هوم ديزاين

[رمــش الغـــلا]

وانا بغيت اسأل عن محل "يلسه" جان حد سايرنله وشو الاثاث اللي عنده ؟
لانه شفت عندهم اشيا حلوة فـ المجلة :)

[مايهزك ريح]

مرحبا الغلا..
انا سرتله معظم الأشياء تختارينها من الكاتالوج .. الأثاث وايد فخم وغالي
وياخذ وقت تقريبا من شهر لين شهرين عشان توصل الطلبيه لأنه كله من برا .. ^_^

[المزوحي]

شو رايكم بأثاث مارينا ؟

[مايهزك ريح]

غاوي .. وكل مره اييبون اشياء يديده انا متابع لها المحل اتريا اييبون صوفا تنفع لغرفتي لأنه لين الحين ما اكتملت !

[المزوحي]

مايهزك ريح، أنا هالفتره يبالي اسوي شوبينج على الاثاث، عسب بنتحول عقب فتره ..

[مايهزك ريح]

الله يعينك انا على غرفه وحده دار راسي لين حصلت >_<
بعد يمكن عشان انا كنت حاط في بالي شي معين كنت ادوره !

[قصايد غلا]

المزوحي : مارينا وايد يعيبني أثاثهم .. و خشبهم زين
مب من هالمضغوط مادري شو يسمونه ومجلدينه لوووول


بس عيبهم إنهم يقهرون شوية ، يعني يوم يوصلون لك اللي تباه ، مرات شغلهم يكون فيه أخطاااااء و اتريا عاد لين اييون على مزاجهم و يصلحونه أو يبدلونه


مرة يابوا لي بيد سايد تيبل 2 ينفتحون بنفس الاتجااااااه ، و عقب أسبوع غيروهن لـي



و مرة ثانية يابوا لنا هالقطعة اللي تنحط تحت الـ ماترس جديييييييمة و خايسة بصبغ وردي و تلوع بالجبد و لو أبويه سكت عنهم جان حطوها

بس عقب معااااااناااااة و 60 الف مكالمة بدلوها لوووول

[المزوحي]

قصايد غلا .. يمكن على حسب الفرع من وين تشترون وإلا ما يخصه !

شو اقتراحكم بعد غير مارينا

[مايهزك ريح]

اذا فتح unique في الواحه مول سير شوفه لأنه صدق فنان ..
هو له فرع في العين مول .. بس جريب بيفتح في دبي !

مر على محلات الأثاث اللي في مول الإمارات بتلقى تقريبا 3-4 محلات في الدور الثالث .. عندهم اشياء حلوه !

[شوق القلوب]

مايد.. اتعرف متى unique بيفتح ..؟؟ لانه للحين ما عيبني شي غير اللي في كواتروو.. ومحد متشجع يسير العين .. ! ولا الباجي كله استايلاتهم عاديه ..!

[المزوحي]

مايهزك ريح، انا الصبح ظهرت ومريت على الواحة مول بعده السنتر ما فتح للحين، قبل ما اشوف ردك ( اليوم عندي إجازة )
وسرت دبي مول ... عندهم محلات اثاث في طابق واحد كذلك، لكن ما تفيجت اليوم ..
يبالي اشوف اللي تقول عليه

[مايهزك ريح]

والله ياشوق انا روحي اترياه يفتح مالي بارض ادق لين العين وخصوصا انه الشوارع مخربينها والرادار يزخ على سرعه 98 ..
وانا اعرف عمري ما اقدر امشي شوي شوي ..

على فكره اذا يعيبج كواترو .. في بعض الأشياء عنده يبيعهن غالي نفسهن عند home option ارخص .. !


المزوحي .. محلات مول دبي ما فيهن اشياء وايد .. مول الإمارات أحلى !

[المزوحي]

مايهزك ريح، تدري كرهت مول الامارات، كل وقت احس به زحمه ... بس إذا على الاثاث يبالي اسير له من وقت ..

[مايهزك ريح]

سير العصر .. على الساعه 4 .. واوقف في الموقف البرتغالي .. اللي في النص .. بتطلع على طول على هالمحلات ..
ويكون في هالوقت خالي المول .. البارحه انا كنت في هالوقت هناك .. ويلست في هافانا كافيه اتغدى .. كان خااااااااالي !

[طير الحب]

صباح الورد...

شو رايكم ابواب الحمامات أفكر أسويهن المونيوم بني محروق ما عادي غرفة اليهال الباب بيكون ملون حسب الوان الغرفة...


وعندي نافذتين ما تنفع لهم ستاير ابا احط نوع من الزجاج يمكن المعشق او الي شكله جي مكسر شو الايدد والارقى...ذوفي كلاسيك اوربي موردن كله مكس وشيء ما امل منه...؟