هوم ديزاين

[شوق القلوب]

المزوحي..

اختار نوعيه رخام زينه... لانه الرخام المب زين يا انه اتيك قطع ما يخصها موول في بعض و تطلع الحجره امرقعه.. او انه يتكسر..

[المزوحي]

شوق، واحد قال إنه الرخام العماني يتفلم، وغيره قال: إنه زين وللحين مب عارفين !

خلال هالأيام باخذ لي جوله على السيراميك ...

وبصراحة مادري شو السبب إني مابغي ادور واااااايد

فكرت للحين في 5 محلات سنتكس، الدرويش، نازو، فريدوني، الشامسي ..

[شوق القلوب]

جرب شوف الارضيات اللي عند الشايع.. صح غالين.. بس حلويــــــن...

[شوق القلوب]

صح المزوحي..

جان سرت الشايع.. ادخل المتحده اللي عنداله.. احيد عندهم سوالف حلوه.. كان اللي يعيبنا عندهم كله امخلص.. حق المشاريع اليديده..

[المزوحي]

أدري بهم قوم بالغلا، لكن بسير بما إنج تقولين حلوين ...

[شوق القلوب]

هي احنا حاطين عندهم للصاله.. جي شي لونه شوي غريب..

و للغرف حاطين من عند لوتــاه..

[مايهزك ريح]

المزوحي .. عند سيراميك الخليج وكليوباترا اعتقد جيه اسمهم في الشارجه ..
يبيعون الجرانيت الصناعي ..Artificial granite
بس ما اتذكر كم سعره .. ولا تاخذ اللي بو 60 * 60 لأنه في التركيب ما يظبط .. خذ الأصغر ..

اللي في الصورة .. البيج اللي فوق غاوي

[المزوحي]

مايهزك ريح هيه كيلوباترا موجود في شارع صلاد الدين بعد ..

تصدق قبل كنت اقووول بلف كل مكان وبدور وبنبش، لكن وقت الجد ويوم بدينا في الساس .. ابغي احذف محلات

قد ما اقدر، يعني بدال ما اسير 10 محلات اسير 5 او اشوف رايكم بشكل عام واعرف عند من اسير ...

اكيد الواحد لازم يقتنع ... بس مافيّه على السيرو والرده ..

المهم .. عطيتني فكره الحين .. مشكور

[مايهزك ريح]

العفو يا خويه ..

[شوق القلوب]

مايد..

بالعكس.. اللي ايي قياس 60*60 واايد أحلى..!! اللي 40*40 موول مب شي.. احس كل مايت القطعه أكبر كل ما عطت مساحه أكبر للغرفه ..

[مايهزك ريح]

مرحبا شوق القلوب .. اعرف انه 60 * 60 أحلى بس المشكله مب اي واحد يقدر يضبطه في التركيب ..
واحد من هلنا كان شاري منه لوشفتي كيف ركبوه بتصيحين على البيزات اللي دفعتيهن ..
لازم ما يكون بينهن " جراونتنغ ".. لازم يكون.. " زيرو جوينت " بس منو يعرفله !!!!

يقدر يشتري 40 * 40 ويكون زيرو جوينت بيستوي جنه قطعه وحده وما بينعرف .. 40* 40 ولا 60*60
مادري اذافهمتوا عليه ولا لأ..

[شوق القلوب]

هلا مايد..

هيه فاهمه عليــــك.. بس ما عليك بعد يفرق..

واللي ركب حق واحد من اهلك.. شكله بروووحه ما يعرف يركب.. يعني المقاول تعبان..

بس عاده اللي يعرفون يركبون الرخام و يضبطونه لازم بيعرفون يركبون باجي الانواع.. لانه الرخام لازم يكون زيرو جوينت

[المزوحي]

شوق القلوب الرضيعة بعد تقول عن المتحده، واليوم احتمال اسير الدرويش ...

[المزوحي]

سرت عند الدرويش، وعطانا الكتالوج، دخلت الموقع عسب ارويكم، لكن مافتح لي، المهم انا صورت من على

الكتالوج، ويمكن ماتكون الصور واضحة ..



انا بغيت احط عند الشاور نفس الطريقة، ومب شرط بالكامل، يعني مب هالعرض كله، يوم شرحت حق الموظف

عقب ياب هالكتالوج ورواني إياه ..




حتى هذا فكرته حلوة، بس شو رايكم انتوا ؟؟



هذا مب شرط اسويه نفس الشي، حتى لو اخليه اللون الغامج بالطول ومب وااايد ..

[المزوحي]

هذا المورد طبعا بالحبة مب بالمتر، لكن ماعيبتني الوردة، حصلت فكرة ورد لكن مب موجود في الكتالوج، لكن الطلبية

توصل عقب 6 شهور





لي عودة وبكمل الصور بعدين