هو يحلم وانا افكر !

[ألم ترى]

السلام عليكم

.
.

اخواني ابي حد يفسر ليه حلم او يدلني ع شخص مؤهل لـ علوم التفسير
واحد من ربعي حلم فيني حلم ووايد قالوا فيه خير إن شاء الله
لكن انا ابي اسمع التفسير من شخص فاهم فهاي السوالف !

الحلم هو بأني مع رفيجي رايحين بوظبي ودخلنا قصر ضخم وكلنا لابسين كنادير بيض
ونحن داشين قلت لرفيجي انته تم ف الصاله وانا بعد شويه برد لك
المهم انا فتحت غرفه وسلمت ع شايب لابس قتره وعقال وكندوره بيضاء وقاعد ع سريره
وفي الوقت اللي اسلم ع الشايب ناديت رفيجي وقلت له تعال ليش انته ما عرفت هذا منو ؟
فقالي لأ ؟ فقلت له هذا الشيخ زايد
المهم بعد ما سلم عليه رفيجي الشيخ زايد عطاني شيكين !
الشيك الأول بـ 60000 وهي عطيه من سموه والثاني بـ 80000 وقالي رده اي وقت ولو اقصاد
طبعآ انا كنت داخل عليه عشان مشروع وهو عطاني اكراميه الشيك الاول والثاني لـ المشروع !
انتهى الحلم واللي حالمه رفيجي وانا كنت معاه ف الحلم يعني انا صاحب المشروع والمبلغ واللي دخلت ع الشيخ

.
.

والله ياجماعه هالحلم وايد مخلني افكر ليش ما ادري
وانا ولله الحمد مش مقصر ومتواصل ف الصلاه والدعاء للشيخ زايد الله يرحمه
ف انتظار المساعده
والسموحه ع الأطاله

[المزوحي]

إن شاء الله خير

هو يمكن ربيعك وااايد كان يفكر ..

على العموم ننتظر التفسير

[ألم ترى]

بسم الله الرحمن الرحيم ..

اللي اعرفه ياخوي بأن اللي ياخذ شيء من الميت فيه خير ..

واللي اعرف بأن اللي يكلم الميت فيه خير بعد ..

وإن شاء الله الخير فويك ياخوي ..

[بنت النوخذه]

السلام عليكم
انا اعرف تفسير بعض الاشيا وطبعا مش موهبة مني لا بس لاني دارسة الاسلامية واعرف بعض الاشيا
اول ما تفسر اي حلم فسره تفسير زين يعني تفسير فيه بشاره هذي نصيحة كل مفسر احلام

المهم ممكن يكون الحلم اضغاث احلام وممكن يكون رؤيا والحلم من الشيطان والرؤيا ممكن تتحقق وعلى ما ورد في السنه انا مش ذاكرة الحديث بالضبط بس ان الرسول عليه الصلاة والسلام قال ان من علامات اقتراب الساعة هو تحقق الرؤيا

اخي انت او رفيجك حلم بالشيخ زايد المرحوم ان شاء الله وبما ان الشخص اللي حلمت به ميت يعني انت تقدر تعرف شو حالته في القبر حاليا يعني اذا كان الشيخ زايد مستانس ومرتاح يعني هذي شيئ طيب يعني ان شاء الله يكون مرتاح بقبره
اما اذا حلمته مريض او تعبان فهذا يعني انه محتاج للصدقة والدعاء

بالنسبة للون الملابس هذا بعد له تفسير بس انا باجر ان شاء الله بكمله لاني بظهر احينه وبسالك باجر ان شاء الله وان شاء الله كل خير
وانا احس ان حلمك فيه بشارة خير بسبة بعض الرموز اللي في الحلم وان شاء الله خير

[ألم ترى]

بسم الله الرحمن الرحيم ..

هلا اختي ..

وانا اتقلب بين احرفك لاحظت كذا خطآ ! ..

1 ــ مرحوم أي منعم بالنعيم لا ف الجحيم وهي من علم الغيب ..

ف الصحيح المرحوم ( بأذن الله ــ إن شاء الله ) فالينتبه ..

2 ــ انشالله أي خلق الله والعياذ بالله وهي من الأخطاء الكبيره اللتي نقع فيها ..

ف الصحيح إن شاء الله فصل بين الأثنين ( إن ــ شاء ــ الله ) أي إن اراد الله لا كسابقه ..

وكل ماذكرتيه لا لي علمه به وإن شاء الله يكون خير ..

والمعذره ع الأطاله ..

[بنت النوخذه]

بسم الله الرحمن الرحيم ..

هلا اختي ..

وانا اتقلب بين احرفك لاحظت كذا خطآ ! ..

1 ــ مرحوم أي منعم بالنعيم لا ف الجحيم وهي من علم الغيب ..

ف الصحيح المرحوم ( بأذن الله ــ إن شاء الله ) فالينتبه ..

2 ــ انشالله أي خلق الله والعياذ بالله وهي من الأخطاء الكبيره اللتي نقع فيها ..

ف الصحيح إن شاء الله فصل بين الأثنين ( إن ــ شاء ــ الله ) أي إن اراد الله لا كسابقه ..

وكل ماذكرتيت لا لي علمه به وإن شاء الله يكون خير ..

والمعذره ع الأطاله ..

تسلم اخوي هذا شي مهم نغفل عنه من السرعة يزاك الله خير

وانا عدلت اللي كتبته بامكانك تشوف ردي مر ثانية عشان زودت اشيا

[ألم ترى]

نفس الأخطاء لم تتغير !

[بنت النوخذه]

نفس الأخطاء لم تتغير !

والله انك تستحق كل تقدير تعرف انا ما فهمت قبل بس احين فهمت وعدلت الاخطاء وان شاء الله اكون صح

[قصايد غلا]

محب الشيخين : لووول ما ألومك على التفكيــر ، لأني أنا إذا حلمت بحلم أتم زايغه لين يمرن 3أيــام وعقب أفسره ، وإذا حسيت بخوف ما أطريــه

المفروض ما تفسر أي حلم أو بالأصح لازم مووول ما تطريــه قبل ما تمر عليه 3 أيــام ===> هالشي وايد سمعته من أميه ومن ناس فاهمين، والسبب : إنه لو الحلم فيه خيــر أحسن لنا نسكت ونفسره عقب 3أيام عشان يوقع و لو نحس بضيق من الحلم أبرك لنـــا ما نطريــه و الله يكفينا الشــر

بس اللي أعرفــه إنه حلم الشيــخ (الرئيس ، الحاكم)===> وايد زين هالحلم وفيـــه خيـــر

واللون الأبيض بعد خيــر ===> هذا كل اللي أعرفه ومابا أفتي من عندي وإن شا الله تفيــدك الأخت بنت النوخذه :)

لو حصّلت الــ60000 لا تنساني تراني قلت لك بييك خيــر ===> أسولف ويــاااك


الله يوفقك لمــا يحبه ويرضــاه

وإن شا الله لو عرفت شي زيــاده بحطه ...

[فنجان قهوة]

الله يعطيك على قد نيتك
و الي في الحلم ياي من العالم الاخر و هو رزق
عل و عسى يكون تفريج كم لك
و اتمنالك التوفيق

[إسهر معي ليله]

مثل ما هوه معروف.. انه رؤية الميت حق

لكن أحياناً تكون أضغاث أحلام.. وان شالله ما فيه الا الخير

تقدر تتصل في دائرة أوقاف دبي او الشارجه وتكلم واحد من الشيوخ المفسرين وبيردون عليك
ان شالله

[الشوق]

متى كان الحلم (( يعني في اي توقيت بالضبط ))

[ألم ترى]

بسم الله الرحمن الرحيم ..

اسف ع التأخير ! ..

الحم كان الصبح وانا راسلت اكثر من واحد لكن للأسف واحد اللي رد عليه وقالي اضغاث احلام ..

بحفظ الله ..

[ألم ترى]

بسم الله الرحمن الرحيم ..

شكل التفسير عكس ع صاحبه ! ..

الله يستر من تاريخ 12/1/2007 ..

وينك يالمحامي ! ..

[حلم الطفوله]

خير يا بو عبدالرحمن ! عسى هالتاريخ يكون خير عليك إن شاء الله