شعبة التفكير بالزواج في قسم الحياة الزوجية

[المزوحي]

الاسطوري حياك ...

كلامك اللي ذكرته في البداية انا وياك فيه وفعلا في شباب دينين ومحترمين ... وقد المسؤولية
واللي يؤخرهم في الزواج إنهم مسؤولين عن عايلة ..

أما يسير يتزوج الوافدة عسب الرخص .. خل يحط في باله إنه بيتبهدل عقب سنين ...
وإييب كل هلها هنيه ويشتري لهم هدايا .. الخ
مب عوقنا بس مجرد تذكير ..

[جنة عدن]

شكرا على الموضوع والله في العمق مثل ما يقولون
-المشاكل متعدده وكثيرة ولو حصيناها والله طويلة وما تنتهي
مثل ماقلت اذا كان كامل المواصفات من الناحية الماديه يكون ناقص من النا حية الدينيه لانو ما يعرف انو الزواج نصف الدين
و كملن يكون مشيو بطال او هيك سيء (اعوذ بالله)
وكمان لو تسالي الشباب ليه ما تتزوجون يقولون وش لينا من عوار الراس؟
واكثر شيء هو الفقر لانو صاير الزواج كثير مكلف وش حيل لي ما عندو؟
صايره الوحدة يوم تفكر انها تزوج ما تفكر في بيت ازوجية والاولاد والحياه الحله
صايره تفكر شلون تقيم عرس فاخر او اسطوري ما لاحد مثلوا
والله الزواج يوم ينبنى على اساس قوي ماينهد ولا يطيح

[المزوحي]

مهابه .. مرحبا

همم .. ممكن حد في باله وينتظر يفاتح هله او ينتظرها ... لين ماتخلص كلية أو شي هم متفقين عليه
ونحن نجهل أسباب هالشي ...

لكن فكرة إنه الزوجة بتسجنه ... همم على حسب الوحدة كيف ... هو يبغي يكون أسرة مب داخل حرب ..

[المزوحي]

بو زايد ... 2 من هلنا ... عمارهم تقريبا 40 سنة ومب راضين يتزوجون بعلثة إنه الحرمة بتيب لهم الأمراض ... عاد جان هم مرضى ومعقدين .. أمر آخر ...

[المزوحي]

سبيجه .. وينج من زمان ... ولو بقول إنه مب الكل جيه .. لكن الصراحة قلتيها ...
لابنحاز للبنات ولا الشباب والحق يقاااال ...

يداوم كل شي متوفر له وحتى البنت يكلمها واصبح هالشي من ضروريات الحياة ...
لالا كانت ويانا في الكلية .. في الشغل .. تبغي تسأل عن شي .. وهالمكالمات تطول

[المزوحي]

خنفروش .. ماكنت اتوقع يوم بتعصر مخ .. هذا اللي بيظهر منه ..
الصراحة كلامك .. ميه ميه على قولت المصاروى ..

تدري !!
فعلا يحسون بإنه الحرمة حياتها نكد وشكاوي ومايبغي يسمعها ...
وانا أقول الاختلاف يحصل بين أي شخصين أو حتى اكثر
بين هلك وربعك .... وزملاء العمل .. الخ

[المزوحي]

قايد الريم لو في هبة عرس يالله .. عن يقول اتمتع .. يتمتع في الحرام ... يقول لالا

الله بيغفر لي ... بسوي اللي أباه وعقب بتزوج يوم الله بيريد

( ملاحظة ) .. مب كل الشباب .. والكلام ماينطبق على الكل ...

[ولد الحكومة]

قايد الريم لو في هبة عرس يالله .. عن يقول اتمتع .. يتمتع في الحرام ... يقول لالا
الله بيغفر لي ... بسوي اللي أباه وعقب بتزوج يوم الله بيريد

( ملاحظة ) .. مب كل الشباب .. والكلام ماينطبق على الكل ...

أكيد شيخي مب الكل . . .

[شهوووودة الأمورة]

مرحب..

اخو ربيعتي.. عمره 30 وللحين مب متزوج.. وحالته الماديه وااااايد أوكيه.. وريال والنعم فيه.. يوم يقولون له ليش ما تتزوج.. يقول ما أبا اظلم بنت الناس وياي.. تعرفون ليش يقول جي..؟؟ لأنه صراحه دوااااااااااااااااامه واااااااااااااايد أرف..
اذا الواحد يغيب عن أهله بالشهووور .. وحتى في الإجازات ما شي رااحه .. وحتى في الأعيااد يداوم.. وشغله مرات فيه سفرات.. بالله عليكم في بنت بتوافق عليه.. !!!!!!!!!!!!!!!
صراحه ما أظن وحده بتوافق عليه ...... هذا رايي..!!

الزوااج مسؤوليه صح.. واذا هو تزوج مثلا ما اظن انه بيقدر ع مسؤولية الزواج.. وكل هذا بسبب داومه.. وبنت الناس ما أظن انها تكوون مرتاحه معاه لأنه أغلب الأوقاات مش موجوود... فليش يتزوج؟؟

انا معاكم انه الزواج نص الدين.. بس في أشيا تمنعه.. شو بسوي؟؟ !! يقدم استقالته مثلا ؟؟!! يمكن..
بس داام هو مرتااح من دوامه شو بتقولون له..!!! ؟؟

ع قول ربيعتي برااايه

واذا عندي شي لي عوده .. يسلموو ع الموضوع

[أمواج]

.
.

انا لو كــنت male
مابعــرس إلا اذا تخطيـــت الــ 30
أبغــي اعيش حيــاتي اول وعقب لاحقه على العرس

.
.

[المزوحي]

شهوووودة الأمورة

هممم فكرت بكلامج .. قلت صح .. بعيدن قلت لا .. مب عذر

أولا يقدر يقول حق اللي تقدم لها ... عن ظروف شغله .. وغن وافقت واتزوج .. وقت الشغل شغل

ويوم بيكون عندها خلاص .. يتفرغ لها .. مب يتجاهلها وعقب يقوول شغل .. او إنه يغير شغله

اللي يبغي الصلاة ماتفوته

[المزوحي]

امواج

شو هالحياة اللي يطرونها ويبون يعيشونها

[أمواج]

امواج

شو هالحياة اللي يطرونها ويبون يعيشونها

.
.
الجواب بتلقــاه فـ اخر شي فـ رد خنفرووش

.
.

[اخت اختي]

وممكن يكون الريّال لعّاب.. وتفكيره وصخ.. يمكن والله أعلم..

[المزوحي]

الريال ما قام يهمه شي .. قبل يدس شغلاته يوم يتزوج .. الحينه اشكره !