متى تخجل من نفسك ؟؟؟!!!

[الجنيه]

السلام عليكم ورحمة الله وبركاته ....

مناسبة هالموضوع والعنوان سالفة صارت لي اليوم ...

اليوم العصر ونحن نتمشى في حديقة المنزل يتني نونو ( بنت اختي الصغنونه ) جان تعطيني حلاوه وقلت لها ميغسي ,,, مشيت خطوتين اشوفها اتيرني من شيلتي وصديت عليها جان تقول
نونو : خالوه ليش ما اتقولين شكراُ يوم عطيتج حلاوه ؟؟؟؟ بابا شو قال ؟؟؟
جان اقولها تراني قلت لج ميغسي يعني شكرا هي في الاساس ميرسي بس انا ادلعها
نونو : نحن عرب صح لازم ما نتكلم كلام الغرباء
جان يستوي ويهي هالكبر واستحيت ع ويهي يعني ياهل هالكبر اتقولي هالكلام وا خزياه ...

انزين خبروني الحين متى حسيتوا بالفعل انكم مستحين من عماركم بسبة تصرف او سلوك سويتوه ؟؟؟؟؟



بانتظار بلاويكم احم اقصد مشاركاتكم

اختكم
جن جن جنيه

[فركوشه]

وعليكم السلاااااااام..

الله يسلمج.. يووم دشيت الكليه..تدرين المدرسين اجانب.. وكله على لسانج.. قود مورنينغ ..وهاو ار يو..

عاد انا شفت استاذ العربي.. واقوله good morning sir .. جان يرد علي وعليكم السلام والرحمه..

وجان اقفط ..صدق ويهييييييييي احمررررررر.. يعني انا من كثر ما اجابل الاجانب انعوى الساني..

وتسلمين خيتووو عالموضوع..

[مــهــابه]

تدريـن ختيه الجنيه، أحيان هالكتاكيـت اللي اصغرعنا ، يستون أعقل عني وعنـج..

بشكـل عام:
أستـحي لـو كنت من اللي> يقـولون مـالا يفعــلون<
أستحـي لو كنـت أنصح ناس بالابتعـاد عن شي ولكــني انا اسويــه

اممم هاللي فـبالي الحين..

أما اني اتعرضت لموقفــ ماعتقد، او ربما خانتني الذاكره


تحياتي لج..

[أمواج]

.
.
بصــراحه اليوم إستــوالي موقــف
عمري مابنســـاه
صدق تمنيت الارض تنشــق وتبلعني
اليوم الظهر يالسه اريوس بالموتر ومرتبشــه الحبيبه
وبدوون مانتبه كانت سياره خالتي ورااي
وانا خبــر خييييييييييييير
فجــأه dooooooOM
دعمت المووتر و موتر خالتي يديد ماكمــل شهــر
الله ستر إنه اليوم السبت يعني بسير الجامعه
ولا جان حسيت بتأنيب الضمير وانا فالبيــت
.
.

[أيامي حزينه]

.

.
بصــراحه اليوم إستــوالي موقــف
عمري مابنســـاه
صدق تمنيت الارض تنشــق وتبلعني
اليوم الظهر يالسه اريوس بالموتر ومرتبشــه الحبيبه
وبدوون مانتبه كانت سياره خالتي ورااي
وانا خبــر خييييييييييييير
فجــأه dooooooOM
دعمت المووتر و موتر خالتي يديد ماكمــل شهــر
الله ستر إنه اليوم السبت يعني بسير الجامعه
ولا جان حسيت بتأنيب الضمير وانا فالبيــت
.

.

لو شفتوا شكل أمواج عقب الدعمه بتضحكون عليها

[ولد الحكومة]

موضوع مميز الصراحه . . . ويحصل دووووم في حياتنا اليومية !!!

الصراحه انا أخجل من نفسي يوم اسوي شيء غلط واعرف انه هالشيء غلط !!!

والسموووحه

[اخت اختي]

أنا أتذكر ويهي عورني في إجازة العيد الوطني.. كنت أعاشي اختي اكبيرة وكنت مصرّة في رايي.. وهي اتقولي وأقولها لا.. آخر شيء طلع كلامها الصح.. ويهي عورني!!! ومشكلتي إني ما توب.. كل مرة أعاشيها بس هي تطلع الصح..

[ألم ترى]

استحى لما اعصى ربي !
وكلامي هذا مايدل بأني ما اعصيه
لا افتخار ولا اجهار
اعصيـــه واطلب منه التوبه
فاللهم تب علينا وارحمنا برحمتك

[قــبقــوبـه]

استحـي من نفســي عنـدما أصـر على تكـرار نفـس الاخطــاء والنــدم عليــها !!
استحـي من نفســي حيــن أعــلم بأن ما أفعـله لا يــرضى أشخـاص معيــنين !!
استحـي من نفســي حيــن أكتشــف عـدم جــدوى ما أفعــله !!


شكــراً الجنيــه عـ المــوضوع ..
ربمــا ستكــون لي عــوده :)

[أيامي حزينه]

أستحي من نفسي يوم أظن بشخص ظن السوء
عقب أعرف انه مب صح

[وحي القلم]

الجنيه

أنا استوت لي شرات سالفتج

كنت أرمس اخويه الصغير جان أقول له how are you ؟

جان يقول لي نحنى مب انقليز عشان ترمسيني جيه قولي اشحالك

و الله افتشلت

[الجنيه]

أعتذر عن التأخير *_* ( وانا خجلانه من نفسي ع التأخير فديتكم لا تزعلون مني )

فركوشه

ههههه والله ضحكتيني من الخاطر ذكرتيني بعمري
يقولج من فتره كله اقول باي وباي واختي العوده تهزبني يوم تسمعني اقول باي اتقول قولي مع السلامه وانا اقول اوكي وانسى ,,و عاد البارحه قوم خالتي مقيلين عندنا وريلها شيبه يعني ريال عود وهم ظاهرين جان اقولهم بااااااااااااااااااااااي بكل حماس ما اشوفلج غير خيزرانه ع ظهري واختي العوده تضحك وبعدين استوعبت انه ضربني بسبة الباي قالي مسوده الويه الناس تقول فداعة والا تدعي بشي فيه خير هب اتقول باي ,,, آآآآآآآآآآآآخ ويهي



مهـــابه
أستحـي لو كنـت أنصح ناس بالابتعـاد عن شي ولكــني انا اسويــه ... انا بعد وايد استحي من عمري واحس بقفطه اذا سويت شي انا كنت انهى الناس عنه وايد اتصير ويايه هالحركه ...

أمواج

سلامات الغاليه ما اتشوفين شر *_* وماعليه خالتج الله يعوضها
بس جنج جوله حد يدعم في البيت ؟؟؟؟؟ كيف كيسا وليش ؟؟


اخت اختي
عشان جي يقولج اسمعي كلام الكبار ترا ما عليه غبار *__* توني مألفتنها
بس عادي تحصل في أحسن العائلات خليج كووووووووووول


ألم ترى

والنعم بالله وأكيد اي مسلم فيه ذره ايمان في قلبه لازم يخاف ربه ويستحي انه يعصيه وان صار وعصى يتوب ويستغفر ربه وهو الرحيم الغفور


ريف الصبــــا
انج اتسوين شي وانتي عارفه عواقبه وعارفه انه خطأ شي مب هين ويستحق انه الواحد يستحي من نفسه عليه ...
العفو حبوبه


أيامي حزينه
ان بعض الضن اثم وأكيد اي حد يضن السوء بالناس ويكتشف خطأ ضنه يكون شي مب سهل عليه وعشان جذه شبه ضن السوء بالاثم لعظمه تأثيره على الضان والمضنون فيه *_*

حليلها أمواج أتخيل كيف شكلها مستوي اكيد الشعر واقف من الزيغه *_* اسولف عن تزعلين


قايد الريم
تسلم وجودك الي اعطاه قيمه *_*

بالفعل أكبر عيب انك اتسوي شي وانت عارف انه غلط لكن شو بتقول طبع البني آدم جذه
الله المستعان

وحي القلم
وصدقه نحن مب انقليييييييز

[وحي القلم]

كنت أمزح وياه .. ما توقعت أنه رده يكون جذيه

عالعموم هي كانت أول و آخر مره

D=