هوم ديزاين

[ذنـيـنـي]

شوق القلوب

جربت الفرن الكهربائي في السفر
حسيتبه انظف من الفرن بو غاز و ما يفرق عن الفرن بو غاز وايد و خاصة انه في المطبخ الداخلي بيكون عندج اشياء مكملة مثل المايكرويف و الغلاية الكهربائية "بويلر" و اشياء من هالقبيل
و الاهم من هذا كله انكم ما بتستخدمون الفرن حق الطباخ،، يعني مجرد شي بسيط حق الاشياء البسيطه مثل الشاي و القهوة و جااااااااااان بتسوين شي،، ما بيكون اكثر من بيض اومليت ولا نودلز


و غير جي حسيت انه أأمن " دخيلكم انقذوني و علومني كيف يكتبونها !! "

[شوق القلوب]

هلا المزوحي..

صح كلامها.. و هالشي اللي امخلينا نتردد وااايد.. بس لو بتسألها .. الفرن اللي عندها مروحته على طول شغاله... و لا اتروم اتشغلها متى ما تبا..؟؟؟ لانه مرات يقولون انه المعجنات و الكيك ما يضبطون لانه المروحه اتوزع الحراره في كل مكان من جي يخترب..


..

ناصر..

الالجزء اللي فوق من الفرن الكهربا طبعاً وااااااااااايد احسن من الغاز.. اتحس انك طباخك يكون غييييير..
طبعاً انت تقصد هالجزء




..


لانه الحين هالايام.. تقدر تشتري هالـHob .. بروحه .. منفصل عن الفرن اللي تحت.. فحالياً حاطين في بالنا ناخذ هذا.. هو نفسه .. بس اللي تحت محتارين.. غاز ولا كهربا لنفس السبب اللي ذكره المزوحي..

وللاسف.. هو صح الحين مطبخ داخلي.. بس بيكون فيه طبخ.. لانه الملاحق ما جهزت بعدها ..!!! مع انه المطبخ اللي مسوينه غمييييييييييييييييييييضه يكون للطبخ


.
.
.

[المزوحي]

شوق القلوب، يبيعون افران صغيرة الحجم، أو يمكن يسمونها شوايه، اللي تكون بحجم المايكرويف، مادري بتحبون هالنوعية ؟!

في السفر يربنا نسوي فيها بيتزا ... طلعت أوكي ...

[ذنـيـنـي]

شوق القلوب صدقه المزوحي

ليش ما تجربون هالفرن

عندنا واحد في البيت يمكن كمل 15 سنة "ما شاء الله"
و الين الحين شغال و ما يسوون الكيك الا فيه لول

[شمعة أمل]

فنّشت المقاول + الديزاينر من اسبوع مادري اسبوعين

ناس غريبين عجيبين الصراحه!
قبل لأبدى شغلي وياهم.. عطيتهم البدجت مالي.. وقالولي اوكيه! وبالكثـير بيزيدون عليه عشر.. فـ سرنا اخترنا كل شي.. وقررنا كل شي.. وصممنا كل شي.. كم من يوم قبل لايبدون شغل طرشولي quote.. مادري أضحك ولا أصيح.. 120 ألف (ويا مدام في احتمال يزيد)!!! على شو بالذات انا مادري؟ حمامي صندقه مترين في مترين ونص!!!! وأغراض الحمام نفس الشاور وجيه الى اخترته كله اظني 25 .. يعني كل هالبيزات عشان يرّكبون الحمام.. من صدقهم O_o عيل لو قلتلهم أبا أغير أرضية حجرتي كم بيقولولي؟!!!!

حصلت مقاول ثاني.. المفروض يرد علي الاسبوع الياي بالسعـر.. ان شاء الله مانصدم مره ثانيه!!




شوووووووق
لاتاخذون الفرن الكهربائي.. بايخ يعور الراس.. الماي مايفوور فيه عدل.. سنه لين ماتطبخين باستا >_< تبهدلت في لندن
ومالنا كان تش سكريين.. كان عباره عن مستطيييل عود أسود ونهايته مربعين مادري ثلاث ودقينهم.. عقب هالمدور يلبق ويحّر وشي نفس شي + & - للحراره.. اسمينا تبهدلنا < اسبشلي اذا تسوين جاهي بعد بتتبهدلووون ترا اقولج الماي مايفوور عدل

[شمعة أمل]

واذا تقصدين فـرن يعني oven ها مال كيك صدقه المزوحي هالصغار فنانات حق كل شييييييييي!!! انا شخصينا استخدم الصغار.. ماعرف اتعامل ويا الكبار الى يوون ويا الcooker

[قصايد غلا]

شمعة : ليش ما تسوين كل شي بروحج ؟

بتتفنّنين و بتختارين كل شي بنفسج ، بس يبا لج حد يطبّق و لا تعطينهم ويه وااااايد

بنت عموه حجرتها عوووودة ، و حمامها "عزج الله" عود

كانت تبا تصغر الحمّام و تجسمه لــ جسمتين ، نصه تخليه حق كبتات + مكان حق النعلة و انتي بكرامة و الميك اب وهالسوالف و النص الثاني تسويه حمام صغيرون

سوت هذا كله و فصّلت كبتات و غيرت الأرضية "شلت الزولية وحطت غرانيت وحطت وول بيبر" ====> كل هذا كلّفها تقريبا شي وعشرين ألف خل نقول 30

فــ أقترح عليج إنج بروحج تسيرين تتنقّين كــــــــــــل شــــــــــــــي ، وعقب هالتجربة بتلاحظين إنه بتستوي عندج خبرة و موووووووول ما بتحتاجين مصمّمين يقصّون عليج

[الـيـاه]

شو رايكم اسويلكم انا ؟ ههههه *واثقه* البنت

من فتره سويت واخترت لحجرة بنت عموتي ايدارها + الارضيه + هالفريم مال الجبس اللي فوق
بس للاسف سويتلها اياه ببلاش .... افكاري راحت بلاش لول XD

تبون اراويكم الايدار كيف طلع ;)

[قصايد غلا]

إذا ممكن ، راوينا


حتى أنا بتسوين لي بيتي المستقبلي ، صح ؟ ==> بس مب ببلاش

[الـيـاه]

هههه ببلاش ونص افا عليج 3>


لول! تدرين اخترته واااااااااااايددددد بسيط بس مادري انا دوم اقول ان اليدران فالحجره يوم ماتكون كلها نفس الشي .. احلى!
يعني كل يدارين نفس الشي ..

[قصايد غلا]

^ وااااااااايد حلو ما شاء الله ، الألوان روعة


بس أنا مشكلتي إن حجرتي الحالية صغيييييرة وايد ، يعني أحس يدار واحد مختلف و الباجين كلهم نفس الشي حلو ولا ّ؟؟؟

من كثر ذكائي اشتريت الأثاث قبل لا اصبغ أو احط وول بيبر

فــ كل يوم أقول باجر بسير ولا عقب أسبوع بفضّي عمري وبختار لون لليدار

[الـيـاه]

هيه عادي حلو! اليدار اللي يكون مختلف خليه اليدار اللي اتي عليه الشبريه ...

شو لون الاثاث ؟

[قصايد غلا]

خشب بني بس مب غااامج وايد + وياه حديد أسود ، هو هندي " جنه أثاث مال أول "
أوووه ما أعرف أوصفه بحط صورة

[المزوحي]

شمعة أمل حاليا نبني بيتنا، وحاطين مصمم ديكور، الله يغنيج عنه، نحن اللي مانعرف في التصميم طلعنا اشطر عنه ..

يطخ عنا كل شهر بالخمس آلاف والعشرة، بدون مايسوي شي، يوم نحن نفول يمين يقول يسار، على اساس تحسين

صدق سوى شي .. والحينه نبغي نرخصه ... سوى حمام اخويه عشر الوان فيه وكئيب وااااااااااايد يقهر ...

وفوق هذا كله ظهر موتر انفنيتي .. والوالدة تقول كل هذا من فلوسنا .. هههه

[شمعة أمل]

شمعة : ليش ما تسوين كل شي بروحج ؟

بتتفنّنين و بتختارين كل شي بنفسج ، بس يبا لج حد يطبّق و لا تعطينهم ويه وااااايد

بنت عموه حجرتها عوووودة ، و حمامها "عزج الله" عود

كانت تبا تصغر الحمّام و تجسمه لــ جسمتين ، نصه تخليه حق كبتات + مكان حق النعلة و انتي بكرامة و الميك اب وهالسوالف و النص الثاني تسويه حمام صغيرون

سوت هذا كله و فصّلت كبتات و غيرت الأرضية "شلت الزولية وحطت غرانيت وحطت وول بيبر" ====> كل هذا كلّفها تقريبا شي وعشرين ألف خل نقول 30

فــ أقترح عليج إنج بروحج تسيرين تتنقّين كــــــــــــل شــــــــــــــي ، وعقب هالتجربة بتلاحظين إنه بتستوي عندج خبرة و موووووووول ما بتحتاجين مصمّمين يقصّون عليج

ترا يوم عندج مصمم مب شرط هو الى يسوي كل شي.. يعني شخصيـاً أنا اخترت كل شي تقريبـاً بس احتاج حد ينفذ وحد يقولي لا وقفي ماترومين تسوين كل هذا
بفضل المصمم حصلت أفكار وايد حلوه!! لولاه كنت بسـتقر على الكاشي الأولاني وماكنت بفكّر أحط موزاييك ووايد أشياء.. يعني الحلو انتي تعطينه الفكره وتخلينه يفهمج وهو يشتغل عليه ويقولج شو تقدرين تسوين شو ماتقدرين تسوين .. الخ.. عشان في الاخير ماتعنقشيـن

بس مشكلتي الكبيره هي ويا هالمقااااااول

يعني انتي حطي في بالج الحمام يمكن 30-20 ألف.. سعر المصمم 14 ألف (للحمام & حجره).. الباقي المقاول يبا ياخذه عشان يرّكب الحمام.. هذا بدون مايدخل سعر الحجره
مصخره >_<

بس الصراحه استفدت وايد.. عطوني وايد افكار وبستخدمها.. بس بيب مقاول ثاني ينفّذ كل شي.. بس في شي واحد حلوو مابقدر اسويه لكن ماعليه الحمدالله على كل حال .. أبا حجره zen هادييييه وبسيطه

so far
حصلت كبتين ينفعون
3 شباري ينفعون
ولا سوفا :(
والستاير بعدني
وأرضية الحجره بعدني
لكن الحمام كل شي جاهز.. بس اتريا سعر المقاول اليديد