والله لـولا الأدب والمستحــى جـان رغتهــا بــرع الكــلاس !!!

[قــبقــوبـه]

بســم الله الرحمــن الرحييــم ..

أدريبــكم إتــروعتـوا من العنــوان لكــن صـدق هذا هــوه الي كــان بيستــوي ..
اليــوم كــان عنــدي كـلاس عن الفقــه الاســلامي وفــروعه يعنــي كل الي ينقــال فالكــلاس آيــات وأحــاديث ونقــاش عن أمــور الديــن ..
المهــم ونحن يالسيــن ونسمــع شــرح الدكتــور الا واسمــع صـوت موسيقــى بـس عـ الخفيــف بس عقــب عــلا الصــوت قـلت حق البــنات الي ويــايه تسمعــن الي أسمعــه قالــن هيــه ..
قلتــلهن ما اظــن هالصــوت من بــرع اظــن وحــده من البــنات حــاطه السمــاعه وتســمع !! ..
يــوم ركــزنا فالصــوت الا الحبيــبه حــاطه أغــاني !!

وطبــعا أشتغــلت العيــون عســب نعــرف منو هييــه يــوم عــرفناها الا الحبيبــه ادنـدن وشالنهــا الهــوى ..

استغفــر الله العظيـــم يعــني الحينه انتــي ماتــرومين اتيــودين عمــرج الين ما تـظهرين بـرع الكـلاس وتشغــلين الي تبيــنه ..
أحــس صــدق انصــدمت انه آيــات ربهــا تنــذكر جـدامها وهيــه ضــاربه بالسماعـات على أذنهـا ..


لا حــول ولا قــوة الا بــالله ..
اتخبــلوا النــاس ..

[المزوحي]

شالنها الهوى ويه وين تبى هاااي ...

هممم لازم حد يكلمها .. وينصحها ... يعني هي يايه تضيع وقت في الكلية وإلا كيف

ترى وايدات يبن يدرسن ومب محصلات فرصة ومكان مثل مايقولون

وعقب ماعرفوتوا إنها فلانه .. ماتكلمتوا ؟؟

[قــبقــوبـه]

امممممممم لاء بــس انا كنــت متنــرفزه واايــد يعني اذا رمســت هــاذيج السـاعه ..
البنــيه شي بيستــويبـها بس اذا اتكــرر هالشــي ان شــاء الله بسيــر أرمســهاا ..

[قــبقــوبـه]

امممم أكثــر شـي نـرفزني انها معــليه عـ الصــوت يعني نحــن الي يالسيــن بعييــد سمعنــا وين الي حــذالهــا ..
يعنــي فــوق انها يالســه تـسمع أغــاني ومــطنشـه الأشيــاء الي تنــذكر فالمحاظـره بعـد اتجــاهر بالمعصيــه ..

[المزوحي]

الله يهديها ...

[مــهــابه]

هيـه ياريف الصبـا

بـعدج بتـشوفيــن أشكـال وأنـواع

الله يـهديــها

[ذنـيـنـي]

الله المستعان،، شي وايد ناس ما يستحون

قبل شوي في مسيدنا على صلاة المغرب واحد طايف جدام المسيد بسيارته و صوت الاغاني أعلى من صوت الامام و نحن داخل المسيد !!!

الامام يقرأ الفاتحه و الاخ مشغل خالد الملا,
لكن الواحد شو بيقول!!

فإن لم تستح، فصنع ما شئت

[فركوشه]

لو كنت مكانج كنت على طوول اروح عندها وارمسها.. اكيد اهي بتستحي عويها..

بس لو كانت من نوع اللي ماتنفع فيهم الرمسه العدله.. بغسل شراعها..

والله يهديها ويهدي اللي شراتها..

[بحر الموده]

وين تبغا هاى الله يهديها

[شرجاوي]

الله المستعان،، شي وايد ناس ما يستحون

قبل شوي في مسيدنا على صلاة المغرب واحد طايف جدام المسيد بسيارته و صوت الاغاني أعلى من صوت الامام و نحن داخل المسيد !!!

الامام يقرأ الفاتحه و الاخ مشغل خالد الملا,
لكن الواحد شو بيقول!!

فإن لم تستح، فصنع ما شئت

وايد تصير هاي .. و عندنا يسمعون علي بحر ...

ريف الصبا هاي اللي عندكم يبالها كعب على جمجمتها عسب تقول انا منو خخخخخخخخخ .. الله يعين و يستر

[الشيـــن]

عطوها ع راسهـااا اخبقـوولها مخهـا شوي

عادي حبيبتي
اليووم كانوا يركبون السماعات والمايكات ف المبنى بكبره ..
يزهبون حق باجر وجـييي
شوي سمعنا صوت وحده تغني
عاد والصووت عاااد

انزين عدنا عمـااال اساتذه وغير الي يايين يرتبولنا المبنى وجـي !
وين تبين اميييه؟


استحي ع ويهج


عاد انا استانست جان اعطيها فـ ويهها ماستحيت منها

[شرجاوي]

العطا ما تبادلنا العطا

[قرموشة]

ويينهــا هــااي عنـي
يوديينـي لا أسـيير أفلعـــهـا ألحـييينـه << وجـان أتحمممممس لول
ياختييييييه عااادي عااادي .. بس تعرفييين لو منـج كنت بسيــر عندهــا وبقولهـا احترمـي عمررج !

:

الله يهدييهـــاااا

[ولد الحكومة]

استغفــر الله العظيـــم ،،،

النفس طربانه ، حتى الدين الاسلامي ماله أحترام ؟؟

الله يهديها ان شاء الله ، ، ،
هالموفق ذكرني من زمان أذكر كنت واقف عند الاشاره واحذالي مواطنه مطوله ع المسجل بصوت عااالي وفي حزتهااا أذان المغرب ، اشرتلها بإيدي واقولها قصري على الاغاني الاذان يأذن ، وهو ولا سوتلي سالفه وطنشتني.


والسموحه

[الجديدة]

لا حول و لا قوة الا بالله
الله يهديها و يستر عليها
المفروض تكلميها في نفس الوقت يمكن تستحي
و اذا عادتها فحاولي فيها مرة ثانية

هذه مصايب الدنيا