هوم ديزاين

[شمعة أمل]

مايهزك ريح
هالكورنر كله درايش؟؟ أحس صعبه . ليش ماتسوي roman blindes


--------------------

أنا ماصدقت اليوم يوم نشيت وراسي مايعورني.. والحين عشان هالهنود رد يعوني
مادري هل هو غبـاء منهم؟ ولا شو بالضبط
يعنييييييي انتو جالعين رخام وانا قايله أبا رخام .. فـ كيف هاللخبطه كلها استوت؟! استغفرالله.. تخلف على الأصول

شي غريب الصراحه
مطرشين سامبلز بيتنـا، common sense بيطرشون سامبلز رخـام صح؟؟ *صح*
وانا أولريدي قايلتلهم كاشي الحمام عندي الى أباه

تعرفون شو طرشوووو.. والله خاطري افلعهم

مطرشين سمبل كاشي عنقاش لـ حمامي اونه يمكن يعيبني.. ومطرشيلي سامبلز كاشي على شكل رخام منقع بس مب رخام!؟!؟!؟!!؟!!!!!!!!

قالتلي ماما يمكن لانه اصلن أرضيتج مب رخام وكاشي؟
وانا لاااااااااااء رخام ونص بعد.. سرت وراويتها سامبل من الرخام المجلووع.. قلتلها شوفي رخام


والأخوان شو مسوييين؟!
لانه أرضيتي معظمها خشب والاطراف رخام ، ف تحت الخشب كانو حاطين شي.. ويوم شلوو الرخام حطووو سمنت بداله عشان يكون على لفل هاللشي المحطوط تحت الكاشي
واليوم يوم قلت حق الريال انا قايلتك رخام يايبلي كاشي ليش؟!
جان يقولي.. رخام مايستوي!! لو احطلج رخام مابترومين تفتحين الباب لانه اولريدي حطينا سمنت

ياسلاااااااااااام

عصببببببببت والحين مخلتنهم يردون يكسرون الأرض من أول ويديد!!!!!! اففففففف يرفعون ضغطييييي





استغفرالله

هالانسان مادري شو يبا يسوي بالضبط مادري ليش يبا يعنقش حجرتي ويبا يخلي شكله جنه حجرة هنود في السطوه

[شمعة أمل]

توني أقدر حجرتي والله مكان حجرتي شو حلو وهادي
من انتقلت لهالحجره الثانيه كل يوم راسي يعورني ومارقد

الحين يوم برد لـ حجرتي بقدرها وبعامل حجرتي أحسن معامله

[مايهزك ريح]

^
حاس بج .. صدق اتبهدلت بدون حجرتي .. مكاني غير ^_^

هيه رسيت على ستاره رومانيه عشان ما نفع ويايه اي شي .. يوم بتركب براويكم كيف سووها !

[شمعة أمل]

ضغطي مرتفع
العمال مايو اليوم!!!!!!!!! على كيفهم :<
امي تقول شكلي خوفتهم لول
أتمنى انهم مايو عشان الزحمه... لكن لو طلع عشان كسل ياويلهم :<

[المزوحي]

عندنا مطبخ لونه رمادي والكبتات حمر، الحينه لو بغينا مطبخ بلون رمادي ش يركب وياه غير الحمر، وشو رايكم بالكحلي ؟؟

[شوق القلوب]

كحلي ورمادي... بيطلعون وايد غامجين مع بعض ! الرمادي يباله شي يفتحه

[المزوحي]

شوق، ماعندكم افكار، الرضيعه تقول حلو طالع، لكن اقترحوا لون ثاني !

[شوق القلوب]

الرمادي مثلا يباله لون فاتح.. اصفر ليموني هادي..

او ممم.. تركواز..

[طير الحب]

الياه...حاطه ببالي اسوي غرفة النون ك>ا لون او بيكون صبغ وورق جدران ابا ستايل يكون دافيء وحميم مب عصري...على عكس الصاله بيكون استايلها عصري وجدا حابه الاسود والابيض وبدخل عليه احمر او رصاصي ويدار واحد بركب عليه سيراميك جشن عاد ان شاء الله القى الي اباه.

[المزوحي]

شوق الارضيه بلون رمادي، واخترنا كحلي حق الكبتات ( على الينب ) باجي نركب لون الكبتات، اقترحت الاصفر

بس مايبون هاللون، أونه برتقالي بيطلع أحلى .. بس ما اتخيل !

[شمعة أمل]

المفروض حجرتي تكون جاهزه اليوم :s

لين الحين حجرتي كلها سمنت.. مافيها شيييي >_<
شكلي بعيش في حجرة الظيوف لـ شهر زياده!

[طير الحب]

شمعه...الله يعينج...انا ما اثق بالمقاولين يوم يقولون لج بنسلمج في هالوقت

[المزوحي]

بفصل chest ( تسريحه ) شو رايكم بالموديل عندكم افكار ؟؟

وبالنسبة لــ Dressing Room على شكل L فشفت حركه في ايكيا يمكن تعرفونها وجديمه، إذا وصلنا في الزاوية

يعني كبتات صوب اليمين وصوب اليسار والملتقى يكون مثلث .. فعسب مانخسر هالنقطه نسوي باب من غير

[شمعة أمل]

اناااااا ماعرف شو أقول


حمامي مسوينه غلط في غلط :(

امي فهمتني غلط فـ شرحت للمقاول غلط وهو شرح للعمال غلط..فـ الحمام كله غلط في غلط

مع انه شكله زين.. وانا متأكده بيكون حلو ويا الأضائه الصح.. بس أحسه صغر وايد وايد





بعده مب مخلص.. بس مادري.. مصدومه ماتوقعته جي


ماقول انه مب حلو

لا طالع حلو

بس غامج

الحينه الإضائه كلها لازم تتغير.. اولريدي سويت ديزان حق الإضائه..وعطيته للمقاول >_<
شكلي الحين لازم ازقره.. واسوي شي ثاني
لانه روحه اليدار الى في الموزاييك يباله 3 ليتات سبوت لايت عشان يطلع حلوو .. وليت فوق المغسله.. وليت فوق الرفوف وليت ثاني اكستراا

[المزوحي]

الحينه وين الموزاييك هو الشاور نفسه وإلا ؟