هوم ديزاين

[مايهزك ريح]

ليش ما تسوين باب الحمام زجاج بس المضبب .. !
فكره يديده وتخلين الإطار المونيوم اللي مثل الكروم .. شفته في فندق وكان شكله فنان ..

وبالنسبه للدرايش للي صعب اتحطين عليهن ستاير انا افضل الزجاج المضبب بدال المعشق .. عشان ما تتقيدين بالألوان !

وواحد من ربعي يمدح تامكو ..مسوين عنده الزجاج .. لدريشة الدري .. وطالع رهيب ..

رقمه الريال مال تامكو :0504380700 >> ما اعرف اسمه !

[شوق القلوب]

السلام عليكم..

ام عبادي.. احنا امسوين الزجاج المعشق عند الغسان للديكور.. في الشارجه.. مكانهم اذا انت جنج سايره شارع الوحده.. بييج مركز الذهب على ايدج اليمين..وهناك تقاطع.. خذي يمين.. امشي شوي بتحصلينه على ايدج اليمين.. شغلهم حلو و مرتب..

[المزوحي]

تمام ما يهزك ريح فكره حلوه ...

طير الحب باب ألمونيوم أوكي

[طير الحب]

مايهزك ريح....الحمامات مثل ما قلت زجاج مضبب والاطار المونيوم بس بني محروق عسب يوالم لو باب الغرف واليهال اخترت لهم زجاج مضبب عليه سمج لانه البوردر بالحمام سمج.


بالنسبة للدرايش الصغار شفت زجاج شكله جيه مهشم وايد حبيته وانا بعد شراتك ما احب المعشق ....شكرا وايد


شوق شكلي بغير عن المعشق بس اذا عندي وقت بشوف شغله يمكن احطه في مكان غير هالدرايش

المزوحي...مشكور واذا عندكم صور وافكار لمدخل البيت خبروني

[المزوحي]

أبغي كاونتر حق الحمام، من وين يكون التفصيل ؟؟؟ وإذا عندكم فكره ... صور بليز

[طير الحب]

اكتب في الغوغل بتلقى وايد سوالف

[المزوحي]

طير الحب، من هالناحيه، تراني دوم ادخل Google وأكتب اللي أباه ...

بس يمكن حد منكم عند فكره، صور، مواقع ... الخ

الحينه وصلنا كاونتر الحمام ( وانتوا بكرامه ) مثل ما قلت قبل .. خذت مجلة وفيها مواقع بعد ...

بس حد منكم مسوي مؤخرا شي ؟

[المزوحي]

حمامي ( وانتوا بكرامه ) تقريبا هاللون



زين، بالنسبة للكاونتر أي لون أحط ، نفس لون الحمام لكن بدرجة أغمج وإلا اللون الأسود ؟

[شوق القلوب]

هلا المزوحي..

لا اتحط الاسود.. مول بيطلع مب حلو...

يا اتحط البنب الغامج ولا هالبني الفاتح اللي حاط صورته.. خذ القطعتين و جربهم .. وشوف شو اللي يناسب أكثر...

ممم.. ما جربت اتحط كورين بدل الرخام... الرخام حلو.. بس الكورين اتروم تتحكم في شكله و ايي قطعه وحده..

[المزوحي]

هلا شوق القلوب ،،، عقب ما سألت في الواحات، الرضيعه يت عندنا البيت وخذت رايها ، قالت الأسود فخم بيطلع

وبيكسر اللون، قلت لها بشوف ، على أساس كنت أشوف رايكم في الواحات ...

أما بالنسبة للكورين مايربت ...

[شمعة أمل]

عندي مشكله
أبا أغير شبريتي.. اشتريت شبريه king size من كمن شهر.. بس اكتشفت انه وايد عوده حقي غير انها 4 poster كل شوي احس انه بيطيح عليه

كنت أفكر آخذ شبريه .. تكون single بس عوده! يعني حق نفر بس شويه اكبر! مب queen
شفت منه في هابيتات بس مب حلوات.. حد يعرف مكان يبيع هالسايز؟

[المزوحي]

يمكن نفس قياس شبريتي يعني مال نفر ونص ( 200*200)

[شمعة أمل]

هيه جيه!
من وين اشتريته؟

[المزوحي]

كنا مفصلينهم ف يالشارجه ( من زمان )



بس أكيد بتحصلين منهم زاهبات، ماجربتي أوبشن في شارع زعبيل ( نفس شارع البريد المركزي - الكرامه )

[شمعة أمل]

بعدني مابديت أدور >_< ببدى من الاسبوع الياي

بشوف اوبشنز ان شاء الله!