هوم ديزاين

[شمعة أمل]

نفس الحاله هنييي
اذا تستخدم كبتات مبندة بيصغّر المكان وايد

[قصايد غلا]

أنا عندي أفكار للستاير ، بس أبا حد يطبّق لي شي في بالي

بس لو ما لقيت حد يطبق لي اللي أباه بستخلف الله ، و بدوّر شي ناعم

+

أبا ستاير حق الشبرية ==> أبا شي حلو

[شمعة أمل]

اذا تبين حد (يضبط) الشي عدل عدل... لازم تسيرين هالمحلات الصغيرونه مال اي كلام.. شي شارع صوب حياة الريجنسي كله محلات ستاير.. المحلات جي قرمبعه مال سطوه بس من ناحية الشغل.. توب! بس لازم تراقبينهم عدل..
لكن لو تسيرين محلات راقيه مال ستاير.. كجره يخربولج كل شيي .. انا وايد وايد عانيت ويا فشوري

[شمعة أمل]

حبيت محل Bo Concept تقدرون تكبرون الاشياء ولا تصغرونها ولا تغييرون اللون

من الشباري الى حبيتهم هي في النقطه الرابعه.. الحجره البيضه.. بس باللون الأسود!

http://www.boconcept.ae/Default.aspx?ID=72394

[مايهزك ريح]

شمعة أمل ..
اذا يعيبج شي عندهم على طول خذيه لا تسوين مثلي ..
كل يوم أاجل .. لين ما طار الTV stand اللي كنت اباه والحين يالس ادور .. شي للغرفه اللي اشتريتها >_<
حتى الكراسي اللي كانت عايبتني عندهم طارن لأنهم كانوا مسوين تنزيلات في رمضان .. !

[شمعة أمل]

^
لا عادي... ترا يستوي تطلب من عندهم D: يعني مب شرط اذا الشي مب موجود ماتروم تحصله نفس باقي المحلات.. هم يقدرون يسولك واحد يديد.. بس لازم تختاره من الكاتالوق مالهم
الشبريه الى انا اباها مب موجوده في الشوو روم.. بس الحمدالله عندهم في الستوك فـ مب لازم اتريا
بس نحن بناخذ سوفا من عندهم بس بنكبـرها وبنزيد شي عليها.. فـ هذا طلبيه شهرين

ومب أكيد آخذ هالشربيه فـ شبريتين بعد حبيتهم.. بس اتريا اشوف تصاميم حجرتي من المصمم وبعدين بختار شو يناسب

[شمعة أمل]

سؤال 1

من وين أقدر اشتري (ورق جدران) (wallpaper )؟ ويكون في مكان هم يركبونه




سؤال 2
لاحظت انه شي (trend ) .. تشترون سيراميك (كاشي) وتركبونه ويطلع شكله رخام؟.. شفت في Arte casa يبيعون panels كبار.. ترومون تحطونهم.. فـ ماشي فراغ بين الكاشي والثاني

مشكلتي.. ماحب الكاشي.. لانه ماحب يوم الكاشي شكله كاشي.. يعني المربع يكون محدد وجييه! .. بس ابا شي مات (مافيه لمعه) ..*ارمس عن الحجره مب الحمام* .. ولاحظت انه الأشياء المات تكون كاشي ومب رخام.. الا لو حصاه




سؤال 3
شو ممكن أحط عـ اليدار غير صبغ ولا ورق جدران ولا خشب؟؟ حد فيكم جرب شي؟؟




سؤال 4
شو رايكم في الشباري الى بدون headboard .. انا متخبله عليهم! بس امي مب مقتنعه فيهم

[مايهزك ريح]

شمعة أمل ..
المشكله انه كل اللي انا اباه وقفوه .. عشان جيه ما اقدر اطلبه .. !

السؤال الأول .. بسأل وبرد عليج لأني انا طالب صبغ مب ورق جدران !

السؤال الثاني ..
انا شاري منه من محل اسمه التجهيزات المتحده .. في شارع المرقبات عدال الشايع ..
اتقولين له ابا جرانيت ( اللي يشبه الرخام ويكون زيرو جوينت ) وبيطلعلج اياه .. تقريبا الأسعار من 70 إلى 100 درهم للمتر !
انا اللي ماخذنه يشبه الكريما ماربل بس فاتح اشويه .. !

السؤال الثالث ..
واحد من الصباغين اللي سووا لي كوتيشن عنده شي يديد .. يحط ورق خاص مثل ورق الجدران .. ويصبغ عليه ألوان
فيه مثل النقشه ..
وبعد مري على ID Design عندهم صباغين داخل وصبغهم رسم .. !

السؤال الرابع ..
اذا بتحطين الشبريه بدون هيد بورد .. لازم اتكونين امسويه حركة في اليدار اللي بتكون عليه الشبريه ..
مثلا جلد مع خشب على شكل مربعات .. ويكون لين الصقف .. او مخمل مثل شباري The one ..و Home option

مري على هالمحلات ..
The One (مول الإمارات او شارع جميرا )
Home Option (الكرامه في نفس شارع البريد )
2XL
في ( uptown مردف أو مركز الغرير )
Unique ( العين مول )

بتحصلين وايد افكار واشياء يمكن تعيبج .. من ورق جدران .. اصباغ ..
انا الحين عندي خبره في الأثاث لأني يالس القط حق حجرتي .. ^_^

وفي محلات ثانيه بس السعر مبالغ .. يعني شبريه بخمسين ألف ..او اشويه اقل !
- quattro ورى مفروشات الملكة في زعبيل عنده اشياء غريبه !
- يلسه ( عدال بنك الإسلامي وين لامسي بلازا
وعداله فندق عود .. بس انمسح اسمه من مخي مع اني اطوف عليه دايما ) >> تذكرت الفندق اسمه موفنبيك كيف نسيته !
افكار ..
http://www.homegallery.ae/eng/items.asp?category=2

[شمعة أمل]

ID Design تقصد الى في مول الامارات ولا الثاني الى صوب المطار؟؟


the One يته فتره استخف كل شي أسود في أسود بس الحينه يايب اشياء حلوه.. شفت شبريتين حلوين عندهم

[مايهزك ريح]

ID design في مول الإمارات ^_^

وعلى طاري الأسود تراه الموضه احين في كل مكان لازم اتحصلين اسود .. او اسود واحمر

[طير الحب]

ما يهزك ريح من فترة كنت اسأل عن الجرانيت او الرخام لاني ما احب السبيس بين قطع السيراميك...


شو رايكم في الصاله اسويها بالونين الابيض والاسود وممكن ادخل الرصاصي واللاحمر كاكسسوريز...بس خاطري السقف سكون غامق وفيه سبوتات شو رايكم........؟



ابا اشتري المطبخ من ايكيا ويكون بني محروق..؟

[مايهزك ريح]

الرضيعه شاريه المطبخ الداخلي من ايكيا ولونه بني محروق بس مادري اذا بعده موجود ..
وتقدرين تطلبين المصممين اللي عندهم عشان يصممون لج المطبخ كيف يتركب .. !

[عمة العيم]

ويني عنكم

سوبر عموه يتكم خخخخ

ترا انا اختي تصمم البيوت يعني تصمم الاثاث هي ترسم لكم بما انها رسامه
ترسم اللي تبونه مع الالوان و كل شي واضح

و بعد تنفذ التصاميم جان تبون هي تتعامل ويا ناس يصنعون الاثاث و هيييك

لو تبون تشوفون شغلها خبروني بعطيكم سايت فيه صفحه خاصه لها

و انا متاكده انكم بتحبون افكارها

ان شاء الله اسير بيتي بخليها تسويلي من الالف الى الياء (^_^)

...

[شوق القلوب]

السلام عليكم...

بغيــــت اسأل.. شورايكم انحط فرن كهربا ولا غاز للمطبخ الداخلي ؟؟

[المزوحي]

شوق القلوب، الرضيعه حطت فرن كهرباء في المطبخ الداخلي، وتلعوزت من ناحية الفرن، اقصد يوم تبغي تخبز شي

لأنه تقول مايضبط وياها ... بس هل هي ماعرفت للفرن وإلا هو جيه .. ماعرف !!

ممكن تاخذون فرن غاز صغيروني دق داخل ...