هوم ديزاين

[المزوحي]

انا عيبني اثاث عند مارينا أثاثهم كله خشب بني

[نجمة دبي]

السلام عليكم

كيف الحال؟؟

بغيت أأثث غرفتي .. لكن ماعرف كيف اوزع الاثاث

بغيت مساعدتكم ^_^



اثاث الغرفه:-
السرير + المستواليت + التلفزيون + ثلاجة صغيره + مندوس كبير
تقدرون تضيفون الاشياء اللي تشوفونها مهمه وحلوه .. كنوع من الكماليات ..

غرفة البنوته:-
منز + كبت طويل + كبت بو سدات
وهني بعد تقدرون تضيفون اي شي ..

الدريسنغ روم:-
كبت ( تصميم ) + علاقه

الحمام (وانتوا بكرامه ):-
افكر بـ جاكوزي
شرات هذا لكن اصغر شوي وسمبل


انتظر تصميماتكم وارائكم ^_^

وشكرا

[قصايد غلا]

نجمة دبي : الثلاجة حطيها في كبت صغير في الدريسنغ روم =)

[نجمة دبي]

ممممممممم

مب كأن بعيد شوي!!

[نجمة دبي]

محد عنده افكار؟؟

:$

[ايه احبك]

ابباااااااااا هالاثاث ويا الول بيبر



او ها


حد عنده فكره وين ممكن جي احصل

[المزوحي]

ايه احبك .. في محل يفصلون كراسي على الطراز المصري .. بحيث الكرسي يكون جيه شكله وتختارين القطعه اللي

تبينها ويلبسون الكرسي، ويمكن تحصلين عندهم ورق الجدران ..

أما باجي الأثاث يبالج تدورين وتركبين ..

[وحي القلم]

ايه أحبك

روعه ديكور الحجره الأولى

[ايه احبك]

المزوحي وين هالمكان الي يسوي و كم المده ياخذ لنه انا ابي شي في دبي وياخذ اسبوعين بس

شكرا وحي ^-^ على الله احصل شراته

[الـيـاه]

نجمة دبي : وزعتلج الاثاث مادري لو بيعيبج والا ... بشرحلج ليش حطيت كل شي في مكانه
بس سويتلج قبل ما اعرف انج مابتحطين كبت فالحجره فـ حطيت كبت المشكله ماعرف حجم الحجره

التوزيع



1 - الكبت ع اليمين لو ما تبين كبت تقدرين تستغلين هالمكان نفس ما قلتي المندوس وجي بس احلى بكبت لان اليدار عود + لا تحطين الثلاجه فالحجره شكلها مب حلو .. دوريلها مكان فالدرسنج روم

2 - التلفزيون لازم مجابل الشبريه .. حطي جدام الدريشه طاوله مستطيله و رفيعه حق تلفزيون
+ جدامها طاوله صغيره حق سناكز وكنبه مجابله التلفزيون بس ما تكون عاليه بحيث انه لو كنتي ع الشبريه تقدرين تجوفين!
والكنبه تكون بهالحجم بس تكون مجابله التلفزيون



ولو ما عيبج وتبين تغيرين مكان الشبريه بس ما بتقدرين تساندين التلفزيون على يدار
لانه الثلاث ايدارات الباجين محجوزين *الاول حق الكبت* و *الثاني حق ميز تواليت* و *الثالث صوب الدريشه* ولا تنسين انه لازم يكون مجابل الشبريه
في فكرة ثانيه مسوينها في حجرة عنا ... انه حاطينه مجابل الشبريه على طول بما انه ورا مافي مكان ( حمام وكبتات )
نفس هالصوره .. وبجي مكان الدريشه تقدرين تحطين كرسيين مجابلين بعض وطاوله من بينهم



وعلى فكره انا حجرتي نفس اللي وزعتلج اياه .. يلسة التلفزيون بروحها و ورايه تكون الشبريه

.
.
.

[تحفه]

^واااااايد حلوه غرفتج الياه .. وولكم باك

[الـيـاه]

^ فدييتج! .. لا لا هذي مش غرفتي لوول .. غرفه انتقلو منها قم امي

هذي غرفتي حطيتها من زمان فموضوع فالدايري مالي

[تحفه]

حلوه غرفتج استايل انجليزي جديم ;)
بس انا اميل اكثر حق غرفه قوم امج الجديمه لول



ابا درسنغ روووم جيييه

[المزوحي]

حد شاف أثاث فنان ، أبغي أفكار حق حجرتي اليديده !

[نجمة دبي]

الياه ^_^

ما شاء الله عليج

وايد حلو الترتيب .. عيبني كل شي

بس احس الكبت الخارجي مممممم زياده

يعني يبالي احط شي ثاني مكانه ..

والصراحه ما شاء الله عيبتني غرفتج .. احب هالاسلوب .. على قولة تحفه .. انجليزي جديم ^_^

شو رايكم كل وحده اتصور غرفتها عسب ناخذ افكار من بعض ؟

فكره حلوه

مشكووووره الياه .. وان شاء الله بعد ما تزهب الغرفه بحط لكم الصور