والله لـولا الأدب والمستحــى جـان رغتهــا بــرع الكــلاس !!!

[دموع قلم]

لا حول ولا قوة إلا بالله العلي العظيــم..

استغفر الله .. هالأيام كثرت صور مفـاسد الأخلاق.. وانعـدمت الحيــاء.. !!



ريـف الصبــا..
عسـى الجميـع يغارون على دينهم مثلج أختي..
تسلمين عالموضوع..

واحة الفضفضة هي الأنســب..

[العجيبة]

مثل هالناااس حرام ينحطـون مدرسين لمادة التربية الاسلامية ..

يعني هالموقف تقريبا نفس موقف الطالبات من مدرسات الدين ، تدخل الحصة اتم تنصح وتشرح وتذكر بالآخـرة ، بعد الحصة شكلها يتغيـر هالمس ، هي بروحها محتاجة حد ينصحها ويذكرها بالدين قبل ما اتيي تنصح غيرها .. غير مسات الدين المتنمصات ! يعني هذا أكبر دليل على إنها خارجة من رحمة الله ، بعد اتيي تتكلم عن رحمة الله للناس !!! شييي فظيييييع والله ..

الله يهديهم يارب ، قبل كنت في مدرسة ، البنات فيها متطوعـات وملتـزمات بالحجـاب وأخلاقهن عالية في التعـامل سواء مع بعضهن أو مع الرجـال ، وكله هذا بسبب مدرسات الدين اللي ما يخلص عملهن ونصحهن بدقة الجرس اللي يعلن نهاية الحصة !!

واليوم صرت في مدرسة أعوذ بالله منها ، حتى أمي تقول : ما عندكم مدرسات دين ؟!!

أنا أقـول هالنـوع المفروض من أولها ينطردون من تخصص التربية الاسلامية في الجامعة قبل ما نتـورط فيهم نحن !!


وسوري ، طلعـت حرتي على مسات الدين ..


شكرا على الموضوع المهم ، وصدق يبالهم حد يردعهم هالنوعية من الناس ..

[أمواج]

.
.
ههههه
انا اسمــع أغــاني فـ كلاس الــ calculas
والدكتوور خبــر خيــر

.
.
ربي سامحني

[المقاتل]

ينقل إلى واحة الفضفضه كونها الانسب بعد أذن صاحب الموضوع " ريــف الصبـا " .

المعذرة :) ،،

[بنت النوخذه]

اصلا في بنات لا حيا ولا مستحى سواد ويه الله يهديهم انا جربت هالاشيا وايد بكليتنا والحمدلله تخرجت وافتكيت من عوار الراس بمرة وحدة برمضان كانت تعلج العلجة في وقت المحاضرة وجدام الاستاذ والصبح وانا كنت وراها اقولها انتي دامج فطارة ليش ما تسترين على روحج اذا مب عشانج عشانا نحن والاستاذ احترمي حرمة الشهر قالت اوكي اوكي لازالت تعلج واستمرت والمصيبة انها اماراتية

[بنت النوخذه]

مثل هالناااس حرام ينحطـون مدرسين لمادة التربية الاسلامية ..

يعني هالموقف تقريبا نفس موقف الطالبات من مدرسات الدين ، تدخل الحصة اتم تنصح وتشرح وتذكر بالآخـرة ، بعد الحصة شكلها يتغيـر هالمس ، هي بروحها محتاجة حد ينصحها ويذكرها بالدين قبل ما اتيي تنصح غيرها .. غير مسات الدين المتنمصات ! يعني هذا أكبر دليل على إنها خارجة من رحمة الله ، بعد اتيي تتكلم عن رحمة الله للناس !!! شييي فظيييييع والله ..

الله يهديهم يارب ، قبل كنت في مدرسة ، البنات فيها متطوعـات وملتـزمات بالحجـاب وأخلاقهن عالية في التعـامل سواء مع بعضهن أو مع الرجـال ، وكله هذا بسبب مدرسات الدين اللي ما يخلص عملهن ونصحهن بدقة الجرس اللي يعلن نهاية الحصة !!

واليوم صرت في مدرسة أعوذ بالله منها ، حتى أمي تقول : ما عندكم مدرسات دين ؟!!

أنا أقـول هالنـوع المفروض من أولها ينطردون من تخصص التربية الاسلامية في الجامعة قبل ما نتـورط فيهم نحن !!


وسوري ، طلعـت حرتي على مسات الدين ..


شكرا على الموضوع المهم ، وصدق يبالهم حد يردعهم هالنوعية من الناس ..

الدنيا تغيرت احين يوم بتقولين للمتنمصة مثلا يا فلانة التنمص حرام والرسول لعن المتنمصات يردن عليج والله ندري بس شو نسوي ريلنا ومب ريلنا اوكي اذا وحدة حواجبها فظيعة لكن اكثرهم حواجبهم مرتبة بس الا يتنمصون

[دموع قلم]

المتنمصــات.. !!!

لا حول ولا قوة إلا بـالله.. يــااالله وش كثـرهن.. !!
يعني من بين ألف يمكن تطلع وحدة مو حافة حواجبها ..!!


قلبـي يتـألم يوم أشوف وحدة متنمصة..
أفكـر في عواقبهـا.. ومصيرها..
وخاصة لو هالنساء من أهلك أو ناس تعزهن.. !!

هـداهن الرحمــن..




السموحة طرت من إطار الموضوع ..!!

[فنجان قهوة]

و شو سويتي عقب عموه
تميتي صاخه
و ما زقرتي عليها جدام الدكتور و قلتيلها لو سمحتي وطي الصوت و الاحسن اتبندينه
او ما قلتي حق الدكتور
او ما طرشتيلها رساله اثناء الكلاس و قلتيلها اتبنده

شو سويتي عقب خبريني

جيه ما طرشتيلي مسج و الله كنت بي و بنازعها عادي عندي لوووووووووووولز متفيجه صح

و الله لو مكانج جان فتنت عليها جدام خلق الله كلهم
و ما علي من حد

في خاطري الشوفها
راويني اياها يوم الاحد

[خيال الحب]

عشـــنا وشــفنـــا..


الله يهدي الجميـــع ان شاء الله ^__^

[قــبقــوبـه]

مهـــابه الله يعينــا عـ الاشــكال الي بنشــوفها ..
والظــواهر الغريبــه كل ما يالهـا اتــزيد ..
الله يهــدينا ويهــديهم ..

ذنيــــني
استغفـــر الله العــظيم عز الله انصــلح حــالنــا دام الا النــاس اتصـرف جــذه ..
نعيــب زماننــا والعيــب فيــنا وما لزمــاننا عيب ســوانا ..
الله يهــدينا ويهــديهم ..

فــركــوشه
انــربط لســاني يا ختيــه مااعـرفت ارمــس من هـول الصــدمه ..
وبعــد ما بغيـت ارمســها وانا معصبــه لانه النصيــحه ما تنفــع بالمفـاتن ..

بحــر المــوده
الله يهــديها ويهــدينا ..

شــرجــاوي
هههههههههههه لا حشــا عليــه مابا أرتكــب فيــها جــريمه
الله يهـــديها ..

الشيــــن
استغفـــر الله العــظيم وين تبــا هــااي جــان اشتــركت فنــجوم الخــليج ..
خــلاص الحيــنه البنــات نســن شــي اسمــه مستــحى ويبــن يجــربن كل شــي ..
حتــى لو كــان مخالــف لــدينا وشــريعتنـــا الله يهــديهن ..

قـــرمــوشه
هههههههههههههههههههه زين انــج ما كنتــي ويــايه ولا جــان عفــدنا عليــها ..
الله يهـــديها ..

قـــايد الــريم
شفــت عــاد حتى دييـــنا مالــه احتــرام ولا تقــدير واايـد انشــوف شــرات هالمــثال الي طــريته ..
احيـد مــره كنــا واقفــين عنــد الــدوار وواحــد حــذالنا معــلي عـ المســجل والمسيــد حذالنــا يأذن
وهــوه اذن من طــين واذن من عـجين لا مفتكــر فأذان ولا غيــره ..
الله يهــديهم ..

الجـــديده
ان شــاء الله المــره اليــايه بـرمسها ..
اذا ســوت نفــس الحــركه ..
الله يهــديها ..

اشكـــر كل من تــواجد في هــذا المــوضوع ..
أكيييــد بتـكون لــي عــوده للرد على الآخـــرين ..

" همــسه : أتــأســف منــكم لـتأخــري بالــرد عليــكم "

[دانة حتا]

وايد منه
اوقات اينج كانهن سايرات عرس
والله يقهرن

[عبدالله]

الله يرحمنا برحمته والله يستر من الجيل القادم جيل 2010

[وحيد الدرب]

أختي ريف الصبــــا

انا اشوف ان وحده منكن تاخذها على صوب وتحاول تنصحها لان النصيحه تكون ف السر وحاولوا ان البنيه اللي بتختارونها تكون عندها معرفة فقيه عسب اذا حبت تستدل بايه قرآنيه او حديث ماتتلخبط جدام البنيه....

والهداية من رب العالمين