدلية وإلا عند باريس غاليري ؟؟

[الـيـاه]

هيه شي في باريس غاليري + وامبلا أظني في فالصيدلية ( بس مادري مب متأكده )

نسيت أقولك أن كثرة التعرض للشمس ترا يسوي بعد جفاف للبشره + تجاعيد

[المزوحي]

شكرا لج ....

[الـيـاه]

العفــــــــــــــــووووو وو واجبـــنا ^^

[الـيـاه]

^

شوق القلوب : صح

وها الكلام اللي قلته لـ الـشين لنفس مشكلتج ..


بالنسبة لـ أظافـرج ؟

أول شي بين فـتره وفتره سوي بديكير منيكير .. ف شنغريلا يسوون وحتى N'bar بالم سترب حلوو يسوون
ولا تخلين ايدج مبللة وايد خاصة بماي بارد ..
سوي حمام زيت مصغـّر لـ أظافرج وحطيهم عشر دقايق في زيت زيتون دافي
+ أنصحج بـ Hand & nail تريتمنت كريم من كلارنس .. و لازم تستخدمين مقوي حق أظافرج عسب قلتي أنها تتكسر بسرعه ( هذا سبب لقلة الفيتامينات والماي في الجسم ) المهم استخدمي Abricot fortifying cream وهذا عند ديــــور ..

[شوق القلوب]

يسلموووو الياه..

بس الحمد الله ظفوري ما تتكسر مثل الشين..

امس اتراوالي the nail spa في مركاتو.. دخلته اشوف المكان .. ماشاااااااء الله .. زحمــــــــــــــه.. و ع قولتها لازم تحجزين قبلها بـ 4 أيام بس عاد ما يندرابه زين ولا لا..

[مايهزك ريح]

المزوحي .. انا استخدم جل منظف لويهي .. اسمه Hyfac لونه ازرق والكتبه بالأصفر ..
ما يجفف الويه وينفع حق اللي بشرتهم مركبه .. مادري اذا اتنه مثلي ولا لأ..


وجان احصل صورته ..

[الشيـــن]

اليـااااه .. جان *شكرننننن* umwaaa7zZ

و لازم تستخدمين مقوي حق أظافرج عسب قلتي أنها تتكسر بسرعه

ها أسويه .. وبجرب البـااجي ^^

أول شي لاااااااازم تاكلين خضروات وفواكه .. عسب جي أنتي تحسين أن بشرتج باهته أو تتعب
والسبب أنج ما تزودينها بفيتامينات .. الفواكه وايــــــــــــــــــــــ ـددددد مفيده للبشره والجسم ..

مادري ما اشتهيهـااا ، يبالي ظرررب

نفس اكسفولييايتينج كريم بار .. وألا مقشر اكسفولييايتينج ( cream wash ) بس مب بشكل يومي .. مال - بوبي براون - أوكي

الاكسفولييايتينج استخدمه ومجربه كم من برااند ..
بس بجرب باجي الاشيا الي طريتيهـاا .. لاني من النوع الي مايظمن اي شي جدامه
أخااف استخدم اي شي وبعدين احصل نتيجه عكسيه لول ^^
So بجرب الي طريتيــه

( أهمممممممممم شي فالحياااااه المسترايزر ) وفي أنواع من المسترايزر تغني حتى عن الـ سن بلوك
+ لا تودرين شي اسمه سكراب وسويه مره كل أسبوع ( وتأكدي من لسكراب اللي تستخدمينه إذا يناسب بشرتج ) + فيشل
ولا تنسين التونيك حزة الميك أب

انزين هممم اي مسترايزر تنصحيني به ؟
واي سكـراب الاحسن من بين الي جربتيه ؟
مثل ماقلتلج ماحب اجرب اي شي بالتخمين لول

//

استويت بنيه قمت اجابل عمري لول



وشكر*ننن* مره ثانيه
XOXO

[الشيـــن]

انزين جي مب زين .. ما بتوصلين 40 الا وفيج هشاشة عظام و ماترومين تركبين الدري و بتدورون مكان تسوون فيه لفت في بيتكم وبتقولين مابي اكسر وبيخترب الديكور و

والله اعرف ها كله بس بعــد ...

على الاقل على الاقل شربي فرش ملك

سوي مثلي .. احط حليب بدال ريمبو يوم اشرب جاي حليب + اشرب فرش ملك مع ماي ورد + كلي كورنفلكس وي فرش ملك


خذي فيتامينات حبوب من الجمعيه

الفيتامينات وايد مانصحوني آاااخذهاا ..
والفرش ملك ماحبه ، اذا بشرب حليب أشرب هالـ عادي الريمبو ..

مالت علي

[تحفه]

اول كلي اشيا بديله *تقريبا*

شربي كوكتيل وي حليب ( مال الامرتس مول لذيذ ) نسيت اسم المحل < ونتي سايره السنما ما بتحسين بالحليب لانج بتكونين مندمجه + كلي الخبز الي فيه حليب ( امرج للـ الله ) بعد شو بتسوين ع السعرات الحراريه XP XP

[الشيـــن]

تحفه .. لول آكل بس ماعرف اذا شي هالسوالف
فـ أكلي ولا .. خلاص بجيك لول ..

طانكس ^^