السلام عليكم ورحمه الله وبركاته...

الصراحه تواجد يبشر بالخير الريم...وايد لفتت نظري مشاركاتج.

المهم...

هواياتي...

أكثر شيء أهتم فيه هو الاحتفاظ بمقالات شهرزاد وبصراحه اكثر المقالات ساعات ما يكون عندي الوقت لأقراها بس هاي هواية قديمة عمرها قريب أكثر عن سبع سنوات اذا لم تخني الذاكرة وبداياتي كانت مع مقال لها في كل الأسرة اسمه (خولة) فسرت جريدة الخليج واشتريت نسخ لكل مقالاتها الموجودة في الأرشيف وللأسف مش كل النسخ القديمة موجودة...بس كل مقالاتها لزهرة الخليج لم يفتني ولا واحد وبيوم قالت لي شهرزاد قبل لا أتزوج بتعرسين وبتنسين تجمعينهم قلت لها:لا والحمدلله بعدني عند كلمتي مستحيل اطوف عدد...وحتى يوم اسافر لازم اوصي كذا صديقة عشان تحتفظ بالمجلات...في شهر العسل الوالد ما قصر اشترى لي الاعداد وباقي السفرات صديقاتي.

وفي هواية قديمة احتفظ بكل رسائل ومذاكرتي من صديقاتي عندما كنت طالبة واحتفظ بورقة من باقات الورد الي يحضرها زوجي بين فترة والثانية...لازم أحتفظ بورقة من هالباقات وطبعا اتم اعتني بالورد لين ما تموت...بس آخر مرة ونحن رادين من سفرة الصيف الي طاف تميت محتفظة بالورد لين اليوم ذبل وجف حتى بالمطار ما عقيتهم.

وبعد شو من الهوايات

الحين بعض اغراض عبادي احتفظ بها لين ما يكبر ما انه يمكن ما يهتم بهالشيء الفتاة يمكن تستانس أكثر بس ما ادري احب احتفظ ببعض ملابسه والعابه ومراضعه ذكرى له.

وإذا ذكرت شيء بخبركم.