سؤال عن البورش كيان

[وردة روز]

حبيت استفسر عن البورش كيان S ،،،

ناوي آخذ وحدة إن شاء الله ،،، فأنا حاب أعرف التالي قبل لا أروح الوكالة:

1- عيوبها ومشاكلها كسيارة ،،،

2- نظام التشييكات والأسعار ،،،

3- أسعار قطع الغيار ،،،

4- هل تغير الشكل أو لأ ، وإذا ما تغير متى ممكن يتغير ،،،

وبخصوص ما يتعلق بالسيارة من محرك ونظام أمان وغيره فعندي فكرة بعد اطلاعي على التفاصيل من موقع البورش .

ولكم مني خالص التحية .

وردة روز ،،،

[عبدالله]

مرحبا وردة روز ......السياره ما فيها اي عيوب ......قطع الغيار غاليه شويه .......التشيك اوكي مب غالي واااايد كل 15000.........الشكل بيتغير في شهر فبراير اعتقد .......بس سياره ولا اروع .....المشاكل راجع لاستعمال الشخص ......الصراحه انا عندي وما في اي مشاكل الحمد لله .....والله يعلم .....والسموحه

[ولد الحكومة]

وعليكم السلام والرحمة ،،،

شيخي الكريم :
الصراحه من وجهة نظري اشوفه موتر حلووو وقوي وما عليه كلام وكل إلى استخدموه ايقولون ما عليه كلام بس على حسب الاستخدام ، وبخصوص التشيكات عادية واسعاره معقولة . . . وعن اشكل ماعرف اذا بيتغير ولا لا بس في اعتقادي وكالة البورش ما تغير الاشكال بسرعه يعني يبالها فتره طويله لين ما تغير الشكل ، يعني يباله مال 5 سنوات جدام.

والسموووحه طويل العمر




قايد الريم

[ذنـيـنـي]

الشكل بيتغير خلال كم شهر

[المزوحي]

عبدالله يقول إنه عنده وعن تجربة

فأكيد خبرته أكبر عن خبرتنا

لكن وبشكل عام سمعت عن قطع غيار الموتر او التشيكات كذلك غالية

غسيل الموتر يحتاج لعناية ومب اي كلام ..

وسمعت إنه العزل الصوتي مب اوكي

وإذا اختاج شي الموتر لازم تتنظر مدة طويلة ...

الواحد يسأل أكثر ويشوف

واسأل بالذات عن الأس .. يمكن كل موديل تختلف عيوبه ..

بالتوفيج

[وردة روز]

1- بخصوص العيوب ،،، أقصد عيوب التصنيع ،،،

2- بخصوص التشييكات ،،، ياليت لو حد يعطيني سعر ،،، كل 15000 معقول ،،، لكن كم يكلف التشييك ؟

3- بخصوص قطع الغيار ،،، مثال : لو أريد أبدل السفايف والدرام ويلات ،،، كم تكلف ؟

4- بخصوص الشكل ،،، دخلوا هذا الموقع لأن هذا اللي حصلته بخصوص الشكل :

http://www.abwaab.net/vb/showthread.php?p=301909

[إسهر معي ليله]

مثل ما قالوا الشباب... السياره يمدحونها ومافيها مشاكل.. سو Test Drive قبل لا تاخذها احسن

تجييكاتها غاليه.. لكنها كل 15 الف.. وقطع الغيار والتأمين اكيد غالي ( اسمحلي مااعرف الأسعار كم بالضبط،، كل واحد يقول شي )
بس اعتقد عندهم الـ Service Contract .. بتوفّر وايد اذا خذته



الموقع اللي انته حطيته ما فيه صور للشكل اليديد.. هذا تزويد عالشكل الجديم اسمه Magnum

وهذا هوه الشكل اليديد

من اليمين لليسار ( 6 سلندر، توربو، اس )



والمزيد في هالموقع

http://www.worldcarfans.com/news.cfm...elift-revealed

والسمووحه

[وردة روز]

مشكورين يا شباب وما قصرتوا الصراحة ،،،

الكيان S اليديد زاد سعره تقريبا 50000 درهم على حسب الموقع اللي حطاه أخونا أسهر معي ليلة ،،،

[الرحيل]

الشكل بيتغير بعد كم شهر وهذا كلام اكيد..

بس قطع الغيار غالي..

السياره ماعليها كلام من قوه وفخامه..

[واحد من الشباب]

اخوي اسهر معي ليله ممكن بس اعرف شو هو Service Contract او تعطيني فكره عنه


والسموووحه منك

[شرجاوي]

البورش كايين خربه ... ما انصحك فيها الغالي

[الرحيل]

تقدر تطلب من الحين في شارع الشيخ زايد

وبتوصل السياره خلاص 6 شهور على ماظن..

والحلو انه بيكون موديل السياره 2008

يعني بتستلمها في شهر 7 من سنة 2007 وبتكون السياره موديل 2008 وعلى الشكل اليديد

يعني في شوية فرووق..