هوم ديزاين

[المزوحي]

السلام عليكم

اش حالكو وجيف انتوا .. اكيد تحبون تساعدوني صح ؟؟؟؟ قولوا هيه

الله يسلمكم .. أبغي منكم أفكار .. مساعدة ... بحث .. وشي حلو وبسيط .. ديزاين لحمام ( وانتوا بكرامه )

وغرفة النوم ...

يعني حد منكم يبني بيت أو بيبني جريب .. حد عنده افكار بشكل عام .. عند المحلات في دبي

مال المطابخ .. السيراميك .. الحمامات .. الخ

على سبيل المثال .. فريدوني معروف واسعاره لو غالية نوعا ما .. بس عنده كوالتي ...

عندكم الشايع ... س.س لوتاه ... الـــخ

حد مر وماخذ أفكار عند المحلات والاسعار .. لا يبخل علينا

يعني مثلا
الخلفية اللي ورا المغسلة عيبتني .. اقصد السيراميك المقطع ... لكن البانيو ماعيبني

[IMG]

يعني ابغي اسوي وقافي .. او شاور كابينه ..

مثلا المغسلة ابغي لها كاونتر عسب اصف اللي ابه او شي مشابه له







الشوار بهالطريقة



اظن فهمتوا مطلبي .. ومشكورين

[المزوحي]

يعني لو سويت مثل ما ابغي .. كأنه اللي صار في الصورة تحت .. ياحبذا لو الكاونتر اعرض ..

[شمعة أمل]

همم نحن يالسين نبني بيت .. بعدنا مادخلنا في سالفة الانتريرز بس عندنا فكره

بانين الحمامات على اساس انه نفس ممر في الحمام يكون فيه الشاور .. وفي النص الحوض .. وفي البدايه المغسله ومجابل المغسله نفس همم نفس جي طاوله وكرسي ومنظره حق الميك اب وجي< حمامي جي مصممينه

انا مفكره اخلي حمامي بيج .. والمغسله وجي رخام اسود

يعني اباه مودرن .. اظني ابويه جي بيسوي بعد

بس اعرف انه خواتي يبون حمامهم انتيكييي


غرف نوم
حجرتي ســــــر ومابخبر حد


مسألة اثاث ماعرف .. لانه حق هالبيت بيبون اثاث من برع


لكن البيت الى نحن ساكنين فيه .. اشترينا كل شي من الامارات.. بس ماعرف شو اسامي المحلات

[المزوحي]

شمعة أمل ...

ترى أنا أقول أبغي رف عود حق المغسلة ... ومب شرط تكون موديرن وزجاج وشكل بس

أبغي كوالتي بعد .. وأحط مستلزمات الحمام ..

وهو أحسن مهندس ديكور حق هالامور .. يعني هو يحدد وين تحطين الشاور مثلا في الحمام ..

الغرفة سر .. همم اعترفي بسرعة

[شمعة أمل]

صور...

[شمعة أمل]

ستايل اختي جي .. انتيكي من الخاطر

[المزوحي]

مشكورة على الصور ....

همم الانتيكي .. أحس به وااايد فخم .. امل من هالنوع ...

[المزوحي]

شو رايج بالمغاسل جيه

[بنت النوخذه]

اخوي نحن حاليا نبني بيت بس بعده ما تأثث بس تعرف في ب هوم سنتر ووايد اماكن فيها اشيا غاوية اذا بتشوف في بامارات مول وايد محلات اثاث تعرف اذا تبا تأثث من رايي انك تاخذ الاثاث من كذا محل يعني مثلا الشبرية والخزانة من مكان واحد اما الحمام فمن مكان ثاني مممممممم انت تروم تضيف بعض الاشيا بس مستحيل تشوفها بمحل او بمكان واحد وطبعا اللون يلعب دوره والبني اكثر فخامة

واذا تبا بيي باثث لك خخخخخخخخخ امزح

[المزوحي]

أكيد بيكون من محلات مختلفة .. يعني انا مابحصل السيراميك في هوم سنتر ...

أما إذا تطرين إنه .... ممكن ناخذ السيراميك من محل والمغاسل من محل .. هنيه ممكن نغير

[بنت النوخذه]

أكيد بيكون من محلات مختلفة .. يعني انا مابحصل السيراميك في هوم سنتر ...

أما إذا تطرين إنه .... ممكن ناخذ السيراميك من محل والمغاسل من محل .. هنيه ممكن نغير

لا انا اقصد الاثاث اما السيراميك فما عندي فكرة عنه ووين افضل نوعية

[شمعة أمل]

مانصحك الصراحه بمحلات نفس هووم سنتر ولا ايكيا ولا شي جي .. هم زينيين وكل شي .. بس مليون شخص بيكون عنده نفس الشي .. لو تبا شي غيير محد عنده .. من ناحية الحمامات وجي .. سير الشارجه .. عندهم مليون الف محل .. واسعارهم رخيصه بعد

احيد يوم كنا نسير عند اختي في المستشفى في الدرب مريت على قل 50 محل حمامات .. ومن الدرايش شفت اشيا حلووه

واذا تبا شي مودرن من الخاطر

سيير معرض يخووت .. وخذ مجلتهم .. واتصفح .. بتجوف حمامتهم حلوووووه .. اسألهم من وين يشترون هالاشيا من ناحية فضوول xp واذا يخبروونك سير هالمحلات .. لانه عندهم اشيا تخبل!!

[المزوحي]

شمعة أمل

المحلات اللي في الشارجة مب دوم تحصلين عندهم أرخص عن دبي

في محل في الكرامة .. إذا تعرفين وين الدكتور كلداري .. صوب صيدلية ابن سينا ..

في محل يبيع رخام وجرانيت .. شفت نفسهم في الشارجة المتر 500 وفي دبي 450

نفسه بالضبط ونفس البلد ...

بس صدق الواحد يدور ... الواحد بأفكارة يقدر يغير مب شرط نفس النوع

[شمعة أمل]

صح صح
نصيحه
لاتحط رخام في الحمام .. يعني هالرخام الى يلمع نفس الى في ارضية البيت .. لانه خطر .. وايدين يموتون والسبب هالرخام في هالحمام .. يتزحلقون ويكسرون راسهم =s
خذلك ارضيه خشنه للحمام

[المزوحي]

هيه أكيد

شمعة أمل ماباخذ رخام