سوالفنا...و...طلباتكم

[تحفه]

توني راويت ماما التصاميم عيبها الفستان الابيض بو الكورسيه الذهبي .. اقولج الياه هذا وين مكتبه؟ بوظبي؟!

---

شمعة امل : العفوووو

[شمعة أمل]

شكلي أرف من المرض الزفت
ابا يكون عدل
قلت بستخدم مسكارا وفاونديشن وخربطيشن ناترولييه.. لانه احب ناترل .. بس لازم ويهي يتعدل يعني لازم
ف
شو المسكارا الأوكيـه؟ *للعلم اني مبتدأه في المسكارا ومول مب متعوده احطه بس لانه ويهي مأرف ابا يتعدل*

[تحفه]

شكلي أرف من المرض الزفت
ابا يكون عدل
قلت بستخدم مسكارا وفاونديشن وخربطيشن ناترولييه.. لانه احب ناترل .. بس لازم ويهي يتعدل يعني لازم
ف
شو المسكارا الأوكيـه؟ *للعلم اني مبتدأه في المسكارا ومول مب متعوده احطه بس لانه ويهي مأرف ابا يتعدل*

استخدم اربع انواع من المسكرات و base واحد ..

الـ base هو تاليكا كوندشنر اخذه من هارفي نكلز-بس دايما مخلص انتوا وحظكم يخلي الماسكرا تطلع طبيعيه على الرموووش

اربع مسكرات هما:

1- Dior show mascara
2- lancome fatale mascara / قبلها كنت استخدم Lancome Defincils High Definition Mascara
3- Yves Saint Laurent Mascara Volume
5- Chanel Inimitable Multi-Dimentionnel Mascara


واختي ما اتداني الماسكرات الي استخدمهم تقول انهم مب شي .. هي عاد تستخدم مسكرت Guerlain


بس شوفي اذا ماعندج رموش يتحسن تستخدمين الي انا استخدمه واذا رموشج طوال وحلوين استخدمي gurlain.. علشان ارموشج ما تلصق في حيّـاتج لول

[الـيـاه]

بوظبي :
هيه حتى أنه عيبني اللي عيب ماماتج .. وايد ناعم ..
لا هذا في ديـره في green tower بعطيج رقمه 2282227 ..

قصايد غلا :
العفوو حبوبــه

[تحفه]

بوظبي :
هيه حتى أنه عيبني اللي عيب ماماتج .. وايد ناعم ..
لا هذا في ديـره في green tower بعطيج رقمه 2282227 ..

قصايد غلا :
العفوو حبوبــه

تدرين اكتشفت ان ذوقي ياي على الاوروبي شوي ..
يعني الذهبي اذا انلبس في اعراسنا بيعيب كلحد .. والي عيبني مب كلحد بيعيبه .. بس اذا كنا في مهرجان كان ولا قولدن قلوب اتوقع انهم بيطنزون على الي بيلسبه وبيقولون طالعه من كتاب تاريخ اليونان "فيما بين" الفستان الي اخترته بيعيبهم ..

مادري ليش جي تخيلت الموقف .. متفيجه لول

[تحفه]

اليوم سرت عند سوهاد عاقوري .. مادري باجر بكمل عند ازرا و خالد خليل .. شكلي بمر مره وحده علشان اشوفه ..


شكرن الياه .. عفوا قصايد غلا

[شمعة أمل]

ثانكيوو ..
شكلي باخذ مال ييف سان لوران .. احب اشيائهم D=
شكلي نت باد ويا مسكارا لول .. يلست أدور واحد في حجرتي وحصلت واحد مال قم بلاش *يوم تشترين عطور يعطونج ست ميك اب بلاش*لول قحط ههههههههههههههه بس نت بااد حق مال قم بلاش p=



صح صح
بغيت اسأل
حد فيكم استخدم الكنسييلر اليديد الى كلحد يرمس عنه مال سكوووو .. جي يكتبونه اظني SQQU ؟؟

[تحفه]

ماعرف ما استخدم كونسيلرات وايد .. بس احط كونسيلر اف سان لوران يوم اكون امواصله وابي اطلع فرش لول ..
بس الي اعرفه ان Benefit boi-ing تمام

[الـيـاه]

تصدقون ؟
والله اني كنت بسأل عن المسكارا نفس سؤال شمعة أمل .. بس أنا شو ؟ صعععب ألاقي مسكارا تناسبني

لانه رموشي وااااايد طوال ( شمعة أمل أدرى لول ) وكثاف
فـ تخيلو يوم احط مسكارا جي لاااازم تخيس هالمساحه اللي فوق الجفن
فـ يايه بقولكم شو الحللللللللل =S

ومرات أحسها تسيح
فـ قولولي شو أحسن شي ؟

[شمعة أمل]

بوظبي
مثلييي استخدم مال ييف سان لوران
بس يقولون هالسكووو .. انه هو عباره عن شيئيين اونه مناسب لأي بشره .. تخلطينه لين مايطلع لونج .. كلحد متخبل عليه =s لكن انا مستحيل اخذه لاني ماتفييج xD


الياه
اختي
رموشها نفس رموشج
ومسكرتهاا ماعرف شو اسمه بيناسبج
بييبلج اسمه
احيد ابيض ويا اسود اظني مال بنفت بس ماعرف لازم اتأكد..

[شمعة أمل]

تقوولج مال benifit

[شوق القلوب]

هلا بالحلويييييييييييـــن..

ع طاري الكونسيلر.. جربت مره مال makup for ever .. حسيت انه يطلع ثجيـــل.. ما ادري كيف اللي هو ايي اربع ما ادري خمس الوان في علبه.. لانه لازم اتحطين كمن طبقه عشان يطلع حلو..

بس اللي صدق عيبني هو كونسيلر سان لوران.. ماعليه كلام.. خفيف و يخلي الويه ع طبيعته..

[الـيـاه]

شمعة أمل
مشكووووره وايد سويتي .. ان شاء الله بجربها ويارب تناسبني لانه تعقدت

[شوق القلوب]

انــــــــــزين يا حلوين .. بغيت اسألكم..

اذا بغيتوا اتسوون تسريـــحه... من وين تاخذون افكاركم..؟؟

ولا بس تعتمدون على اللي بتسوون شعركم عندها..؟

و وين اقدر الاقي صور لتسريحات اقدر اختار منهم اذا كانت عندي مناسبه ؟!

[شمعة أمل]

الياه
العفووووو ان شاء الله يكون اوكيه ويااج

شوق القلوب
مادري .. نادرا اسير اعراس..
بس جوفي المجلات مال شعر في الصالونات .. اكيد بتحصلين شي