شباب الواحات مطلوبين عند ذنيني

[الاسطوري]

قلوب دبي موجود بس مادري ليش قاطع عن الواحات وقبل كم يوم أظن شفته سلم علي وعلى واحد
بس ماعرفني وأنا حسيت أنه هو ملامحه ماتغيرت من سنين ،، اللي يعرف
رقمه يتصل فيه ويخبرنا عن علومه ويشوف
إذا بيحضر ويانا

[ذنـيـنـي]

يوم الجمعة يناسبكم؟؟

[ولد الشحوح]

مرحبااااااااااااا الساع
سجلوني وياكم كأصغر عضو هخهخهخه
بس انا ابا حد يوصلني هخهخهخه ما عندي ليسن لوووووول
خاطري اتعرف عالكل
وذنيني عندك الرقم ولا ضيعته ..؟!؟

[شرجاوي]

بالنسبه لي .. يوم الجمعه مب شي .. بس اذا ف تاريخ 29 مب مشكله

[كـلـكـلـووش]

سؤال للشباب اللي بيوون

تبون تشوون هناك و لا انييب الاكل جاهز ؟

بنسوي تصويت

و بالنسبه لليوم ما عندي خلاف .. اي وقت تشوفونه مناسب انا وياكم ..

[الاسطوري]

انا مابروم بتاريخ 24 و25 وفي اي وقت ثاني تراني فاضي نهار أو ليل أو فير ماتفرق وبخصوص
الشوي حلو وحتى الجاهز بعد مش بطال وإذا تبون مكان حلو بس بيكون بعيد
عليكم شويـه ورا فندق جبـل علي على البحر
وننتظر آراء البقيه

[خيال الحب]

اختاروو اييييي يوم تبوونه الا الخميس الياي تاريخ 21 لاني بكون في العين


وانا افضــل نشوي هناك .. نباا نشووف الناس الطبّــيخه^___*


يالله اناااا بطبخ لكم ولا يهمكم

شو تبوني اسويلكم ذره خخخخ

[خيال الحب]

الاسطوري
ول خيببببببه بتودينااا صوب جبل علي

خخخخ انا ابا اييبكم صوبنا لوووول ع شارع الامارات خخخ

طماشه ترا القعده ع شارع الامارات..

[الاسطوري]

افا عليك انت تآمر حتى لو تباني اييك الجير مب مشكله
عندي ،، كم خيال عندنا

[خيال الحب]

خخخخخخخخخ استريح.. شو تودينااا الجيرر بعد

عن يصفعونااا هناك خخخخخخخخ


وينهم الشباب..

عااادي نتيمع بنص الاسبوع ولا الشباب عندهم ارتباطات؟

[شهوووودة الأمورة]

انتوا للحين ما التقيتواا ..؟؟؟

( احم داشه عرض.. بس حبيت اشوف شو سويتوا بالموضوع !! )

يالله تلتقون ع خير ان شاء الله ( :

[شرجاوي]

شوفوا الخميس 28 ولا الجمعه 29 ... هاليومين صح ... لان عقبهم اجازه لين الثلاثاء خخخخخ .. انا ابا ارد البيت و بطني يعورني خخخخخخخخ .. يعني ابا اشوي

[الاسطوري]

الخميس 28 أحسن وحطوني من ضمن اللي يرشحون الشوي بس
شو بتشوون ريش ولا أجنحه ولا تكه لحم
أو دياي ولا سي فود ؟

[ذنـيـنـي]

مثل ما تشوفون اخواني,, اذا تاريخ 28 مناسب لكم اكثر بنأجل اللقاء ما عندي اي مشكلة
في انتظار راي باقي الشباب

[طير الحب]

نحن هالاسبوع شوينا والله لا يفوتكم الجو جو شواي....وايد روعه اليلسه