لو كان ولد البلاد صدق ما كان بيسوي جذه

[فنجان قهوة]

لا لا لا يا جماعة الخير اتقوا الله فيه ..

و اعفوا و اصفحوا ..

قطع الأعناق ولا قطع الأرزاق ...

ما يوصل لهالحد ...

اختي فنجان .. نصيحة لوجه الله و تقبليها .. ما له داعي قصة و مناحة .. و بتحصلون ان شاء الله الآيديز و بتفتكون ... و ان لا .. راجعي حد من اهلج لكن لا تحاولين تكونين سبب في تعاسة حياة مسلم آخر .. و سامحيه .. و الله كريم ..

لكن لا ان يأخذ الغل في قلوبكم ..
و التكبر على خلق الله حرام شرعا ^_^

الحمدلله من له ناس في الدنيا لكن ما ينسى ان الله قوي و قدير و كل شي ولا قطع الأرزاق الله اعلم بحاله و الله اعلم شو اللي بقلبه .. و واحد لازم يكون رحيم .. و لا ان تأخذكم العزة في امور غلط ..

و ما اشوف فيج إلا كل خير اختي فنجان .. و اتمنى انج تراجعين نفسج مليون مرة قبل لا تقدمين على اي عمل ممكن تكونين انتي سبب في شقاء الآخرين ..

و السموحة

اختيه انا ما بتمنن بس السالفه صار لها اسبوعين
يعني لو مب ظلم هذا الانسان ما كنا بنفكر في الشكوه عليه
انا سكت لان ما ابا اقطع رزقه
بس و الله اذا بتوصل لشيء ينحط في ملفاتنا ظلم ما بسكن
الساكت عن الحق شيء طان اخرس
و الله ما يرضى ان انسان يظلم نفسه
و اعتقد ابصط المصادر الي تقدرين ترجعيلها و تشوفينها هو كتاب الثاني الثنوي (التربيه الاسلاميه) فيه شرح لظلم النفس
اذا الكل سكت و قال حرام
عيل بلادنه بتدمر
لان اذا محد ادب الغلطان ما بيتم ان سان على صواب في المجتمع
و كانوا 3 شراطي و انا ما يبت طاري غير واحد ليش لان هو الغلطان
و على فكره ما نتخذ قرار الى بعد السؤال في قسم الافتاء عنده في الجامعه
يزاج الله خير