آخـــر الــمــواضــيــع

صفحة 1 من 5 12345 الأخيرةالأخيرة
النتائج 1 إلى 15 من 61

الموضوع: لو كان ولد البلاد صدق ما كان بيسوي جذه

  1. #1
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    لو كان ولد البلاد صدق ما كان بيسوي جذه

    السلام عليكم و رحمة الله و بركاته

    تخيلوا البارحه صادفني موقف مع شرطي دورية الانجاد الي في المدينه الجامعيه

    ادري العنوان غريب بس يوم بتعرفون شو السالفه بتستغربون ازياده

    زين ما سويت ويه شوارع

    يقوللكم كنت في الجامعه مع مجموعه من ربعي بعد انتهاء الدوام

    ركبنا السيايير و مشينا ورى بعض عشان بنسير مشوار كلنا مع بعض

    كان عدد السيايير مال 5 سيايير

    و نحن داخل الحرم الجامعي هرنا هرنين اونه نحتفل بيوم الاتحاد و كانوا هرنين بس

    و مشينا عادي لين البوابه .. و نحن سايرين لين البوابه الكل خففن السرعه ماعدا سيارتين بيمشون في المقدمه لان هم الي يندلوم طريج المكان الي بنسيره .. يعني سياره وقفت في المقدمه و الثانيه في النص .. عشان اذا ابتعدنا عن بعض يكون في سياره ورا تندل

    و يقوللكم الاخ الكريم راعي الدوريه .. وقفنا عند بوابة الجامعه و قال حق الشرطي الي عند الباب كانوا يتسابقون و يسوون مسيره.. جذاب جذاب جذاب

    و يه الاخ ياخذ بطايقنا و اللياسن.. قاله الشرطي الي عند البوابه .. خلاص برايهم لان هم ما حشروا الدنيا و الحين ماشيء دوام .. و من هذا الكلام .. اصر الشرطي المنحوس - ربي على من ظلمني -
    و قال لازم اخذ الايديات .. و انا ما كان عندي ايديي .. جان يقول عشان هاي ما عندها الايدي لازم تسيرون عند الظابط ( و الله لو اخته في هذا الموقف شو بيسوي ) .. قلتله اصبر شوي الوالده بتيبلي الايدي .. قال خلاص سيروا عند الظابط .. قلت يعني انت تتحجج .. و طبعا ما جاوبني .. نزلت من السياره و قلتلهم ما بنتحرك لين الوالده تي .. جان يسويلنا سالفه و اتحرطم عليها و احتشر .. و قال ماشيء وقفه وحتى اذا يابوا الايدي ما شيء فايده .. بتسيرون بتسيرون .. و اتعامل معانا باسلوب وايد استفزازي .. (و الله لو كان ولد البلاد صدق ما كان بيسوي جذه ) .. و النحيس يوم شافني ابغي اقره اسمه حط ييده على البطاقه نذل و الله العظيم

    و يوم وصلنا عند الظابط هذا الجذاب قال اشياء ما استوت .. اونه رفضوا يعطوني الايديات .. و هم كانوا يترايسوون (و الله ثلاث اربعانا عبيهن على الراس و الي مب ع الراس متنقبه .. يعني ويهنا ويه مرايس .. لا و بعد سووا مسيره بكبر الجامعه) .. جذاب جذاب و الله ما مشينه و هرنا الا من جدام w1 لين قبل ما نوصل يدار النادي .. يعني مال 20 متر او اقل بعد

    بالله عليكم هاي مسيره

    كنت بخبر ابوي عليه بس ابوي عصبي و ممكن يوقف رزق هذا الشرطي .. بس لازم يتادب هذا الانسان
    و المشكله ان الشرطه الي يم البوابه ما سمعوا شيء و لا شافوا شيء
    يعني من زود ما هرنا ما حسوبنا و المدينه الجامعيه صخه و مافيها حد.. لو كنا فعلا في مسيره جان شاف علم معلق على السياره و الله و لا سياره عليها علم
    وحتى لو كنا في مسيره ماله حق يمنعنا لان مافي قانون يمنعنا
    و المدينه الجامعيه خلال الدوام الرسمي كان فيها اكثر من مسيره
    الاولاد طلعوا في مسيره و البنات داخل الجامعه بعد سووا مسيره خلال الدوام .. يعني حشرو باقي الطالبات و الطلبه الي يدرسون

    بس صدق مثل ماقالت وحده من البنات لو كانت اشكالنا مثل اشكال البنات الي سووا المسيره اثناء الدوام لا شيله و لا عباه مثل الناس جان حشمنا و ما ودانا عند الظابط

    انقهرت وايد من هذا الشرطي و الي وياي بعد .. لان هذا الامر بياثر على سمعتنا جدم الناس .. تخيلوا ينسحب الايدي و سحب الايدي له معاني كثيره ..

    الله سبحانه و تعالى ما يرضى بهذا الامر .. و هو الي بياخذ حقنا منه .. و بيعرف ان الي بيستويله من حوباتنا .. ما بدعي على خواته ينحطن في هذا الموقف .. الله المستعان

    بس مثل ما الحق بنا الظرر الله بيعطيه على قد نيته .. تاخرنا على بيوتنا و السبه هذا الانسان .. مافي بنت .. بنت ناس اقصد .. تظهر من البيت من صباح الله خير لين عقب صلات العشاء .. يعني الي عندها عيال و الي عندها مسؤوليات كلها تعطلت و السبه هذا الانسان

    انا ما اعترض على القدر (قدل الله ما شاء فعل) بس الظلم حرام

    وايد فضفضت اسمحولي بس من غياضي
    التعديل الأخير تم بواسطة فنجان قهوة ; 01-12-06 || الساعة 08:35 PM

  2. #2
    أحسن عضو الصورة الرمزية شهوووودة الأمورة
    تاريخ التسجيل
    Jul 2002
    المشاركات
    1,421
    قوة التمثيل
    336

    رد: لو كان ولد البلاد صدق ما كان بيسوي جذه

    يحليلج والله اختي فنجان قهوه.. الله يعينج .. صرااحه وااايد انقهرت من هالشرطي الظالم ..
    جان خبرتي ابوج عليه .. اظني اللي صار لكم مب شويه ..

    الله يعينج اختي..

  3. #3
    أحسن عضو الصورة الرمزية بوزايد
    تاريخ التسجيل
    Dec 2005
    المشاركات
    1,779
    قوة التمثيل
    312

    رد: لو كان ولد البلاد صدق ما كان بيسوي جذه

    انا اقول خبري ابوج

    قهرني

    ع الاقل خليهم يحاسبونه

    ليتني كنت هناك والله يتحرى الناس ما عندهم اشغال

    اكيد كان متزاعل ويا ام العيال وردها فيكم
    ههه

    الله يعينج

  4. #4
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: لو كان ولد البلاد صدق ما كان بيسوي جذه

    يحليلكم
    ربيعتي واختها دوم يشتكون عن هالشرطه الى عند المدينة الجامعيه في الشارجه .. ويوم يخبروني المواقف صدق انصدم O_o .. وايد RUDE وتفكيرهم بايخ استغفرالله

    الله يعينكم

  5. #5
    عضو جديد الصورة الرمزية بنت النوخذه
    تاريخ التسجيل
    Nov 2006
    المشاركات
    66
    قوة التمثيل
    215

    رد: لو كان ولد البلاد صدق ما كان بيسوي جذه

    ونحن بنتم نتستر على اخطاء غيرنا ليما تنهدم دولتنا بسبة هالاشكال انا اقول خل يتادب هالخايس يباله حد يهزبه ويوقفه عند حده عشان المرة يعرف شلون يتعامل مع بنات الناس الخايس قهرني

  6. #6
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    اقتباس المشاركة الأصلية كتبت بواسطة شهوووودة الأمورة مشاهدة المشاركة
    يحليلج والله اختي فنجان قهوه.. الله يعينج .. صرااحه وااايد انقهرت من هالشرطي الظالم ..
    جان خبرتي ابوج عليه .. اظني اللي صار لكم مب شويه ..

    الله يعينج اختي..
    تسلمين على المرور الغاليه
    هيه وحليلي اغمض انا و الي وياي بعد

  7. #7
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    اقتباس المشاركة الأصلية كتبت بواسطة بوزايد مشاهدة المشاركة
    انا اقول خبري ابوج

    قهرني

    ع الاقل خليهم يحاسبونه

    ليتني كنت هناك والله يتحرى الناس ما عندهم اشغال

    اكيد كان متزاعل ويا ام العيال وردها فيكم
    ههه

    الله يعينج
    هزرك اخبر

    ههههههههههههههههههههه

    و الله ما انتبهت اذا لابس دبله و لا لا لول

  8. #8
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    اقتباس المشاركة الأصلية كتبت بواسطة شمعة أمل مشاهدة المشاركة
    يحليلكم
    ربيعتي واختها دوم يشتكون عن هالشرطه الى عند المدينة الجامعيه في الشارجه .. ويوم يخبروني المواقف صدق انصدم O_o .. وايد RUDE وتفكيرهم بايخ استغفرالله

    الله يعينكم
    مشكله هذيل الشراطوه الي في المدينه الجامعيه
    يتعاملون و يانا جنهم يتعاملون مع جلاب
    اظن ان الي في المدينه الجامعيه شهاداتهم اعلى من شهادة هذيل الشراطي
    عشان جذه يحسون بالنقص

  9. #9
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    اقتباس المشاركة الأصلية كتبت بواسطة بنت النوخذه مشاهدة المشاركة
    ونحن بنتم نتستر على اخطاء غيرنا ليما تنهدم دولتنا بسبة هالاشكال انا اقول خل يتادب هالخايس يباله حد يهزبه ويوقفه عند حده عشان المرة يعرف شلون يتعامل مع بنات الناس الخايس قهرني
    الصراحه حمستوني

    بس انا ما قلت حق الوالد البارحه
    اذا خبرته اليوم اخاف تستويلي سالفه

    بشوف جان ما اخبر حد من عيال عمتي و لا حد من خوالي يباله الصراحه

  10. #10
    عضو متميز الصورة الرمزية نور الإيمان
    تاريخ التسجيل
    Dec 2005
    المشاركات
    787
    قوة التمثيل
    262

    رد: لو كان ولد البلاد صدق ما كان بيسوي جذه

    سلام عليكم ...

    انا اقول لو تهدون الوضع احسن ... لكن ما ادري ليش ع الرايح و الراد تقولون : لو كان ولد البلاد ما بيسوي جي !! و شهادتنا اعلى و هم عندهم نقص!!

    سبحان الله .. هالأمور كيف جي مرتبطة؟؟

    يعني ما يصير نروح و نرد و نخلي اعمارنا انه نحن بعيدين كل البعد عن الغلط !! و كلنا عياال البلاد ما شاء الله مثاليين و كاملين - و الكمال لله - !!

    الله اعلم بحال هالشرطي - ما اخفيكم انه ملقوف - لكن سبحان الله مثل ما قلتوا - قدر الله و ما شاء فعل -

    و مب شرط يكون لطيف معاكم إلا بعد ما تشيلون العبايات و الشيل و مب شرط انه يكون شرس معكم بس لأنه شافكم متغطيات و متحجبات ..

    المفروض انه ما نحط هالأسباب الـ غير منطقية - بالنسبة لي -

  11. #11
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    اقتباس المشاركة الأصلية كتبت بواسطة نور الإيمان مشاهدة المشاركة
    سلام عليكم ...

    انا اقول لو تهدون الوضع احسن ... لكن ما ادري ليش ع الرايح و الراد تقولون : لو كان ولد البلاد ما بيسوي جي !! و شهادتنا اعلى و هم عندهم نقص!!

    سبحان الله .. هالأمور كيف جي مرتبطة؟؟

    يعني ما يصير نروح و نرد و نخلي اعمارنا انه نحن بعيدين كل البعد عن الغلط !! و كلنا عياال البلاد ما شاء الله مثاليين و كاملين - و الكمال لله - !!

    الله اعلم بحال هالشرطي - ما اخفيكم انه ملقوف - لكن سبحان الله مثل ما قلتوا - قدر الله و ما شاء فعل -

    و مب شرط يكون لطيف معاكم إلا بعد ما تشيلون العبايات و الشيل و مب شرط انه يكون شرس معكم بس لأنه شافكم متغطيات و متحجبات ..

    المفروض انه ما نحط هالأسباب الـ غير منطقية - بالنسبة لي -
    السلام عليكم و رحمة الله و بركاته
    اهلا اختي نور الايمان
    الاسباب الغير منطقيه الي ترمسين عنها
    حتى الدكاتره الي سمعوا بالسالفه عطوا نفس الاسباب
    و الحمدلله نحن مب من الي يقذف الناس و لا يتهم الناس اتهامات كاذبه
    و الله المستعان
    لو كنت بشهر فيه كنت بكتب اسمه
    و كنت ببلغ عليه و بخرب بيته
    بس عقاب ربي اكبر
    لان الله العالم شو بيستويبنا يوم الاثنين في الجامعههاي سحب للايدي من الشرطه مب شيء هين يا اختي الكريمه
    المفروض كان يعطينه مخالفه اذا فعلا سوينه شيء بس هو لان ظالم سوابنا جذه

  12. #12
    عضو متميز الصورة الرمزية نور الإيمان
    تاريخ التسجيل
    Dec 2005
    المشاركات
    787
    قوة التمثيل
    262

    رد: لو كان ولد البلاد صدق ما كان بيسوي جذه

    لا افا ... تفهموني غلط ^^

    الله يسلمج انا ما قصدت تشهير و ما إلى ذلك .. بس كنت اقول انه مثل الأسباب اللي ذكرتوها مب منطقية - بالنسبة لي يعني -

    و ان كان سحبوا الأيديز .. دخلوا أهاليكم في الموضوع .. لأنه المشكلة راح تكبر ..

    و ممنوع الزعل مني مرة ثانية يا فنجان

  13. #13
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    على فكره هو مواطن..

  14. #14
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    اقتباس المشاركة الأصلية كتبت بواسطة نور الإيمان مشاهدة المشاركة
    لا افا ... تفهموني غلط ^^

    الله يسلمج انا ما قصدت تشهير و ما إلى ذلك .. بس كنت اقول انه مثل الأسباب اللي ذكرتوها مب منطقية - بالنسبة لي يعني -

    و ان كان سحبوا الأيديز .. دخلوا أهاليكم في الموضوع .. لأنه المشكلة راح تكبر ..

    و ممنوع الزعل مني مرة ثانية يا فنجان
    لا افا ليش ازعل الله لا ييب الزعل بينا ان شاء الله
    و اذا عن تدخل اولياء الامور السالفه بتكبر وايد
    و في منا ابهاتهم دكاتره في الجامعه و منى ابهاتهن من اهل المناصب الكبيره في الدوله
    يعني السالفه بتكون خراب بيوت حق الشرطي الي في الدوريه و الظابط و ادارة الجامعه
    و انتي اتعرفين الابهات عيالهم دوم معصومين من الغلط و الشيء اذا بيمس عيالهم بيجلبون الدنيا عسب يطلعون عيالهم من السالفه
    و انا عن ابوي اذا خبرته السالفه بتوصل للشيخ يعني وايد بتكبر السالفه

  15. #15
    عضو متميز الصورة الرمزية فنجان قهوة
    تاريخ التسجيل
    Sep 2006
    المشاركات
    686
    قوة التمثيل
    248

    رد: لو كان ولد البلاد صدق ما كان بيسوي جذه

    و الله المستعان ليوم الاثنين و شو بيستوي بالسالفه .. اذا الامر ادا لدخول اولياء امورنا
    الله يكون بعون الشرطي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. دمعـــــــــــــــــــــــ أمـل ـــــــــــــــــة
    بواسطة بن دبي في المنتدى واحة القصص و الحكايات
    مشاركات: 390
    آخر مشاركة: 31-07-08 ||, 06:00 AM
  2. وللأيام قراار اخر ..
    بواسطة ماوحشتك في المنتدى واحة القصص و الحكايات
    مشاركات: 283
    آخر مشاركة: 06-06-06 ||, 07:57 PM
  3. جدييييد emaraaaaty صفحة ألم
    بواسطة شمس دبي في المنتدى واحة القصص و الحكايات
    مشاركات: 247
    آخر مشاركة: 03-02-06 ||, 07:31 PM
  4. شخصيات في ذاكرة التاريخ
    بواسطة العيناويه في المنتدى الواحة العلمية
    مشاركات: 19
    آخر مشاركة: 22-09-04 ||, 08:24 AM
  5. ولد العم..
    بواسطة الأميره عناده في المنتدى واحة القصص و الحكايات
    مشاركات: 31
    آخر مشاركة: 12-10-03 ||, 05:29 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •