احرج موقف حصل لك؟؟؟

[وحيد الدرب]

السلام عليكم

شو احرج موقف صارلك مع شخص مسؤول عليك سواء كان الشخص الوالد او الوالده او مدرسك او مسؤولك ف الشغل ؟؟؟

[مايهزك ريح]

مرحبا وحيد الدرب ..
احرج موقف ..كنا شاردين من الدوام..سايرين مرسى دبي نتغدى ..
انا وربيعي اللي في القسم اللي عدالي .. ونحنا طالعين ما شافنا مديرنا ..
شافنا مدير الإدارة العود .. لا وسلم علينا بعد ..

..ومرة جاكنا ونحنا سايرن ماكدونالد اللي على درب بوظبي قبل لا يفتحون اللي داخل المينا عندنا .. وعادي شباب في رحلة ولا جنا مسوين شي ..ونسلم بعد ..

يعني على شينه قواة عينه

[وحيد الدرب]

ههههههههههه مرحبا مليون اخوي مايهزك ريح

موقفك ذكرني بموقف حصلي الصيف الماضي

كنت يالس ف القسم واكلم ربيعي اقوله متى مسؤول القسم بيطلع بريك ابا ارمس بالموبايل وانا احش ف المسؤول وهو واقف وراي يسمعني انا كنت اشوف ربيعي يضحك ويطالعني بس ماكنت متوقع انه يكون واقف وراي اوووووووووه والله فشله ............

[مريوومه]

وعليـكم الســلام ورحمة الله وبركاته..

اخــوانــي الافــاضِــل .. ما يهزك ريح .. ووحيـد الدرب..
مواقفــكم ...<< خخخخخخخخخخخخخخخخخخخخخـ .. بس ان شــاء الله تعلمتــوا ..!!
وتســلم على المــوضوع .. نتــرقب جديــدك ..
.
.
موقــف محــرج ..
مــره كنــت في مــكان عام ويا الاهــل .. وفجــاة اشووف الناس تطــالعنــي وتضحـك ..
اكيــد معــاهم حــق تــراني طالعه نازله في نفســ الوقــت .. ؟؟؟..

الســالفه ومافيها انكســر الكــعب. . وخواتــي شردن عنــي << نذاله ..
بعدين تيبست مـكاني لين ما يابوولي نعول يديده .... وما كملت التسوق..
رديت البيــت ..

::++ قوة عيــن لو كمــلت تسوق. ++::

[وحيد الدرب]

ههههههههههههههه
هذا صدق موقف محرج وانشاالله مايتكرر لج أختي مريوومه
وشكرآ ع المشاركة

[تحفه]

وايد وايد محرج لدرجة اني ما اقدر اقول ههههههههههههههههههههه

[ريم العين]

من كم من يوم كنت راده من غرفة المعلمات كنت امتحن فوق وانا دشيت الصف

اشوف ربيعتي ورا اوانا جدام ارمسها بالاشاره وشويه صوت اقولها الابلات فوق يحشوون فيني وفالبنات وجي والابلة تشوفني والبنات يظحكون وانا ولا ادري بشي الا بعدين انتهبت ونقعت من الظحك فويها
ويمكن عقب الحصه سارت لهم وقالت لهم انتو شو قايلين ههههههههه لانها كان شكلها يوم تطالعني تظحك ومصدومه هههههههههههه

وايد مواقف تستوي ويا المدرسات ههههههههه

[الجنيه]

السلام عليكم ورحمة الله وبركاته

مايهزك ريح خخخخخخ نفس الموقف الي صار لي نحن عندنا ساعه بريك وما ايوز ناخذها اخر الدوام بس انا خالف تعرف متعوده اشرد الساعه 3 الساعه الباقيه بريك ويومها سايره ع خيبتي اتغدى ويا ربيعتي في مرسى دبي وتوني ماسكه الخاشوقه وقربتها من ثمي ليش ما اشوف لك مديري خاطف ووياه مساعده ويلسو ع الطاوله الي عدالنا وانا ما رمت ابلع نص لقمه من الزيغه ...


مريومه ... هع هع هع عيل انا ارحم نعالي انقص عند البحر ع الكورنيش وعادي خذت الامور بسهاله فصخت الطبجه الثانيه وفريتها في الزباله (عزكم الله ) ومشيت حافيه لين السياره خخخخ


بوظبي ما اقدر اتخيل شو ممكن يكون هالموقف ههههه

[الدلووووعة]

هههههههههههههههه

يقولكم مره كانت ابلتنا مفوله علينا لنه كانت عدنا حصة فاضيه وماقنالها انه عدنا حصة فاضيه
وهي مخبرتنا من قبل نخبرها (عاد تعرفون العلمي الابلات مايخلونهم فحالهم )المهم نحن طلعنا ولعبنا وفي نص الحصة شافتنا نلعب فالساحة ليش ماتعصب علينا وتحتشر وحالتها لله المهم عاد اخر شي نحن خذنا الحصة كلها فاضيه ولعب المهم والحينه نحن راكبين فوق بنسير الصف وهي مره قالت انها هب مسامحة ابلتها مال رياضيات وتخيلو وانا امشي عند صفنا وكان الباب مفتوح والدرايش مفتوحة اقول والله شو ها هي هب مسامحة ابلتها بعد انا مابسامحة دوم بتا تاخذ منا حصصنا الفاضية ولا بصوت عالي وانا اقول توني دخلت الصف جان اشوفها فويهي جان ارد ورا وظهرت من الصف ^_^

عاد اسميني قفط يومها ^_^

[مــهــابه]

رغـم اني مـتضايـجه بس ضحـكـت والله..

مـايـهزكـ ريح: قواتـ عينكـ فيكم ، لـوكنت فـ مكانكـم بتغشـى وبروح..

مريـومه: لووول ذكرتيـني فـ عمتيه ، تخيلي مره كنـا فالقريـه العـالميـه وتقريبـا طالعين 6 سيايـر
يـعني كلـ ال البنات فـوق 10 بنـات، المهم ، هذي مـستخفـه تمشي جدامنـا والروحـه ، شوي اشوفـ الأخـت تعـري شو السـالفـه ، وجان ينكسر الكـعب ، شو بنسـوي الحين؟ دمعـتها فـ عينهـا وانا هب قادره امسكـ عمريـه من الضحكـ ، وهي خلاص قـافطـه ، جان تـهزبني واسكـت ، المهم اداركنـا الموقفـ ، رحنـا اشترينـا لها نعـول ، ماادري من أي جنـاح فـالقريـه

للحيـن اذكرهـا بـهالموقـف



عـاد بخبركم بـموقفـ بالنسبـه لي يعـني محرج محرج ، والله انـي وهـي اسـتوى طماطـه

يقـولكـم كنـت ف صـحارى ويالسه اتمشى انا وعمـيه ، وماشاء الله عميـه طويلـ ، صوب المطاعم ماكدونالز وغيره ، المهم عميـه شكلـه شـاف ربيـعه وماحب يشوفه ويايـه ، كنـت ماسكـه ايده وهو هـدني وانا هب منتبـه ، المهـم

شوي أشوف عمريـه ميوده عمـيه من كندورتـه صوب الجيب ، وعميـه طويل ، يعني انا يوم اطالـعه ارفـع راسي فـوق ، يقولكـ ارفـع راسي ، اشوف واحد ماعـرفه ، والله احس اني مادري كيف ، استحيييييييت تخيلـوا ماسكـه ريال ماعرفـه ، وهو يطالعني مايعرف شو السـالفه يتحراني ضـايـعه

المهم ، عـاد يوم شفـت انه هب عمي ، ع طووووول تحركـت حتى ماقلـتله سوري ، من الخوفـ والقفطـه
والريـال يضحكـــ


والله قفطـه

[مايهزك ريح]

ههههههههههههههههه ... حليلكم والله

[وحيد الدرب]

هههههههههههههه
مشكوره أختي مــهــابه عالمشاركه
هالموقف صارفيني كم مره يوم اسير السوق وياالوالده تكون واقفه حذالي وانا ارمسها وفجأه احصل نفسي ارمس واحد او وحده ماعرفه ..........
وشكرآ للي شاركوا معنا ...

[فركوشه]

احرج موقف..

في مره كنت اتريا الباص عسب اسير الكليه..

واختيه تبا تروح الدوام بس سيارتها ما فيها مااااي.. على قولتها

وحشرتني واتقولي سيري وعي ابوي من رقاده.. وانا اقولها ابوي محد مب موجود فالبيت..

قالتلي امبلا موجود وراقد فالميلس..

واول ما دشيت الميلس شفت واااحد راقد ومتلحف ابرنوص.. وابوي مب من عادته يتحلف ابرنوص..

اللمهم.. قعدت اوعيه.. واقوله ابوي ابوي قوم نش.. وابوي ما رد علي..

ويوم ييت ابا ايوده..نش الريااااااااااااااااال.. وطلع ربيع ابوووووووووي..!!

والله استحيت.. واختيه تمت تضحك علي..

وعقب سرت ابطل بونيت السياره بروحي.. وجان يشوفني راعي الباص ويضحك عليييييي..

واخر شي طلعت السياره فيها مااااااااااااااااااااااي..

اسميه كان يوم..

[وحيد الدرب]

هههههههههههههههه
يحليلج أختي فركوشه

بصراحه موقف محرج