شو رايكم أكمل دراستيonline؟؟

[اخت اختي]

السلام عليكم ورحمة الله وبركاته،

الصراحة.. وايد تعبت من الدرب.. وقررت أدرس online..

بس أول شيء قلت باخذ رايكم..
وإذا أي حد عنده معلومات بشأن هذا الموضوع.. لا تبخلون علي..


شكرا"

[خيال الحب]

online???

كيف يعني اون لاين؟

اي جامعه تدرس اون لاين؟

[اخت اختي]

شي وايد جامعات.. دخلت google و كتبت online universities و وايد جامعات شي..

بس أبا أكلم حد جد دارس أونلاين..

[بنت النوخذه]

ما عندي فكرة عن هالموضوع بس دام انها دراسة يعني اكيد بتفيدج انشاءالله والله يوفجج

[اخت اختي]

مشكورة الشيخة عالمرور..

[شمعة أمل]

نصيحتي لج لاتدرسين أون لاين ..

صعب تحصلين شغل لو انتي دارسه اون لاين .. محد يباج يوم جي .. لانه اكثر الأشيا الى تتعلمينها من الجامعه الى تكون مفيده هو من جو الجامعه والexperiences ويا الطلاب والمدرسين شرات التييم ووورك والبرسنتيشنات وجي .. وهذا الى الشغل يبونه اكثر .. اكثر من الثيريي الى تدرسينه ..

عشان جي مانصحج بالدراسه اون لاين .. ووحد اعرفها دارسه اون لاين وندمانه .. صدق مب شي ..

واذا الدرب متعبنج .. غيري الجامعه


والسموحه

[المنصوري]

السلام عليكم ورحمة الله وبركاته،

الصراحة.. وايد تعبت من الدرب.. وقررت أدرس online..

بس أول شيء قلت باخذ رايكم..
وإذا أي حد عنده معلومات بشأن هذا الموضوع.. لا تبخلون علي..


شكرا"

التعليــم العـــااالي غيــر معتــرف بالتعلــيــم الأون لايــــن

يعنــي تعبــــج يرووووح على بـــلاااش ,, هب معترفيــن بهالنــوع من الدراســـة

موفقــة وبالفعــل الدرب يخلي الواحــد يفكر وااااايد

..

[حصان طروادة]

شرات ما قال المنصوري ، التعليم العالي رافض دراسة الأون لاين .

أنا من الأشخاص اللي قدموا لهذي الدراسة ، لكن للأسف ما راح يعترفون بالشهادة .