هوم ديزاين

[مايهزك ريح]

المزوحي .. شو في بالك ^_^

[المزوحي]

اللي في بالك ... ( سوالف ...... )

المهم حلو التجديد ... بس ما يخصني باخذ من افكارك حق حجرتي ..

تخيل بس انته تشقى وانا على البراد ...

[مايهزك ريح]

المزوحي ..
فالك طيب ..
البارحة حصلت تصميم .. ويلسنا انا والرضيعه انعدل عليه ..

بس نصيحة .. حدد من الحين شو تبا الأرضيه ( رخام ولا باركييه ) ..
لأنها اكثر شي بهدلني .. بصراحة .. وسالفة التكسير بعد مشكله ..

والحمام .. انا لو اقدر اكسره جان سويته .. رخام كامل .. اريح ..

[المزوحي]

فالك مايخيب مايهزك ريح،،،

الحمام الأولي عيبني .. يعبني هالاستايل

وحجرة النوم وااااااو ... بس تدري أحيانا يعتمد على مساحة البيت ...

انا ربيعي يبغي يدخل باركيه في بيتهم اليديد

[مايهزك ريح]

المزوحي .. انا بعد عايبني اول حمام .. اللون الفاتح يبين المكان واااااااسع
وغرفة النوم .. صح المساحة تلعب دور ..
بس بعد اذا بتحط باركييه غامج لازم الصبغ ايكون فاتح .. وما فيه وايد خرابيط .. عشان ما تبين الحجرة ضيجة !

[المزوحي]

أحس هالحمام حلو، بس ما تعيبني مغسلة بــ الطريقة هذي



هنيه الشاور كشخة

[مايهزك ريح]

^
اذا حصلتي قوليلي لأنه انا عندي نفس المعاناه .. !

[ذنـيـنـي]

سيم سيم هير

بيتنا بيخلص في شهر 5 او 6 و انا الين الحين ما عندي ولا نص فكرة عن الي بسويه في غرفتي و حمامي
بس اخترت الالوان الاساسية و الي هي غرانيت او خشب باركيه بلون بيج فاااتح
و اخترت اللون الأزرق او اللون الازرق البحري "ازرق مخضـّر" و يمكن أخلطهم بشوية بنفسجي



أو مثل هالالوان بس على اغمج شوي، لني حسيت هالدرجات شووي "مال اطفال" لول








يللا يا شطار ساعدونا
انا و مايد و شمعة امل محتاجين مساعدتكم

^^

[الاسطوري]

أو مثل هالالوان بس على اغمج شوي، لني حسيت هالدرجات شووي "مال اطفال" لول

ياخي لوشويه بس تغمج اللون بتصير نفس غرفة ولد اختي، ياخي انت يبالك
مثلا لون اسود ماتنفع لك الرقة والنعومة والهداوة
يبالك لون حار أكثر


انتوا كل واحد على حجرته مب ملحق عيل انا الله
يعيني عقب فترة شكلي
بتخبل

[مايهزك ريح]

ذنيني .. عن الحمامات .. مر على المتحده اللي عدال الشايع عندهم افكار حلوه ..
وس س لوتاه .. وفي واحد ثاني اسمه اعتقد العربيه عدال جمعة الماجد وانته نازل من جسر المكتوم ..
يبيع ماركة غالا .. GALA


http://www.gala.es/default.htm

واذا عندك بيزات زياده ..

فيلوري اند بوخ .. موجود عند محلات سارا ..

http://www.villeroy-boch.com/en/us/h...-wellness.html

[شمعة أمل]

أنـا سرت عند سارة اليوم!
وحجزتلي أشياء من villeroy and boch .. طلع الريال الى اتعاملنا وياه نفسه الى كان يبيع الصحون.. هو تذكرناا على قولته انتو زبايني من زمان وعطانا احلى ديسكاونت.. خذت الأشياء الى مايبالها طلبية كم من شهر.. وخذت مغسلة نفس مغسلتي في لندن وعطاني سامبل للرخام.. كنت أفكر أحط خشب بس امي ماخلتني قالتلي خشب ماينفع في هالجوو.. فـ مادري شكلي برد أحط رخام

عندهم شاوور.. يعني هالغرفه مال الشاور بس الأرضية مالته طلبيه.. فـ أفكر اييب حد يبنيلي الشاور بس انه يكون زجاج .. ممم مادري

أنا عبالي الحمامات اغلى عن جييي.. بس الحمدالله حصلت الى اباه


وسرنا الفطيم بعد ومكان ثاني.. بس ماحبيتهمم



ماشاءالله كلكم بتنتقلون.. ونحن بعدنااااااااا.. خذ منا تقريباً خمس سنين للتصميم >_< ومأجلينه بعد فـ يقولون بيجهز بعد سنتيـن >_< يقولوووون! الحمدالله على كل حال






انزين
حد عنده رقم انيريور ديزاينر؟؟؟؟؟؟؟

[ذنـيـنـي]

مايد مب مشكلة لو كان الحمام اغلى
لأني ما بسوي غير حمامي لول

يعني لو الفرق 2000-3000 مب مشكلة
لأني ابغي شي زين،، ما ابغي كل يوم و الثاني اييب البايفيتر يصلحلي شي في الحمام

[وحي القلم]

^ الأسود ما ينفع.. كمن مره أسمع أنه بسرعه تلوع جبدهم منه خصوصا إذا كان فالحجر

[ذنـيـنـي]

الاسطوري

تراني كنت ناوي اتخبل
كنت ابغي اخلط اللون الاحمر و يا الرمادي
مع اثاث من الخشب الاسود

بس عقب غيرت رايي
خاصة انهم قرروا يعطوني جناح من غرفة و صالة و في هالحالة هالالوان ما تنفع
قلت بحط الوان هادية و قابلة للتغيير بسهولة عسب اذا استوا الي بالي بالك تكون الخسائر التعديلية و التكسيرية اقل

[تحفه]

بيج حلو وملوكي .. الستاير دخل فيهم مارون اوذهبي او اخضر