زمــان ضـعيفـــ...

[مــهــابه]

بسـم الله الرحـمن الرحيـم..

" أتـق شـر من أحسـنت إليـه"

جميـعاً نسـمع هالـعبـاره ، وجميـعاً نـدركـ ماتـحمـله هـذي العبـاره بيـن طيـاتـها..

ولكـن مـتى نؤمـن بـ هالـمقـوله ونشـعر بـ مدى صـحتـها..


انـا عـرفـت وأدركـت معـنى هـالعبـاره ، يـوم انطـعنـت ، ولكـن

ويـاتـرى ؟ منـ منــوه؟؟

الــغريـب ، لا حشـى < وليـتها كـانـت من الغـريبـ >

كـانـت أهـون وأعـظم بـ مليــون مـره..

من أنـها تـكون من " قــــريبـ"

هـيه ،نـعم ، قـالهاا حـامد زيـد .." وأثـر المصـايب ماتـجيكـ إلا من الـناس القـراب"

صـعب جداً هـالشـعور،..

تـضحكـ مع أنسـان ، تـأمـن علـى هالإنسـان ، مـب لـ شي
بـس لأنـه كـسى وجـهه بـ ثــوب وقـناع زايـف ، اسـمه كـذب ونفـاق ووهـم

وفجـأه ، تـستـخسر كلـ لحـظه ، وكـل ضحكـه ، وقلـت ثـانيـه قضيـتهـا مع أنسـان حسبته

أقربكـ ولكـنه عـقربكـ

انـا مااحـس بـحزن أو نـدم ، كـثر مـا أنـدم ع الثـقه اللي اعطيـها نـاس ولـكن فـ الأخيـر

ولـ مجـرد غيـضـهم وفـيضـهم عليــ

يحـاولـون تـزيـف أمـور وتشـويـه صـورة بريئـه

يحـاولـون رسـم صـوره خـاطئـه عـني

ولكـن

هيـهـاتـ ، هـيهـات ..

< القـوي مـاتهـزه ريـح >

فـ كيـف نـهتـز ، لـ ناس أنفسـهم ضعيـفه

نـاس ونحـن نكـتب عـنهم ، نـعرف أهـميه الوقـت اللي خسـرانـه لـ سبب

نـاس مـاتستـاهـل..

هـل تـرى هي فضفضـه؟

الله أعلـم..

لكـن كـلام فـ خاطـري ، ولازم أظـهره..

بس اللي يـحيرني،

لـيش الزمـن أصبـح ضعيفـ؟

ليـش النـاس صـارتـ تنهـش النـاس؟؟

ليـش النـاس أعمـى قلـوبـهم الحقـد والكــذب والنفــاق؟

ليـش؟؟ممكـن أعـرف

[بوزايد]

المفروض في رايي

انج ما تأمني في حد وتعطيه كل شي قبل ما تتاكدي من مصدلقيته ووفاه


يمكن السبب انه قلبج يحب كل الناس فعشان جي امنتي فيهم


وانا اقولج


يا جبل ما يهزك ريح

[المزوحي]

لهذا السبب

أنا ما أثق بحد نهائيا ...

مب أزيدج

لا

ولكن

كل ما أثق بحد انصدم

مب سذاجه مني .. لا ..

ولكن كثر ماتكتبون مواضيع إنه انطعنت من فلان جريب منك ... وترد عليج أو يرد عليج

شخص يقولج مب كل الناس نفس الشي .. وعقب فترة هذا اللي قالج مب كل الناس نفس الشي

يكتب لنا موضوع إنه انطعن وما كان يتوقع يصير اللي صار لغيره قبل ..

زمان ضعيف

الله يصبرج

[قصايد غلا]

صدق إن الأقرب لك عقرب لك

مرّات الغريـــب أخيـــر عن القريب ، أحينه القريب يحط فيك كثــر التراب ويرمس عنك رمسة الغريب ما يرمسها

مهــابه لا تتكدّريــن لأنه في هالأيام إذا انتي وراج مصلحه بتكونين شيخة الكل ولو ما وراج مصلحه أو كنتي أحسن عنهم بيرمسون عنج وبيتبلّون عليــج وبيقولون أشيا ما تتوقعينها

الله يعينج عليهم ، ترى مب انتي بروحج جذه ...

[مــهــابه]

بـوزايـد:
لامـب جيـه، سبحـان الله أحيـان الشخص الطـيب
يشـوف النـاس بـعينـه طيبيـن ،

ولكـن فـ الأخيـر يـنصـدم فيـهمـ

وع قـولتـك:
يـاجبل مايـهزكـ ريـح

تحيـاتي لكـ

[أمواج]

.
.
keep it n ur mind
no one deserve
.
.

[مــهــابه]

المـزوحي:
مـب حلـو جيـه ، ان الواحـد مايـثق بـحـد
بالعـكس في أشيـاء ضـروري تنقـال

وأشيـا مسـتحيل تنـقال لـوكان هالشخـص أقرب لكـ من نفسك،< شراتـي انـا اشيا اكثيره ماحب ارمسـ بـها>

انـزين

ولكـن الدنيـا تجـربـه

الكـل لازم يجـرب ويتعرضـ لهالمـواقفـ

ولكـن الأهـم من هـذا

انـه فعلاً يكـون عندك ايمـان بأن هـب كل النـاس شراتـ بـعض..

وعلـى الرغـم من صدمـتي فـ ناس..

لكـن أقـول النـاس مـب كلـها شراتـ بعـض


الله يـعين الجميـل

وتســلم

[الجنيه]

سبق وقلت أنه الانسان افضل شي يكون كاتم اسرار نفسه وان كان لا بد وانه يبوح بهالسر لحد فيكون لشخص يعرفه حق المعرفه وواثق ومتيقن انه هالشخص مستحيل لو صار ماصار انه يطلع الرمسه الي مبينهم ( لكني ما أأيد هالشي ,, بس في نوع من الناس ما يرتاحون الا لما يشكون همهم لحد يخفف عنهم ويسمعهم وهالنوعيه صدق تتعب في حياتها )


مهـــــــــابه روحج قلتيها يا جبل ما يهزك ريح يعني لا اتخلين شي يأثر على ثقتج في نفسج والي حولج بس تعلمي كيف اتقنني هالثقه مب اي حد ينعطى الثقه الكامله وكلن له حدود لازم ما تسمحين له يتجاوزها

[المزوحي]

مهابه

ليش مب حلو .. انا قبل كنت ما أثق بسهول .. ويبالي مده لين ما أشوف هالشخص زين

وعقب ... ابتدي عااادي .. لكن انقرصت كذا مره ...

[بنت النوخذه]

المفروض في رايي

انج ما تأمني في حد وتعطيه كل شي قبل ما تتاكدي من مصدلقيته ووفاه

يمكن السبب انه قلبج يحب كل الناس فعشان جي امنتي فيهم

وانا اقولج

يا جبل ما يهزك ريح

المشكلة يابو زايد مب من هالناس الخونة واللي يطعنونك بالظهر بس لا المشكلة منا نحن بعد انا

شخصيا تمر فيني اوقات احس اني ابا اطلع اللي في خاطري عاد اللي اشوفه جدامي اقوله شو اللي

فخاطري لاني مب كل الاوقات احصل ربيعتي لان مب كل وقت بحصلها اكيد اهي بتنشغل باوقات انا

اكون بامس الحاجه لها فاضطر اني افضفض للي معاي وللاسف ان بعضهم يستغلون هالشي بشكل

سلبي لان مافيهم امانة ولا يحملون اي معنى للثقه

وبعض البنات اللي من النوع الحقير ياخذون ارقام البنية ويعطونها حق الشباب وانا صار فيني هالشي

بس الحمدلله كنت لهم بالمرصاد صح كنت بعدني ما افهم شي وما عندي لسان بس احينه لا انا لساني

صار طويل وابا تسوي اي بنية فيني هالحركة لاني ابا اطلع حرتي فيهن واغربلهن والعوزهن بالاخص

اني اقدر اوصل البنية واللي وياها للنيابة يستاهلون الجلاب

[سفير الخيال]

إختي مهــابه
ما عندي شي أقوله لأن الحــل صعــب وأنا بنفسي مريت بهذي المرحله سابقا مع صديق لي

لكن اتعرفين,, هذي التجارب الواحد يستفيد منها عسب ما يغلط مره ثانيه

والسموحة على القصور

ربي يحفظج

[مــهــابه]

قصـايـد:
المـثل شو يقـول" اللي مايـدانيكـ يخرب معـانيكـ "
بـس وربي ما كـدر عـمريـه عسب نـاس ماتـسوى

انـا مجرد تـساؤلاتـ أنـا اسألـها..


أمـواج:
قلـتيـها..

[مريوومه]

الســلام عليـكم ورحمة الله وبركاته..

::
::

المصــلحه .. اعمت القــلوب..
حــب النفــس الى درجه الجنــون ..
وغيــرها من الامــور...
::
::
اختي الغاليه مهــابه ..
لا تحــزنــي على قــلبٍ لا يعــرف معنــى الحيــاة..
ولا تيــاسِ من امــل مد خيــطه لــكِ ..
ابــقي مرفووعه الــرأسِ شــامخه بيــن الوجــود..
ابتعــدي عن الغــرور فانه منفـــر القلـــوب..

::
::

نصــائح ابعثــها لكِ معطــره بفــل واليــاسمين ..
عملــتُ بــها وما ازلت اعمــل وسوف اعملــها في المستقبــل..

::
::

[مــهــابه]

الجنيـه:
مـنوه قـال ان الثـقه حـد يسـتاهـلها فـ هالـزمن
نـثق أوكـي
بـس بـحدود ، لازم نـحط لكـل شي حـده ، عـسب ماننـدم فـ الأخيـر

وللـه الحمـد ثقـتي فـ نفسيـ مالـها حـد ، وللحيـن مـايـا ذاكـ اللي فـكر يـهزهـا

بس انـا اسـتغربـ من النـاس ، ليش هـم نفـوسـهم دنيئـه لـ هدرجـه يـعني؟؟

الله المسـتعـان

وتحـياتي لـج..


الـمزوحي:
يـمكن المشكلـه من الاشخـاص اللي وثـقـت فيـهم

تـخيل تـعيش دنيتكـ وانت ماتـثق بحـد أبد؟؟ شـو حيـاتكـ

لازم نـحط الثقـه ولكـن بـحدود

وانـت انقرصـت لأنكـ ماحطيـت حد للثـقه

والسمـوحه

[مــهــابه]

سفيـر الخـيال:
فـعلاُ الحيـاه مـدرسـه ، وكل ضربـه موجـعه فيـها هي درس لـنا
والشـاطر لي يسـتفيد منـه

وع قـولتـهم الضربـه اللي ماتعوركـ تقويييكـ..

تحيــاتي لكــ

مـهـابــه