رتوش
استلم هاذي الرساله الصامته
و ارفع عن القلب الحجاب
صورة طفل
جالس وحيد
على الرمل
عند بيتهم
ملح و بياض
على القدم
جنبه نمل
في شغل هم
ثوبه اصفر
كان ابيض
من شهر
خط بيده على التراب
يا فلان
مافي براءه فالغياب
و الوفا ماهو جواب
===
أنت يلي علمت صوتي الكلام
قلت لي أن الوفا ما به خصام
و ان خلك لي رحل رده الغرام
و ان صبرك ان هزل انظر امام
تلقى طيفي ينتظر و سط الزحام
مد كفه مبتسم مثلك تمام
بس عينه لك تقول : ابن الكرام
يحفظك ربي الذي اجرى الغمام
===
بس تعال و قل لي
بس قل لي شسوي
من تغيب اتغيب افراحي و تولي
وضيج هالعالم يرابط في محلي
و كل سواد الكون يغشاني بتجلي
و شفت كف الصمت يخنقني ويخلي
يحتبس سعدي علي ولا يهلي
و صار قلبي يخفق الخفقه و يملي
بعد هذا اتقول بعدك ما يعلي
بس تعال و قل لي
بس قل لي شسوي
===
أنت ارسمني بصفحة دفترك
زاهي الألوان تمنى تحتويه
و إلا إكتبني حرف في مشكلك
ثم شكلني بكل ما ترتجيه
ضمني مره و اكسرني معك
و افتح افراحي يا كل الي ابيه
يا كثر فهمك إلي و ما اصبرك
لي اشد الحبل انت ترتخيه
===
كل عام أنت وقلبك بألف خير
كل عام و كل دنياكم أمان
السعاده في سماكم مثل طير
طار ثم عوّد بشوقه و الحنان
اقصد اعيادك و عيدك انت غير
عوده ربي عليكم كل زمان
رد مع اقتباس
مواقع النشر (المفضلة)