.+[ذلني حبي]+. لمـ حب ـحة.+

[لمـ حب ـحة]

السلام عليكم ورحمة الله وبركاته

اليوم يايبتلكم موضوع ان شالله يعيبكمـ
لان انا شخصيا واايد حبيته من بعد ماقريته
واظن ان الكل بيعيبهم .. وان شالله البعض يستفيد منه

حصلت هالموضوع وقريته
جان يعيبني المحتوى .. وحبيت الكل يقراه وياي
بس طبعا بعرض عليكم الموضوع  بطريقي الخاصة  وان شالله يعيبكم
لا تقوولوون واايد طويل .. صدقوني ترااه حلووو ويستاهل القرايه

اكثر شي عيبني فهالموضوع انه واايد منتشر هالايام ودايما نسمع به
دايما نسمع عن مأسي الحب !!
معظم قصص الحب تنتهي بدمار طرف واحد على الاقل اذا ماكان الطرفين !!
غالبا مايكون ظالم ومظلوم فهالقصص

وانا بهالموضوع ابا اوجه كلامي للطرف الثاني
لضحايا الحب :: المظلومين ::
الذين اعتزلوا الناس وسجنوا ارواحهم
بذكريات الماضي واوهــام
للكل شاب وفتاه وقعوا ضحيه الخداع والاكاذيب
لكل شاب احب فتاة لعووووب
لكل فتاه احبت شاب تركها وحيده
لكل من تذوق حجيم الحب
لكل من قال انه لا حياة بدون الحبيب
لكل من قال ان الفراق يعني الموت

هالموضوع راح يكون شامل جميع هالفئات

هالموضوع راح يكون مثل الوقفه !!
للمراجعة :: للمحاسبه :: للمقاارنه ..
لنفتح صفحه جديده ..
لننظلق لحياة مليئة بالفرح .. ونبتعد عن الحــزن

حان الوقت لــنضع حدا للعذاب والالام !!
حان الوقت لنضع حدا .. لهذا القلب !!

نعم .. لهذا القلب ..
فلهذا القلب قدرة كبيــره !!
!! فكما احب يمكن ان يتخلص من هذا الحب !!

للحب معادلات
لكنها لا تشابه معادلات الرياضيات ولا الفيزياء ولا حتى الكيمياء
فمن تحبه بسهوله .. لن تستطيع نسيانه بسهوله

الي نحبه بسنه !!

مانقدر ننساه الا بعد 5 سنوات وبعد جهد ومجاهده

لكن حتى لو نسيناه !!

يمكن لكل هالمشاعر تعود بلحظه !!

عشان جيييه الانسان يحتاج لقوة اراده وعزيمة

وجهد واجتهاد
ولا يتراجع ولا يستسلم
لانه كل انسان قادر على التخلص من هالحب
مايحتاج الا للعـــزيمة .. نعم .. العزيمة فقط !!

وهذي بعض الطرق للتخلص من هذا الحب

_1_
الرجوع الى الله

مب معنى كلامي ان الي يحبوون بعااد عن الله
المقصود من " الرجوع الى الله "
ان يقبلوا على الطاعات اكــثر .. مثل الاذكار والاستغفار والسنن

مثل صلاة الوتـــر

:: خصيت صلاة الوتر لانها مهمه وااايد ::

حاولو انكم تشغلوون وقت فراغكم :: بالتقرب الى الله ::

اكثر واكـــثر

بهالحاله بتحسوون براحة نفسيه عجيبه ..

_2_
الدعاء المخلص

اقل شي يستطيع الانسان المظلوم انه يرفع ايده
ويدعي ربه انه يهدييه
ويزيل عنه حالة الحــزن والغمـ
ويشرح صدره .. وينور له طريقه

_3_
العزيمة والتحدي

هالنقطه واااايد مهمه !!
اول شي لولا العزيمه الانسان ماراح يقدر يسوي شي!!
وراح يستسلم لاي مصاعب تواجهه حتى لو كانت بسيطه !!
حياة الانسان لازم تكون ملك له .. هو الي يتحكم بها ويسيرها على كيفه
مب ملك شخص ثاني !! يتلاعب بها على كيفه !!
او بالاصح حياة المخلوق ملك لخالق
من هالنقطه اوجه نصيحه لاخواني واخواتي
لكل الذين احبوا وخذلهم الحبيب
هالفئة المفروض تكون عزيمتهم اكــبر
وحزنهم اقل
لانهم اكتشفوا خذاع المحبوب ..
والحلم الي كانوا عايشينه مجرد وهمـ وسرابـ !!
والي صدق يحتاجون لعزيمة وصبر اكــبر
كل الي حبوا
لكن الظروف حالت بين زواجهم
هذيل الي يحتاجون صبر وعزيمة اكبــر
حتى لو استمروا بحبهم لبعض حتى بعد ماتفرقوا
لازم يذكرون ان حياتهم بعد لازم تستمــر !!

_4_
عدم الدخول في الذكريات القديمة

الابتعاد قدر الامكان عن الذكريات القديمه
سواء كانت سعيدة ام حزينه لان هالشي يتعب القلب والروح واااايد
اركنوا الرسايل والهدايا فمكان مظلم .. او تخلصوا منها ..
تخلصوا من الرسايل .. سواء كانت اوراق .. او كانت ايميلات او حتى مسجات!!
تخلصوا منها حتى لو كانت عزيزة عليكم.. فالنهايه راح يكون هذا فصالحكم

_5_
الابتعاد ولو مؤقتا عن التلفاز

ابتعدوا عن التلفاز .. لان معظم المسلسلات الي فيه اذا ماكانت كلها .. تحتوي على قصص حب وغرام .. والاغاني كلها تتكلم عن الحب .. والشوق والوله .. بهالطريقه دايركت المحبوب بيي على بالكم .. ونحن نحاول نتخلص من هالذكرى الي تقيدنا
حتى الاشعار الي تتكلم عن الحب وهالاشياء ابتعدوا عنها .. لانها راح تتعبكم وترجعكم لورا بدل ماتتقدمون للامام !!

_6_
عدم الدعاء على المحبوب

غلـــــــــــــط !! واكبر غلط
هالشي وااايد منتشر .. اذا اثنين افترقوا .. تلاقي المظلوم يدعي على الطرف الثاني !!
هالشي يتعب الطرف المظلوم قبل الظالم !
اول شي الحقد والغل .. ماراح يوصل لاي مكان !!
ثاني شي ان كل ماتدعي عليه ان الي تتألم
لانك كل ماراح تدعي عليه راح تتذكره واذا كنت صدق تحبه مابيهون عليك !!
لكن .. لو كل مارفعت ايدك بتدعي عليه تتمناله الخير والسعاده بتحس بالراحه

_7_
عدم لوم النفس او لوم الواقع

لاتلم نفسك .. لو تلومي نفسكِ ..لماذا احببتها ؟؟ لماذا احببته ؟؟
بل قولوا الحمدلله .. فهي تجربه ومرت .. او مرحله وعدت
وتعلمت منها الكـــثير

_8_
عدم تمني الامنيات الكاذبه

لو كنا للحين مع بعض بنكون اسعد الناس!!
انتهت علاقتكمـ المفرووض تقولون الحمدلله على كل حال.. ماله داعي تتخيلون تكملة خياليه من عندكمـ .. ماله داعي الهروب من الوقع لعالم خيالي .. لان فالنهاية راح ترجعون للواقع وتنصدمون ان علاقتكم خلاص انتهت
لازم تتعلمون تواجهون الواقع .. مب تتهربون منه لعالم الخيال والامنيات !!

_9_
لا ينسيك القديم الا الجديد

هذي مب دعوة للحب من جديد! بل ماقصدته ان حياتك لن تنتهي بانتهاء علاقتكم
فربما رزقكم الله .. بزوج /زوجه ينسيكم من كان فالماضي
لان بيد الزوج ان ينسيك كل آلامك واحزانك .. فقط اذا اردتي ذلك و حاولتي ان تحبيه وتمنحيه قلبك
وانت كذالك يااخي .. بيد زوجتك ان تنسيك من احببت فالماضي .. اذا اردت ذلك واحببتها

_10_
تجنب الألفاظ السلبية

مستحيل انساه !! مستحيل انساها !!
كان اكـثر واحد يفهمني !! كانت اكـثر وحده تفهمني !!
ماراح تنفعكم هالعبارات .. ولا راح تغير واقعكم
فليش تحبسون عماركم بدائره فارغه تصنعونها بايديكم !!
بهالشي تعذبون عماركم وتقسون على قلبكم !!
هالعبارات ماراح تنفعكم بشي .. ولا راح ترجع لكم الي راح
لربما كان الفراق خير لكما !!
لان احتمال اذا استمرت علاقتكم ماتتوفقون بزواجكم .. وينتهي الحال بينكم بالطلاق
ابتعدوا قدر الامكان عن هالعبارات لان هالعبارات تخليكم تيئسون من رحمة ربكم !!
وماتجلب لكم الا التعاسه والحزن ..

وبالاخير .. اتمنالكم حياة مليئة بالسعاده خاليه من التعاسة والاحــزان

تحرير

لمـ حب ـحة 

[ولد الحكومة]

وعليكم السلام ورحمة الله وبركاااته
ما شاء الله عليج أختي موضوعج طووووويل واااااااااااايد ، لا اسولف وياج !!! والصراحه تستهلين ان يثبت الموضوع وتحصلين عليه علامه كاملة

الحب أنواع : حب الدنيا ، حب الزوجه ، حب الصديق ، حب المال والبنون ، حب الناس ، وحب .... وحب .... وحب ....

بالفعل أختي . . .نسمع اشياء غريبه وعجيبه في زمانا هذا وحاصله في مجتمعنا هذا والمصيبه انهم مسلمين، والضحية اتكون أما ( شاب أو فتاه ) في مقتدى العمر راحوا ضحايا على شيء أسمه ( حب + وجنون + تضحيه + إلخ ).

بالفعل عايشين في زمن غريب وعجيب ... نسمع قصص غريبه واشياء ما ادش العقل في التلفاز والجرايد ..

يعني الصراحه هالموضوع يباله شرح كبير ومفصل !!

انا الصراحه عن نفسي ما اعترف بشيء اسمه حب وغرام وخرابيط ماخوذه من الافلام والمسلسلات والاغاني الرومانسيه والعاطفيه . . . والخ

في نظري الشخص واتحدى أي شخص في العالم ان حب الله تعالى هو أعلى أنواع الحب)

بسم الله الرحمن الرحيم

{وَمِنَ النّاسِ مَنْ يَتَّخِذُ مِنْ دُونِ اللَّهِ أَنْداداً يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبّاً لِلَّهِ} [البقرة: 2/165]

{يا أَيُّها الَّذِينَ آمَنُوا مَنْ يَرْتَدَّ مِنْكُمْ عَنْ دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ} [المائدة:

وبعدين يأتي حب الوالدين :
( وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ ) لقمان : 14 .





ومشكورة وايد عالموضوع المميز



قايد الريم

[المزوحي]

واااااااااااااايد عيبني الموضوع وااايد

ومالي رد عليه ...

[لمـ حب ـحة]

قايد الريمـ

ان ويااك ان الموضووع طويل .. ويباله شرح اطول من جيه

بس انا حبيت اختصر النقاط كثــر مااقدر..^^
يسلمو خيو على المرور الحلو :)

المزوحي

اكتفي بطلتك الحلوه خيووو

[بوزايد]

حلو الموضوع ونصايح لو اي حد يطبقها وخاصه الرجوع لله عز وجل والزواج احسهم اهم نقطتين

وتسلمين ع الموضوع الروعه

[ولد الحكومة]

قايد الريمـ
ان ويااك ان الموضووع طويل .. ويباله شرح اطول من جيه
بس انا حبيت اختصر النقاط كثــر مااقدر..^^
يسلمو خيو على المرور الحلو :)
كتفي بطلتك الحلوه خيووو

بالعكس والله صح ان الموضوع طويل بس والله الواحد يوم يقراه ما يحس انه طويل.

تسلمين للمرة الثانية عالموضوع

[دموع قلم]

وعليــكم السـلام ورحمـة الله وبركــاته


الحــ ـــب.. عالــم كبيـــر.. ودوّامـة عميقــة.. !!


وأروع ألـوان الحــب..
الحـب في الله ولله..

قال الرسول صلى الله عليه وسلم: ( ثلاث من وجد فيهم حلاوة الإيمان, أن يكون الله ورسوله أحب إليـه
مما سواهما, أن يحب المرء لا يحبه إلا لله, وأن يكره أن يرجع في الكفر كما يكره أن يقذف في النار )



لمـ حـب حــة..

عبـاراتك رائعــة.. وأسلوبـك أروع..
لا تبخليـن علينـا بالمـزيـد يـالغـاليــة..



تسلـم أنـاملك على الموضـوع..

[الشوق]

يثبت الموضوع
ولي عوده ان شاء الله
على هالطرح المميز .. عزيزتي
30-11-2006

[مــهــابه]

مـوضوع جمـيل بـكل ماتحـملـه الكلـمه من مـعنـى

كـل اللي ذكرتـيه هـو كافـي بأن ينسينـا ماضي عايشنـا لـفتره طـويلـه
وحـاضر نـحن اجبرنـا انفسنـا بأنـا نـعايشـه

هـناكـ اشخاص كـثيريـن

ربمـا حبنـا لـهم لـم يستمر سـنه او سنتيـن

إنـما لـ سنيـن

وبـسبب من الأسـباب كـان النصيب هـو الفراق

صـحيح نـحزن

ولكـن إلـى متـى؟

نـعيش بالذكـرى إلـى متـى؟؟


أنـا عندي يـقين ، بأنـ كل من عاش قصه حـب صادق حبيبـ ، وحصل الفراق لـ أي سبب من الاسباب
بأنـه حزن ، وحـزنه اسـتمر سنه او اكثر ، لكـن فـ الاخيـر أبتـسم ولـقى درب السـعاده

إما بتقربه من الله

او بـ زواجـه

أو بـأي شي

ولكـن

اللي مـانقدر نـختلف عليـه ، مـهمـا كـان ،هـو الذكرى

فـ مهمـا صار ، الذكرى هي الشي الوحيـد اللي نـحن مانـقدر نتناسـاهـــا


تحيـاتي لـج

موضوع جداً جداً رائـع

[المقاتل]

تم فتح الموضوع مره أخرى وثبت كونه مميز و اعتذر من اختي لمحة حب // على الإزعاج والإغلاق // .. ^_^ .

وأكيد بتكون لي عوده ،،

.. المقاتل ..

[لمـ حب ـحة]

بو زايد ::

تسلم خويه .. على المرور الطيب ..
وانا بعد احوف ان النصايح مفيده من جيه .. حاولت اني انشر الموضوع باكــثر من منتدى :)
يسلموو اGــــين على هالطله .. ويعطيك العافيه

قايد الريم ::

نورت الموضووع خيووو للمره الـ 2
شرايك اني اوريدي يوم قريت الموضوع كان عباره عن ثلاث صفحات 4A
بس خلصته باقل من ربع ساعه !!
لاني احب هالنوع من المواضيع الهادفه

يسلمو خيوو .. ولا تحرمنا من هالطله الحلوه .. :)

[لمـ حب ـحة]

دموع قلم ::

تسلمين خيتوو على هالطله الحلوه
ومثل ماقلتي :: مااشي احلى من الحب فالله ..
والله هالنوع الي دايما يستمــر !!
اما بقية الانواع .. فمعظمهم ينتهون بمآسي واحزان وفراق

نورتي الموضوع بطلتج الحلوه ^^
لا خلينا ولا عدمنا

الشوق ::
تسلمين خيتوو على التثبيت ..
:)

فانتظار طلتج الثانيه ويعطيج العافيه

[لمـ حب ـحة]

مهايه ::
انا وياااج ان الذكرى صعب ان ننساها
بس نحن نقدر نتناساها ^^ اذا كان هالشي فصالحنا ::

واذا كان حزنا يوم :: شهر.. او سنه << ترى ما من بعد الضيج الا الفرج ..
والله يعطي الانسان على قد نيته ..


عشان جييه المفروض ان نحن مانيأس من رحمة الله علينا
ونرجع له فالسراء والضراء
عسب نتوفق بحياتنا

يسلمو ولا تحرمينا هالطله الحلوه

المقاتل ::
نتظر عودتك خيوو .. ومسموووح :)

[دانة حتا]

وايد حلو الموضوع
اسلوبج حلو
تسلمين

[لمـ حب ـحة]

دانه حتا

تسلمين ختيه على هالمرور الحلو
والطله الاحلـــى :)