شباب الواحات مطلوبين عند ذنيني

[ذنـيـنـي]

السلام عليكم و رحمة الله و بركاته

قلنا الشباب



شحالهم الحلوين >> الشباب الحلوين

بما انه البنات ما شاء الله عليهن كل يوم و الثاني ينطون و يسوون تجمعات للعضوات,

ليش ما نحن بعد نسوي تجمع عسب نتعرف على بعض اكثر و نتناقش في امور الواحات و امور الحياة و امور المجتمع و ارتفاع تكاليف الزواج و ارتفاع الايجارات و غلاء المعيشه و دوري الكرة و اخر طرق الترقيم و اخر اخبار السيارات و و و و و و ..... الخ

الموعد المقترح هو الويك اند الي عقب الياي

لأنه اخونا المقاتل ان شاء الله بيرجع لداره الامارات في هذا الويك اند و أكيد نبغيه يكون ويانا
المكان و الوقت بيتم الاتفاق عليه بحسب راي الاغلبيه

في انتظار اخواني الشباب

و البنات من غير مطرود برع

[شوق القلوب]

السلام عليكم..

و البنات من غير مطرود برع

أسميني اتكفخــــت

..

انزين ذنيني.. بس بنعطيكم دعم معنوي.. ترا والله انا طيبين

..

انزين .. انا اوافق على الاجتماع بس بشرط .. نبا صوره جماعيه

..

الحين عاااد صدق بحصلي شويه كلام حلو من ذنيني و بيفرني بررررررع

..
.

[تنينه]

ارتفـاع تكاليف الـزواج نصور بيستلـم المـوضوع ومـتأكده بعد وخخخ ,,

تجتمعون عـلى خير ان شااء الله ^^". ,,

[قرموشة]

طرده محتررمـه لوول
ان شاء الله تتيمـعوون على خـيير .. وبالتوفيـج
=)

[قصايد غلا]

أنا ما دّشيــــت هالموضوع ولا نظرته بعيـــنـــي ===> جذب من أعماق القلب الخــــاطـــــر

عيب يا صبايا الواحات ترى الموضوع للشباب وأنا بس دخلت عشان أقول لكن : لا تدخـــلــن ولا لكن خص بالموضوع ===> قصايــد الله يخلّـيــج انصحي عمرج ...

[ولد الحكومة]

مب جنكم نسيتوني انا ؟؟؟
اي يوم قررتوا ؟؟؟
الصراحه يبالنا عقب انسير القريه العالميه عشان الخبال يزيد خخخخخ

[حلم الطفوله]

تجتمعون على خير إن شاء الله ...

[شوق القلوب]

................

[الدلووووعة]

شي عزيمة شي شي بس انا ليش جي مشتطة ماعرف
يله مع السلامة لنه تحريت للبنات يله يله بسير عن
أيني ذنيني يطردني وياكم
^_^

[قــبقــوبـه]

حشىى طــرده محتـرمه ..
ما قصــدنا والله ..


ان شــاء الله تيتمــعون علي خييـر ..
انا أؤويد شــوق على فكــرة الصــوره ..
يؤيؤيؤيؤ

[ولد الحكومة]

خلاص أوكي شباب

[سفير الخيال]

السلام عليكم

أنا باجر بإذن الله إذا بيي بتصل في كلكلووش وبحاول إني أكون متواجد بإذن الله إذا خلصت اللي علي

موفقين يارب

[مــهــابه]

وهـو قـايل البـناتـ مايخصـهن
مـاشـفنـا ردود إلا من البنـاتـ ، لـوقالـ لنا حيـاكنـ شـو بنسـوي ؟؟ طـاف صح؟

ذنيـني:
ليـش هالـغيره ، نحـن بنجـتمع كيفنـا ، لازم تـغارون وتقلـدونا..


يـالله ماعليـه ، ان شـاء الله تـلتـقون ع خيــر

ونبـا نشـوف ، مب إلا نـسمع بـس

[ذنـيـنـي]

ما شاء الله الموضوع كله بنات

لي عوده مع الردود

[طير الحب]

هههههههههههههههههههههه.....بطرش لكم عبود بلبسه كندورة وعصامه اعتبروه مثال لأخر طرق الترقيم...مطفرنا في المراكز ماش اء الله عليه


تجتمعون على خير ان شاء الله