مـلاك الـروووح


الصراحه كلماتج ألجمتني ..


يارب انكون عند حسن ظنكم


و الموضوع موضوعكم .. بكم هو في زياده دوما ً


ما نستغني





جـاهـز أو تـفـصـيـل



لأننا في زمن انتشر فيه مصطلح التفصيل ... (( حتى كاد أن يكون ظاهرة – ظاهرة التفصيل ))

كل شيء دخله مسمى التفصيل من الإبرة إلى الأبراج – من الجمادات إلى الحيوانات .



الغريب أن هناك من الناس من لا يقبل إلا بالتفصيل على أساس أن الجاهز كل حد ممكن يلقاه " ولو كان مسواي منه قطعه وحده " و على أساس أنا عندي و بسوي الي فمزاجي –

و على أساس أنا تعودت على جيه " و جيه أهلي ربوني " و على أساس أنا صاحبـ \ ـة ذوق عالي و غالي – نعم لهذا و أكثر فهم لا يقبلون إلا بالتفصيل ...


أصدقاء تفصيل .. جامعة تفصيل .. تخصص تفصيل .. دراسة و مساقات ودكاترة تفصيل .. تخرج تفصيل .. بمعدل تفصيل .. عشان يسوون احتفال تفصيل ..

البحث عن وظيفة تفصيل .. في جهة تفصيل .. براتب تفصيل .. ينزل في بنك تفصيل ..

سيارة تفصيل .. من وكالة تفصيل .. تمشي على شوارع تفصيل ..

بيت تفصيل .. في منطقة تفصيل .. بأثاث تفصيل .. بخدمات تفصيل ..

خطيب تفصيل .. من عائلة تفصيل .. بمهر تفصيل .. و حفلة تفصيل .. للملجة الـ تفصيل .. و عرس تفصيل .. في مكان تفصيل .. و رحلة تفصيل .. مع الـ زوج الـ تفصيل .. براتبه الـ تفصيل .. من منصب تفصيل ..


هو التفصيل في حد ذاته حلو – لأنه تفصيل " مسواي كرمالك "

بس لما يصير التفصيل هاجس و يصير التفصيل حاجز و يصير التفصيل شبح يطاردنا في كل صغيرة و كبيرة و يعكر حياتنا أو حياة أشخاص آخرين

هنا لابد أن نقف و نقرأ على المسكونين بعفاريت التفصيل آيات ..

أو نرشدهم إلى أقرب معالج نفسي ..

لأن الواقع تحكمه – مشيئة الله مصرف الأمور

و غالبية هؤلاء الأشخاص الخياليين – المتمسكين بشدة بالتفصيل – و المتعصبين لفكرة لازم كل شيء يكون مثل ما أريد بالضبط " و إلا بلاش منه " -

طلبهم للتفصيل يكون في أمور من شبه المستحيل وجود التفصيل فيها .. أو يطلبون التفصيل بتنطع و مغالاة بشكل فضييع ..


و هالأوادم ينصدمون بأن الحياة غير .. و الواقع له أحكامه " واقعك أنت صحيح تقدر تتحكم به " بس التحكم به يعني إنك بعد تطلب المعقول - و مع كل هدف اتحط أهداف ثانيه ..

و مع كل خطة لازم اتحط خطط ثانيه .. و مع كل نتيجه لازم تتوقع نتايج ثانيه ..


عشان ما يكسرك الواقع .. و تضييع عليك سنين في محاولة تفصيل ما لا يمكنك تفصيله –


الجاهز قد يكون هو كذلك شبح يسكن بعض العقول .. إلا أنه في الغالب أفضل بكثير من التفصيل

لأنك إذا قبلت بالجاهز المتوفر .. و أخذت تعدل فيه صار كأنك فصلته ...

و الجاهز كذلك ستكون أنت بالنسبه له جاهز فيعدل فيك لتصير كأنك تفصيل


المشكلة لما يكون المسكون بالتفصيل له سلطة عليك و أنت مالك سلطة عليه