مقهوووورة

[اصايل]

سلام عليكم و رحمة الله و بركاته
حبيت اني اكتب سافتي اليوم اللي صددق انقهررررررت منها
السالفة هي الله يسلمكم اني كان عندي بروجكت و الله يحفظكم خلصته
و انا من شهرييييييييين اسوي فيه و اعدل و ارتب لانه الاسبوع الياي بيكون التسليم
و الحمد الله خلصته و تم بعون الله..
يات ربيعتي(زميله)قالت لي ممكن تعطيني البروجكت ابي اشوف الافكار و كيف سويتيه و ما بنقل منه طبعا.. انا حليلييي على نياتي عطيتهااااا على طوووول ...اليوووووم يات بكل برود اعصاااب تقولي ترى انا ضيعت البروجكت في المارينا...... ..انا من الصدمة ما قلت و لا كلمةة لانه صدق انصدمتتتتت عقب يوم استوعبت السالفة رحت قتلها هذي امانه كيف اضيعينها و انا من شهريييييين قاعدة اسوييه و اخر شي بكل سهولة تقولين ضيعته وو و ...ألخ ..صدق صدق انقهرررررت و الاسبوع الياي التسليم ما ادري شو راح اسوي الله كريم
ربيعاتي يقولون انا الغلطانه اني عطيتهاا..اوكيه بس انااااا حبيت اساعدها ما كنت اتوقع انها مهمله جي..شو رايكم بالسالفة لو كنتو مكاني شو بتسوون؟؟؟و منو غلطان انا و له هي؟

[قــبقــوبـه]

هااي ربييعتــج اسميــهاا تقــهرر .. !!!!
امممممم الغــلط وقع على الطــرفين " علييـج وعليـها "
عليــها لانــها مهمــله ومااتحافــظ عـ الامــانه ..
وعلييــج لانه شغــلج المفــروض ما تعــطينه لـحد حتى لو كــان سـو كـلووز صــدقيني أغــلب الطعنـات تييـج من القــريبـين ..


ان شــاء الله تقــدرين تعـوضين وتسـلمين البـروجكت ..
الله يعيييـنج ..

[وحيد الدرب]

والله انه شي يقهر واللي يقهر اكثر برودة الاعصاب

ربيعتج ضيعت البروجكت ف المارينا مول ؟

اذا ف المارينا حاولي تراجعينهم يمكن يكون عندهم قسم للمفقودات يمكن حد حصله وسلمه لهم؟؟؟

وانتي ماكتبتي شي ف البروجكت ممكن من اللي يحصله يسلمه لج او اقل شي يسلمه لكليتج؟؟؟

[شمعة أمل]

المفروض ماتعطينها اياه من الأساس
واذا كانت تبا فكره عن البروجكت جان راويتيها اياه .. بس ابدا لاتعطين لأي شخص شغلج مهما كان

انا لا أعطي ولا أراوي اي حد شغلي ... لو يبون يعرفون شي يسألون وأخبرهم .. بس مستحيل أراويهم او أعطيهم لانه جي ولا جي وبدون مايحسون بيصرقون أفكاري

[سفير الخيال]

السلام عليكم

ما عندج نسخه softcopy ؟

صدق قهر

إن شاء الله اتهون إختي

[مريوومه]

وعليكم السـلام ورحمة الله وبركاته..

قمـة القهــر...

انزين اختي يمكن تخزن عندج في مكان ما في الكمبيووتر..
دوري..عليــه ..وان شااءالله تلقينه ..
او خذي مالها وسوي كوبي بيست يمكن هي خذته عسب تقدمه بدالج..
وقصت عليج ..؟؟!! << تستوي..

والسموحه

[الجنيه]

الله يهداج منو يعطي حد بروجكته عشان يتطلع عليه ؟؟؟؟ يعني الحين انتي بالذمه ضامنه انها ما خذت تعبج وعدلت فيه وبتقدمه باسمها بكل بروده ؟؟؟؟!!!!

انتي الغلطانه في الأول والأخير المفروض مهما صار ما تعطينها بروجكتج لانه في الاخير انتي بتتحاسبين عليه وبتنالين الدرجه الي تستحقينها مهما صار ما كان المفروض تأمنينها ع بروجكتج مع انه في الاساس ما كان المفروض اتراوينها اياه ولج كل الحق في انج اتقولين لها اسمحي لي ما اقدر هذا بروجكت مب ديكور عسب تتطالعه واتقولج ما بقلده *_*

اسمحيلي اشتطيت عليج بس انقهرت وما هنتي عليه وتعبج الي راح ع الفاضي ,,, انزين ما عندج نسخه في الكمبيوتر والا سي دي ؟؟ اكيد شي دوري مني مناك وربي يوفقج وان شاءالله تتلاحقين ع عمرج واتخلصينه بالوقت المحدد واذا احتجتي اي مساعده ترانا حاضرين بالي نقدر عليه

[قرموشة]

صـج والله قهـر !!
الله يعييينـج اختيييه

[اصايل]

وحيد الدرب ما اعتقد ان يودونه قسم المفقودات لانه بيحسبونه اوراق ما منهم فايد
شمعة امل مريومه الجنية هيه صح كلامكم المفروض ما اراويها بس ما ادري كسرت خاطري لانه ابد مب مسويه شي و التسليم قريب مرات الانسان يسوي شي بدون ما يفكر
سفير الخيال انا مسيفه بس هذاك جاهز الشغل و مرتب يعني الحين برجع و بعييد كل شي
قرموشة ادعيلي
دعواتكم كلكم و مشكورييين عالردود

[ريم العين]

نفس اللي استوالي بس انا مب بروجكت انا تصميم موقع

بس الحمدلله كانت عندي نسخه فالكمبيوتر واليوم رديت سيفتها بالسيدي ويوم السبت بسلمه

الله يعينج انا عاد خلص التسليم والابلة قالت بتنقص من درجاتي شويه بس انا قلت لها السالفة والبنت اللي كانت مكان ربيعتي كانت تستوي بنت اخت الابلة وعاد انا قردنت الابلة وجي وقالت اوكي خلاص ههههههههه

بس انتي الله يعينج بندعيلج حليلج صدق كسرتي خاطري
لو كنت مكانج بروحي بسير ادور فالمارينا ههههههههههههه

او احاول اقنع الابلة او اي شي المهم ما اعيد الشغل تعبت والله

[وحيد الدرب]

الله يعينج أختي اصايل
وتحلين هالمشكله ....