[ قصر الثقـافة ]

[صريح]

مرحبــا


شحالكم ... كلن بحاله ؟


و انا راد البيت البارحه شفت المنظر و عيبني
جان اوقف واصور



::




لو دخلت ارض حلاها كالسحب
تخطف الالباب تسلبك النظر
فابتسم انته في قلب الشارقة
انت في ارض يغازلها القمر ..

يا امارة حب تتنفس عطور
لوحة والمجد بروزها بزهور
للثقافة عاصمة للعلم نور
رائعه كالحلم وابداع الشعور..

::


رايكم و انتقاداتكم
لو سمحتوا

[قــبقــوبـه]

هيه هيـــه هيـه
أول رد أول رد أول رد أول رد

اسميــه قصــر الثقــافه لــه ذكــريات عزيــزه على قــلبي ..
ماشــاء الله عليــك صــريح أبــدعت فهالصــوره انعــكاس القصــر على الارضيـه أضفـى عليه لمسـه من الشفــافيه ..
ومافــي داعــي أطـري الالــوان لانهــا تتكــلم عن نفســها ( شمــوخ وعــزه )

دائمــا بانتــظار جــديد عــدستك ..
دمــت لنــا مبــدع ..

[تنينه]

مااا شااااء الصوره وااايد حلووه


ابدعت كعادتك صريحكووو ,, وابيات الشعر جداً جميله



ما ننحرم يارب


تنيينه

[قصايد غلا]

فديـــــــــت الــشـــارجـــة

صريح بصراحه الصورة حـــلـــوة واااااايـــــــد ===> وذكّرتني بالأجانب ، دومهم في هالبقعة يصورون الديوان وقصر الثقافة والدوّار ...

[قرموشة]

عــاش ولـد دااري ~ ولـد النخـي سيتــي




الصـوره رااائــعه وجمـيييييييلـه جـدا يا صرييييح !
ومـثـل ما قـالوا الانعكــاس معطيهــا جمـاااليـــه وروعـه
تسـلم الانـــامـل والعـدســه ولا هنـــت
ابتـسم انت في الشـــارقــه


:

قرمـوشــة

[المقاتل]

شرجاوي وكلي فخر ..

اتولهت على قصر الثقافه واكيد لي ذكريات فيها

تسلم صريحكو عالصوره

.. المقاتل ..

[أمواج]

.
.
الحين كل اللي راديــن مال الشــأرجه . ؟!

.
.
الشبيبــه اللي ردوا قبلي ماقــصروا

.
.

[ذنـيـنـي]

وايد حلوة الصورة

لكنك أحس انك زايد التعريض حبه وحده
قوة الاضاءة ماكله تفاصيل المبنى

طبعا ملاحظتي ما تنقص من جمال الصوره

[الحاضر الغايب]

السلام عليكم ...

المنظر حلو ...

بس الإضاءة فيها خلل ...

موفق عزيزي

والسموحه ...

[الشحية]

[مــهــابه]

فابتسم انته في قلب الشارقة


فديـت شارقـتي انـا

الصـوره حلـوه وماعليـها زود

تسلـم يـاصريح

[صريح]

ريف الصبــــا

تسلميــن ع الرد
و ان شـاء الله كل يديد
بيكـون احلـى

::
:


تنينه

يسلمــووو ع الرد الغاوي "الوطني"



::
:


قصايد غلا

ليش بس الاجانب يصوروون
احنا عيال البلاد اولى لوول
تسلميــن ع الـرد



::
:


قرموشة

عــاشت ايـامج و يسلمـو الرد
الحلــو
و اكيـد ابتسم انت في الشـارقة



::
:


المقاتل

كلنـا لنـا الفخر .. فديت الشـارجه
و تسلـم ع المروور الغـالي



::
:


أمواج

شفتـي عــاد شكثرهم مال الشـارجه
و تسلمــين ع الرد



::
:


ذنـيـنـي

تسلـم ع الملاحظه و انا وياك
الصوره عريضه حبتيـن
تسلم ع الرد و لا تحرمنا من ملاحظـاتك



::
:


الحاضر الغايب

تسلم ع الرد
بس كيف الخلل في الاضـاءه
ممكن تشرح لي عسب اعرف الغلط فالصوره



::
:


الشحية

لول




::
:


مــهــابه

مشكــوره ع الرد

[ذنـيـنـي]

صريح

مب قصدي انه الصوره عريضة

قصدي انه الشتر الي استخدمته شوي بطيء,
يعني انه الكاميرا تمت معرضه للضوء لفتره طويله شوي و هالشي الي سوالك خلل بسيط في الاضائة

و أعتقد انها نفس الملاحظه الي يقصدها الحاضر الغايب

[خيال الروح]

السـلام عليــكم

من أصعب انواع التصوير عندي ,,
الى هو التصـوير الليلي , ياما حاولت بس الصوره ما تطلع واضحه
ومهزوزه في اغلب الاوقات ..

بس ما شاء الله تصويرك رائـع ,,

:

[صريح]

ذنـيـنـي

هيـه الحيـن فهمت
الكيمره يديده و اول مره استخدم كيمره SLR في حياتي
متعود ع الـ Digital لووول

الحيـن بنزل صوره حقك شوفها


::
:


خيال الروح

اذا ما تقدريـن اتثبتين ايدج و انتي تصورين
استخدمي الـ tripod
و ان شاء الله الصور بتطلع مضبوطه
وتسلمـين ع الرد