أبغي عيادة/مستشفى ..

[المزوحي]

المستشفيات وايدة والعيادات في كل زاوية

ولين ما أسافر للخارج

أبغي مكان أتعالج فيه والله الشافي ...

أعاني من ألم في الركبة .. والألم مب ناتج عن البرد .. لا ..

وهالألم يعيقني من ممارسة الرياضة أو حتى صعوبة في النوم ... وفي السواقة كذلك ..

أبغي أسير

مستشفى الامارات .. الأمريكي (دبي) .. وإلا عيادة .. وإلا وين تنصحوني ..

الله يبعد عنكم الأمراض ..

[حلم الطفوله]

السلام عليكم

الله يعافيك ويشافيك من كل باس

بالنسبه للعظام والمفاصل ... أشوف الناس تسير الهند ...عملياتهم ناجحه ولله الحمد

وعدهم مستشفى متخصص في منطقه ..... نسيت اسمها والله

بالنسبه لمستشفيات الدوله .... سمعت عن مستشفى الإمارات وعلاجهم الطبيعي وايد زين...

توكل على الله وسافر الهند .... دكاترتهم ممتازين والشفاء بإيد الله أكيد ...

[المزوحي]

حلم الطفولة تراني سرت الهند من سنتين ... وقال الدكتور بسوي منظار فيالركبة عسب يعرف

شو يسوي .. طبعا أو بادي سويت أشعة عندهم .. وسويت فحص دم .. يبغون يتأكدون من النقرس

والحمدلله .. مافيني نقرس ... مادري .. إذا عن برع شي تايلند بعد يمدحون المستشفى الامريكي

اللي عندهم ... والحين تراني أبحث وشفت مركز للمفاصل متخصص فيه في دبي

حتى الواحد يقول دام إنه مركز بس متخصص .. بيكون زين .. بس اخااااف منهم هاذيل

[حلم الطفوله]

إن زين شو كانت نتيجة المنظار بالهند ؟ يعني قالولك تحتاج علاج طبيعي وإلا عمليه ؟

أعرف وايدين سوو بالهند والحمد لله صحتهم ممتازه الحين

وبالنسبه لتايلند المستشفى الأمريكي والملكي واااايد زينين ... ومعاملتهم للعرب ممتازه ...

بس أعتقد إنه الهند أحسن بعمليات العظام بشهادة الجميع

المزوحي ....يا بووووك حتى أنا أخاف منهم هاذيل:)

[المزوحي]

ماسويت منظار .. لأنه الوالدة تتروع .. وروعتني .. مع إني كنت متحمس .. ومتفائل ...

تقول بيسوون منظار وفي ناس ما استفادوا منه ..

[حلم الطفوله]

إن زين شو تقرير الدكتور إلي نصحك بالمنظار...لازم عطاك رايه عالأقل

أتوقع هالألم ناتج عن احتكاك عظام الركبه ....

وبالتالي المنظار بيكون عشان يزيلون عن طريقه ترسبات هالاحتكاك ....

المهم حط ببالك الاختيارات كلها ...الهند ...تايلند ...لبلاد ... وصل استخاره وربي بيوفقك بالاختيار

[المزوحي]

قبل المنظار قال بيضربني أبره فيها عسب يخف الألم .. وطبعا هذا مؤقت

من جيه ماضربت أبره ...

وييييييييه أبغي الألم يخوز وانا أرفض ...

[حلم الطفوله]

المزوحي ... لا تبغي منظار ولا تبغي ابره ولا تبغي عمليه ...

إن زين كيف بيشخصون الحاله وبيعرفون العوق ؟

إن زين ريولك اتكتك يوم تمشي أو تركع بالصلاه ؟

إذا هيه فأتوقع إنه فيه ماي بالركبه وإذا لأ فأتوقع إنه لازم تسوي عمليه عشان ما يتآكل الغضروف

[حلم الطفوله]

المزوحي ....ليكون صدقت كلامي وتشخيصي لحالتك ....

توقعاتي كانت حسب إلي سمعته من بعض الدكاتره ...

لا تزيغ وتحط ببالك

[المزوحي]

لااااا

ماتسوي صوت ..

شوفي هنيه .. لاتخافين مب ركبي

تشوفين وين الدويرة الحمرا هنيه عندي الألم بس الركبة اليمنى ...



أحس شوية بروز لكن مايبين إلا إذا الدكتور لمسه بيعرف ... وسوت لي ألم فوق بعد

[حلم الطفوله]

شكله هالألم ناتج عن طيحه جديمه والحين بدت آثارها من يديد ... وجان تتفلسلف دكتوره حلم

إن شاء الله تتعافى وأتمنى إنه الأعضاء يفيدونك بسؤالك عن المستشفيات

السموحه منك اخوي جان طلعت وياك خبراتي الطبيه

[المزوحي]

ماتقصرين ...

ويمكن كلامج يكون صح .. ليش لا ...

[هزاايم]

المزوحي تذكرنيه بأخوي

بقولك حااجه بس هب تحبيطه مستشفى الإمارات إلي بالجمييرا هب شي يعني لاتكلف على عمرك وترووح عندهم

وربي يشفيك بس هذي حقيقه يعني هو بعده يتألم بين فتره والثاانيه

روح ألماانيااا شي دكتور اماراااتي جمال الملا هو بمستشفى رااشد ألحين وانسااان شااطر وانا اشهد له ماشاء الله عليه,, وصدق خوي ماكان يقدر يقعد لمده طويله والحين قابض لك الخط من بوظبي لدبي لكن بعده يتألم ليه لأنه معااند السفره للعلاج

انصحك ترااجعه وتشووفه

وربي يعاافيك ويشفي جميع مرضى المسلمين قل آمين

[المزوحي]

هزاايم ..

مستشفى راشد .. هممم

مادري ليش يوم اسمع عند مستشفى راشد ماعرف شو يستوي بي !

لكن أشوفج وااايد تمدحينه ، والشفاء عند الله ولو تعددت المستشفيات ..

وحده ماقصرت عطتني عنوان دكتور .. الله يبارج فيها وبسأل عن د. جمال بعد

بما إنكم اتقرحتوا عليّه .. بسأل عنهم بعد ... وبشوووف ..

مشكورة هزاايم .. والله يشفي الجميع يااارب ..

[هزاايم]

شيخي انا مااطري لك تتعالج برااشد بايع عمرك ولا باايع عمرك
ترى نريدك عضو معانا وحنا هب بايعينك لووول
انا اقولك انشد عنه لأن صدق شااطر حتى شكله يبين بيخترع"تراني رحت له وتعالجت الحمدلله وبين فتره وثانيه ارااجع لكن هب بالماانيا"يعني خذ نصيحته وهو اصلا بتشووف وش راح يكون ردت فعله لو قلت بتتعاالج برااشد